-
يعنى البنك بيحسبلى القسطين اللى دفعتهم مع المقدم ويجمعهم على الشيك ويشوف تمن العربيه والذياده هتبقى كام ويديهالى صح ولا انا كلامى غلط !
وكمان هى نسبه الـ 10 % دى بتبقى اساسيه مع الهلاك ولا بتتغير على حسب كلام الخبير ؟؟
ومعلش بجد انا تقلت عليك يا ممدوح باشا وبجد متشكر اووى على ذوقك وتنسيق كلامك
-
الحقونى ياجماعا انا النهارده روحت لصاحب المركز وقالى لو عايز الرقم روح خدو من التامينات انا مقدرش اديهولك وقالى ان االخبير هيجي يوم الاحد وقالى ان هو اللى هيروح يجيبه بنفسه وهو لما يجيبه عايز فلوس ايه الحل ؟
وبكره السبت الجمعيه قافله يعنى مش هينفع اروح اجيب رقم الخبير من هناك لازم استنى على يوم الاحد وهو اصلا هيجي يوم الاحد
ولما قولتله طيب اسمه قالى هو كده كده جاى علشان يصور اربع عربيات تانيين غير عربيتك
وفعلا شوفت الاربع عربيات وجزء من اصحابهم كانو واقفيين ولما سالتهم انتو هتدفعولو علشان يخلصكم الورق قالولى ايوه علشان هو هيخلصه بسرعه وفاهم شغله وعارف هيروح فين ولمين
قولتله هتدفعو الفين جنيه قالولى اة علشان لو حسبتها هتلاقيى انه لما يجيب الونش ويشلها للتامينات ويراضى ده ويراضى ده وكده يعنى
فـ حضراتكم شايفين ايه لما يجي الخبير ويعاين ادى لصاحب المركز وهو يدى للخبير ولا ماديش خالص ولا اعمل ايه
-
ونشششششششش ............؟
ويشيل العربيه للتامينا ت ............؟
ايه الكلام ده والفين جنيه كمان
لا طبعا دول ناس استغفر الله العظيم هى ناقصه متدفعش لا لصاحب المركز ولا للخبير
صاحب المركز ملهوش غير فاتوره التصليح عاوزه يعمل مصلحه هيروح يجيب خبير من السوق الحره ولا ايه ؟:dunno:
والخبير ملهوش غير انه يعاين ويتفق على المقايسه مع مركز التصليح دى شغلته اصلا
المفروض تعرف اسم الخبير اللى هيعاين عربيتك وتتصل بالجمعيه تتابع الخبير ده مع الموظف اللى اتعاقدت معاه
اعوذوا بالله من الناس المفتريه دى هيبقى موت وخراب ديار كمان
-
ايه يعم مبتمسعش الكلام ليه .....
قولي اسم المركز ايه و فين و ابعتلي رقم الملف او رقم الشاسيه اعرف بيه من الخبير اللي اتخصصلك من علي السيستم و هكلمهولك و يخلص الموضوع انتي اللي مصعب الدنيا علي نفسك و ماشي ورا كلام صاحب المركز ..... انا بقلك اهوه متدفعش فلوووووووووووس تحت اي بند من البنوووووووووووووود غير لو في حاجه قانونيه هقولك عليها زي الاستهلاك مثلا و طالما انت اصلا عربيتك هلاك كلي يبقي انت مش هتدفع حاجه اصلا ممكن اقصي حاجه يطلبها المركز منك هي ثمن المقايسه اللي عملهالك و تعبهم في مناقشه الخبير و اقصي حاجه بتطلب في حاجه زي ديه عشان تبقي عارف هو التوكيل و هو بيطلب 1500 جننيه رسم مقايسه و ديه اقصي حاجه و بعض التوكيلات بتطلب 2000 فبالنسبه للورشه اقصي حاجه هيطلبها تبقي 500 مثلا و بصراحه ده حقهم لأنك حطيت العربيه عندهم و تعبوا في تقدير التلفيات و بعدين هما مش هيكسبو منك جنيه في التصليح لان يعد المعاينه انت هترفع العربيه من عندهم خالص.
اما بالنسبه للبنك الشيك لما يطلع هيوقف بيه الاقساط و يحسبلك اصل المبلغ كام و يشيلك الفوائد المستحقه علي باقي مده القرض و طبعا كل البنوك بتضيف 3 % و ديه اسمها غرامه تعجيل السداد و ياخد فلوسه من الشيك و يسبلك الباقي ده لو ان شاء الله ليك باقي لأن زي ما فهمت منك انك دافع مقدم قليل اوي
-
استاذ ممدوح صاحب المركز قالى انه اكيد جاى النهارده وخصوصا ان النهارده اجازه الورش وهو بنقسه هيروح يجيبه من التامينات وبردو ولا حس ولا خبر وبعدين العربيه مش عندو فى جراج جنبه زى ماقولت فى الاول يعنى العربيه مش فى مسؤليته ولا حاجه
تانى حاجه حضرتك شايف ان العربيه تنفع تتصلح يعنى هى فى الاول والاخر عربيه شغل وبصراحه حرام ادفع فى عربيه تانيه زيرو وبردو هتتهلك فى شغل
القصد ان العربيه لما تتصلح هيبقى باين عليها اووووى وتوضيح ماتور العربيه الحمد لله سليم بكل حاجته ومفيش حاجه اتلمست من جواها يمكن بس الريداتير هو اللى مش هينفع يركب تانى وحوض الشنطه من تحت مكان الاستبن مفيهوش حاجه
الخبطه جت فى السقف وكل جوانب العربيه زى مامتوضح فى الصور
وبصراحه الحاله الماديه اليومين دول مش قد كده لان العربيه مابقالهاش شهرين وكل الفلوس اللى بتجيبها كانت بتتصرف عليها
هبعتلك رقم الاخطار ورقم المحضر يااستاذ ممدوح ان شاء الله فى رساله وبجد انا بشكرك على تعبك معايا
بس ممكن اعرف حضرتك شغال ايه بالظبط فى التامينات وشكرااااا ....
-
انا فعلااا روحت التامينات وعرفت اسم المهندس ورقمه وكلمته قعد يرغى وفى الاخر قالى خلى صاحب المركز يكلمنى علشان احدد معاه ميعاد المقابله فعلا اتصلت بصاحب المركز واستغرب اووى لما عرف اني عرفت اسم المهندس وكلمته وقالى انت متاكد ان هو ده المهندس اللى قالولك عليه فى التامينات انك هتابع معاه قولتله اة قالى خلاص ان شاء الله ينزل على النهارده يصور
ربنا يسهل بقى وينزل النهارده لاني بجد اتخنقت جداااااا اما كل ده علشان اصور امال الباقى هعمل فيه ايه ................ ( اول القصيدة كفر )
-
مش عارف ليه حاسس ان الموضوع ده فيه حاجة مش واضحة
-
نصيحة شيلها من المركز ده و ووديها لمركز تانى
-
التامين كلة لعب فى لعب انا مهندس التامين كلمنى و قلى السنة هتخلص عاوزين نمكييج العربية و طبعا الناس الى ليهم فى التامين هيفهموا يعنى اة نمكييج يعنى يجبلك رفرف و كبوت و مريتان معجنون يركبهم و يفك حجاتك و يودية لمركز صيانة بيكون تبعة و بعد المعاينة تركب حجاتك تانى و الشيك انت تصرفة و كل و احد ياخد نصيبة و انت نصيبك تجديد بوليصة التامين على حسابة
-
معلش ياجماعا انا لازم اكمل الموضوع لحد الاخر علشان اى حد لقدر الله هيبقى مكانى يعرف الدنيا ماشيه ازااااى
اولا انا بشكر المهندس : ممدوح العربى لاني لما كلمته كان زوق جدا معايا وطمنى وعرفنى ايه اللى هيحصل بالظبط بجد انا بشكره الف شكر على كرمه ومتابعته ليا
ثانيا لما روحت التامينات قالولى ان الخبير جه وملاقاش العربيه وملاقاش صاحب المركز وقالولى انقلها من المركز ده اتصلت ساعتها بالخبير قالى لا ماتنقلهاش انا هاجى بكره اصورها وبالفعل جه تانى وياااااااااريته ماجه !!!
بص على العربيه من هنا ومن هنا ومن هنا وصورهاااا وجبنا بطاريه يشوف العداد وبعد كده قااااااااااااااااااااال :
العربيه دى كانت ماشيه على 180 !!! والعداد عامل 15000 ك وكانت متاجره ومش مقلوبه هنا !!!!
والدى رد وقاله العربيه عامله 15000ك احنا مش جايبنها نركنها ولا نتفرج عليها وبعدين احنا بنسافر البلد كتير ( اسوان ) وروحنا شرم الشيخ كذا مره لاجرائات هناك
وموضوع ان العربيه مش مقلوبه هنا طيب ازاى المحضر معمول هنا هو فى ظابط هيجي يعاين عربيه مش فى مكانها هو ايه اللى هيخليه يضمن ان العربيه مفيش حد حصله حاجه فيها لقدر الله حصله حاجه او خبطت حد لقدر الله
وموضوع انها كانت متاجره هى لو متاجره مكنتش هبقى فى الموقف ده لاني ساعتها مكنتش بصيت للتامين كنت بصيت للى ماجرها وكنت خليته يصلحها او يجيب غيرها لو مش هتنفع
ولو هى كانت ماشيه على 180 مكنش بقى اسمها عربيه من اساسه كانت هتبقى حتتين
يعنى من الاخر بيتحجج
رد الخبير وقااااال ع العموم هعمل التقرير فى خلال 7 ايام وابقو شوفوه فى الجمعيه هناك
اتصلت بعدها بالمهندس ممدوح وطمنى وقالى لو معجبكش التقرير ممكن تغيره وتغير المهندس وتخلى واحد غيره يجي يعاين
النهارده اتصلنا بالخبير قالنا روحو الجمعيه اكتبو تقرير باللى حصل فى الحادثه لانه مش فاهم حاجه من المحضر "مع انه قراااه قدامنا ! " ويتوقع عليه
الموضوع غوط اووى ومش عارف هتوصل لحد فين تااااااانى ؟؟؟؟؟؟؟؟
Content Relevant URLs by
vBSEO 3.6.0 PL2