تقرير صيانة الالف للانترا 2015 و توكيل العبور

**soltanfriend** · 13-11-2014 12:35 PM

السلام عليكم
الحمد لله امبراح سافرت من بورسعيد للعبور لصيانه الالف للانترا 2015
انا كنت حاجز مع خدمه العملاء عن طريق التليفون وقالتلى لازم تيجى الساعه 9.35 بالظبط بس انا تقريبا كنت مزود السرعه فوصلت قبل الميعاد دا بساعه وما حدش سألنى رقم الحجز كام ولا حتى شافو دفتر الضمان يا دوب الرخصه بس , بعد كدا مهندس الصيانة سألنى عن ملاحظاتى وهى كانت باب السواق تقيل فى القفل و فى صوت مزعج جاى من التصاق الكوبسته مع الزجاج الخلفى وان فرامل اليد ضعيفه شويىه
طبها انا شوفت العربية وهما شغالين فيها غيروا زيت وربطو العفشه ورجلشوا الفرامل الخلفيه وبعد كدا العربية خرجت
وطبعا ما حدش كلمنى وفضل قاعد ساعه يمكن ينادو عليا لغايه ما انا نزلت للمهندس قالى تمام
سألته عن الصوت قالى هما ربطو الكوبسته قلتلوا يا بشمهندس يا محترم بغض النظر ان ما حدش بص عليها ولا جا جمبها الكوبسته فى العربية دى لزق وملهاش اى كلبسات قولتله طيب والباب قالى اصل دا قسم هياكل فانا بصراحه اتخنقت و اخدت الفاتورة اللى هى 390 زيت 10 آلاف وفلتر ومشيت
ملاحظاتى
العفشة بقت فعلا احسن بكتييييير بعد التربيط فى المشى وفى المطبات
والفرامل بقت اقوى ودواسة الفرامل علت شويه وفرامل اليد بقت اجمد وفعلا الحمد لله ما عادتش بتزحف العربيه لأن غالبا كانت بتمسك قدام بس عشان كدا كانت بتزحف على طول مع الفرامل الجامده ودلوقتى اختفا الموضوع دا تماما وجربته كذا مرا والحمد لله مفيش
الصوت اللى فى الكوبسته زى ما هو والباب تقيل زى ما هو
ملاحظاتى عن العربيه فى السفر
العربية الحمد لله مريحه جدا فى السفر وانا كنت بمعنى الكلمه طاير بيها وانا رايح و وانا جاى للتجربة فقط بس هى بصراحه كانت مساعدانى ومش مخوفانى بس هى عايزة تكون عندك احساس عالى جدا بالدركسيون لانه بيروح معاك من اقل حركه
ثباتها كان معقول جدا ووصلت بيها ل180 ومشيت كدا فترة طويله من غير ما اهدى واخدت كذا ملف مش جامدين على 160 واكتر ومفيش ولا الهوا
على الكباري لما عديت على فواصل الكبراى لقيت فعلا الشنطة بتلعب على الخفيف بس دا اكيييييد لأن العربيه عاليه ومن غير جنط بس والله كنت ماشي 160 وكانت قمه فى التماسك
الماتور فعلا هو سر الانترا لأن مفيش عربيه شديت معاها وقدرت حتى تقرب منى وكانو صنى 2011 ولانسر بومه وسيترون اللى شبه ال301 وسيراتو 2010 وكارينز 2010 و كان فى جولف 6 بس مش ها اقول طبعا على اللى حصل معاه :( لانى كنت معاه الرهوان التانى ;) بس اكتر عربيه جرت معايا النيسان 2011 وكذا واحده كمان تحس انها بتشجع اللى سايقها على الجري الصراحه بس كانوا بيوصلو معايا ل160 ويثبتوا على كدا وانا بكمل
الحمد لله العربيه كمجمل الحمد لله كويسه بس مش بتاعه مغامرة يعنى هى عائلية من الطراز الاول وعملية ومريحه وسريعه جدا فى الشد وشكلها رياضى بس شكلا وليس موضوعا
وبالمناسبة اتاخدت رادار وانا راجع فى العاشر على سرعه 147 ودفعت 150 جنيه تصالح فورى

**Mohamedjetta** · 13-11-2014 12:42 PM

المشاركة الأصلية كتبت بواسطة soltanfriend

السلام عليكم
الحمد لله امبراح سافرت من بورسعيد للعبور لصيانه الالف للانترا 2015
انا كنت حاجز مع خدمه العملاء عن طريق التليفون وقالتلى لازم تيجى الساعه 9.35 بالظبط بس انا تقريبا كنت مزود السرعه فوصلت قبل الميعاد دا بساعه وما حدش سألنى رقم الحجز كام ولا حتى شافو دفتر الضمان يا دوب الرخصه بس , بعد كدا مهندس الصيانة سألنى عن ملاحظاتى وهى كانت باب السواق تقيل فى القفل و فى صوت مزعج جاى من التصاق الكوبسته مع الزجاج الخلفى وان فرامل اليد ضعيفه شويىه
طبها انا شوفت العربية وهما شغالين فيها غيروا زيت وربطو العفشه ورجلشوا الفرامل الخلفيه وبعد كدا العربية خرجت
وطبعا ما حدش كلمنى وفضل قاعد ساعه يمكن ينادو عليا لغايه ما انا نزلت للمهندس قالى تمام
سألته عن الصوت قالى هما ربطو الكوبسته قلتلوا يا بشمهندس يا محترم بغض النظر ان ما حدش بص عليها ولا جا جمبها الكوبسته فى العربية دى لزق وملهاش اى كلبسات قولتله طيب والباب قالى اصل دا قسم هياكل فانا بصراحه اتخنقت و اخدت الفاتورة اللى هى 390 زيت 10 آلاف وفلتر ومشيت
ملاحظاتى
العفشة بقت فعلا احسن بكتييييير بعد التربيط فى المشى وفى المطبات
والفرامل بقت اقوى ودواسة الفرامل علت شويه وفرامل اليد بقت اجمد وفعلا الحمد لله ما عادتش بتزحف العربيه لأن غالبا كانت بتمسك قدام بس عشان كدا كانت بتزحف على طول مع الفرامل الجامده ودلوقتى اختفا الموضوع دا تماما وجربته كذا مرا والحمد لله مفيش
الصوت اللى فى الكوبسته زى ما هو والباب تقيل زى ما هو
ملاحظاتى عن العربيه فى السفر
العربية الحمد لله مريحه جدا فى السفر وانا كنت بمعنى الكلمه طاير بيها وانا رايح و وانا جاى للتجربة فقط بس هى بصراحه كانت مساعدانى ومش مخوفانى بس هى عايزة تكون عندك احساس عالى جدا بالدركسيون لانه بيروح معاك من اقل حركه
ثباتها كان معقول جدا ووصلت بيها ل180 ومشيت كدا فترة طويله من غير ما اهدى واخدت كذا ملف مش جامدين على 160 واكتر ومفيش ولا الهوا
على الكباري لما عديت على فواصل الكبراى لقيت فعلا الشنطة بتلعب على الخفيف بس دا اكيييييد لأن العربيه عاليه ومن غير جنط بس والله كنت ماشي 160 وكانت قمه فى التماسك
الماتور فعلا هو سر الانترا لأن مفيش عربيه شديت معاها وقدرت حتى تقرب منى وكانو صنى 2011 ولانسر بومه وسيترون اللى شبه ال301 وسيراتو 2010 وكارينز 2010 و كان فى جولف 6 بس مش ها اقول طبعا على اللى حصل معاه :( بس اكتر عربيه جرت معايا النيسان 2011 وكذا واحده كمان تحس انها بتشجع اللى سايقها على الجري الصراحه بس كانوا بيوصلو معايا ل160 ويثبتوا على كدا وانا بكمل
الحمد لله العربيه كمجمل الحمد لله كويسه بس مش بتاعه مغامرة يعنى هى عائلية من الطراز الاول وعملية ومريحه وسريعه جدا فى الشد وشكلها رياضى بس شكلا وليس موضوعا
وبالمناسبة اتاخدت رادار وانا راجع فى العاشر على سرعه 147 ودفعت 150 جنيه تصالح فورى

مبروك عليك الصيانه وعقبال المليون كيلو
طبعا قوه الموتور الالنترا تحفه جدا ... انا برضو عربيتي الالنترا 2010 ظبطت معظم العربيات ماعدا الجولف 6 و 7 لان دول تربو ومش بيهزرو
ع فكره اكيد بتاع الجولف 6 بيهزر مش اكتر لان الجولف 6 تربو وممكن تزعل الالنترا

**soltanfriend** · 13-11-2014 01:37 PM

المشاركة الأصلية كتبت بواسطة mohamedjetta

مبروك عليك الصيانه وعقبال المليون كيلو
طبعا قوه الموتور الالنترا تحفه جدا ... انا برضو عربيتي الالنترا 2010 ظبطت معظم العربيات ماعدا الجولف 6 و 7 لان دول تربو ومش بيهزرو
ع فكره اكيد بتاع الجولف 6 بيهزر مش اكتر لان الجولف 6 تربو وممكن تزعل الالنترا

ما انا بقولك انا كنت معاه الرهوان التانى انا شديت معاه ومشيت جنبه شويه وبعدين وحنا تقريبا على 170 شد واختفى من قدامى خالص وطبعا غير الغرز اللى كان بيعملها ما شاء الله ربنا يباركله فيها

**mnashat77** · 13-11-2014 02:09 PM

الف مبروك عليك،وربنا يحافظلك عليها
وفعلا الانترا مواتيرها دايما عفيه

**Mohamedjetta** · 13-11-2014 03:16 PM

المشاركة الأصلية كتبت بواسطة soltanfriend

ما انا بقولك انا كنت معاه الرهوان التانى انا شديت معاه ومشيت جنبه شويه وبعدين وحنا تقريبا على 170 شد واختفى من قدامى خالص وطبعا غير الغرز اللى كان بيعملها ما شاء الله ربنا يباركله فيها

ربنا يبارلك في عربيته وعربيه الراجل
ع فكره انت تقدر تستمر معاه بس تلاقيك خوفت عشان العربيه لسه زيرو وانت عربيتك 130 حصان بس بيطلعو ع ار بي ام متأخر و هو تربو بس بتطلع القوه بدري
كنت تقدر ترخم عليه شويه بس برضو كان هيهرب منك

**soltanfriend** · 13-11-2014 03:39 PM

كان ممكن اشد معاه اكتر فعلا بس هو كان زي النحله بيغرز بقوه ما بين العربيات والسرعه كانت عاليه فطبعا لو غامرت ممكن تبقي لعبه الموت
بس سيبك انت مافيش عربيه تانيه عرفت تعمل حاجه :)

**Mohamedjetta** · 13-11-2014 07:42 PM

المشاركة الأصلية كتبت بواسطة soltanfriend

كان ممكن اشد معاه اكتر فعلا بس هو كان زي النحله بيغرز بقوه ما بين العربيات والسرعه كانت عاليه فطبعا لو غامرت ممكن تبقي لعبه الموت
بس سيبك انت مافيش عربيه تانيه عرفت تعمل حاجه :)

دي ميزة الالماني وبالاخص الجولف
هههههههه تعالي نشد انا الالنترا hd و انت md :)