تجربتى مع ربط التليفون بالكاسيت فى الفلوانس فيس ليفت
أول ما أشتريت الفلوانس فيس ليفت و جيت أربط ال phone book بتاع التليفون بالكاسيت لقيت الأتى:
- مش كل الأسامى بتظهر
- فيه أسامى بتنزل على الكاسيت بس بتظهر أرقام فقط فى حالة الأتصال أو الأستقبال
- كل مرة أربط التليفون بالكاسيت أسماء مختلفة بتظهر و أسماء أخرى بتختفى حسب المزاج
التليفون كان سامسونج جالكسى S3 بسوفت وير مختلف ما بين Jelly Bean and KitKat و النتيجة واحدة
تم حل المشكلة بإستخدام برنامج Bluetooth Phone Book و ده موجود على ال Play Store و تمنه حوالى 20 جم
مميزات برنامج ال Bluetooth Phone Book:
- حل جميع مشاكل ال Pairing اللى ذكرتها فوق
- طبعاً حطيت كل ال contacts المهمين بتوعى على group و سميته Car ده عملته فى التليفون
- خليت برنامج ال Bluetooth Phone Book يعمل Sync مع group ال Car اللى عملتها فى التليفون
- كل المشاكل أتحلت و الأسماء كلها بتظهر و زى الفل
مساؤى برنامج ال Bluetooth Phone Book:
- لازم كل مرة تفتح البرنامج قبل ما كاسيت العربية يعمل pairing مع التليفون و طبعاً لو هتنزل مشوار صغير هتطفى العربية و تدورها تانى لازم تفتح البرنامج مرة أخرى....
- شوية تعليقات أو فصل مع نفسه
من كام يوم أشتريت موبايل سامسونج جالكسى S5
و خير اللهم ما أجعله خير ألاقى الأسامى كلها بتظهر و ال Sync ميت فل و خمساشر و مش محتاج برنامج ال Bluetooth Phone Book تانى و تدور و تطلع على طول و كل الأسامى بتظهر فى الأتصال أو الأستقبال
الخلاصة:
- بروتوكول ال Bluetooth المستخدم بيفرق ..... السامسونج ال S5 فيه (Bluetooth LE (Low Energy/Smart Energy و ده مكنش موجود فى السامسونج جالكسى S3
- ال PBAP أو ال Phone Book Access Profile الموجود فى السامسونج S5 متوافق أكثر مع كاسيت العربية و مفهوش Bugs و ده مخلى ال transfer تمام.
أرجو أنى أكون أفدت أى حد بالمعلومات دى
تحياتى