السلام عليكم احبائي
السؤال هو العربيه كان استهلاك البنزين 8.9
وبعدين بدأ يزيد كل شوية حتى وصل اليوم 10.4
في اقل من شهر مع اني مش مشغل التكيف و
محافظ على دوسة البنزين في حدود اﻻيكو
ايه بقى؟؟؟
كوروﻻ 2014 ماشيه 6600
ارجو اﻻفاده
عرض للطباعة
السلام عليكم احبائي
السؤال هو العربيه كان استهلاك البنزين 8.9
وبعدين بدأ يزيد كل شوية حتى وصل اليوم 10.4
في اقل من شهر مع اني مش مشغل التكيف و
محافظ على دوسة البنزين في حدود اﻻيكو
ايه بقى؟؟؟
كوروﻻ 2014 ماشيه 6600
ارجو اﻻفاده
وعليكم السلام : )
بالنسبة للاستهلاك دا عادي هوا متوسط الاستهلاك مش بيكون دقيق اوي يعني .
بس احسن حاجة للعربية السفر العربية بتحب تسافر وبترجع بعديها مرتاحة ونفسها مفتوحها واستهلاك البنزين بيقل والحياة بتكون زي الفل .
اشكرك على الرد السريع
ولكن الزياده ملوحظه و سريعه
في مده قليله وعلشان كده قلقت
في حاجة برضو لازم تاخد بالك منها محطة البنزين الى بتمون منها ونمط القيادة او الطرق الى بتمشي فيها .
اكيد طالما حضرتك حسيت بقرف مفيش اي من الكلام دا اتغير وبالتلي كدا في حاجة غريبة بس ان شاء الله خير متقلقش . تحياتي : )
مفيش اى قلق ولا حاجة
الاستهلاك عادى جدا
وممكن يزيد شوية ويقل شوية بيتختلف ع اسباب كتيره جدا جدا زى مثلا :
1 - اسلوب القيادة ( كيك دون .. بتمشى ع نظام اقتصادى ولا لا )
2 - ضغط الاطارات مظبوط ولالا
3 - الطريق نفسه مفتوح و طرق مزدحمه وفرامل كل شوية واشارات مرورية واقفه
4 - طبيعة الجو سواء حار او بارد ف النهار او االليل
5 - االرياح معاك ولا ضدك .. فية مطالع او منازل ف الطريق ولا لا
6 - البنزين المستخدم نظيف ولا مغشوش
7- زيت الموتور مناسب ولا لا ... عايز يتغير ولا لسة بحالته
كل دى عوامل بتفرق معاك فى قراءه الاستهلاك الفعلى للبنزين
بالنسبة للكورولا فية سوفت وير جديد نزل مش عارف حضرتك نزلته للعربية ولا لا ودة مخصوص بالحته دى بيحسب المتوسط الاستهلاك فى وقت اقل من الاول
شكرا جزيل للاعضاء
وان شاء الله خير
حاول تصفر مؤشر البنزين وشوف القرايه ال هتطلع كام
بص يا زعيم اكيد حضرتك عملت قريب صيانه الخمسه الاف علشان هما نزلوا السوفت وير الجديد ودة غير فى كميه البنزين الموجود ه بالتانك وكمان رفع معدل استهلاك البنزين ولا حضرتك لاحظت دة قبل صيانه الخمسه
ده كلام مظبوط
انا ﻻحظت الكلام ده بعد صيانة 5000
بس همه عملوا ايه بالضبط؟؟؟؟؟
ايوه برضه ازاي يا باشا؟؟؟؟؟؟؟؟
يص يا زعيم كان الاول لما تملى التانك على الاخر يقولك الكومبيوتر ان اقصى مسافه فى حدود 500 كيلو دلوقتى بعد صيانه الخمسه السوفت الجديد اصبحت 580 كيلو مع ان السعه الحقيقه للتانك هى هى متغيرتش فالطبيعى ان الاستهلاك بيعلى علشان يعوض فرق 80 كيلو الزياده دول ولو حضرتك سالت التوكيل على موضوع السوفت ده هيقولك على طول ولو عايز الحساب الدقيق لو حضرتك مركز فى مشاويرك تقريبا فى الاسبوع كنت بتحط كام لتر بنزين او بكام فلوس هتلاقيها متغيرتش اللى اتغير فعلا هو كومبيوتر العربيه فى حساب كميه البنزين اللى فى التانك وكمان استهلاك البنزين انما الاستهلاك الفعلى وقيمته ماديا لم تتغير ارجو ان اكون قدرت اشرح فعليا
استهلاك الصفيحة داخل البلد مع التكييف عامل فى حدود 180 كيلو. وده متوسط بعد مل حسبتها كام مرة واعتقد كدة الاستهلاك متوسط زى باقى سيارات ال 1600