-
طرمبة المياه
بعد اذن اعضاء المنتدى المحترمين عاوز اعرف امتى طرمبة المياه تكون باظت .... فى ناس بتقول افتح غطاء قربة لمياه والعربية دايرة واشوف فى تقليب مياه ولا لا . مع العلم انى جربت اعمل كده لايت مفيش مياه بتتحرك فى القربة مع ذلك درجة حرارة العربية عندى كويسة دائما المؤشر اقل من علامة النصف فارجوا التوضيح مع جزيل الشكر.
-
طلمبة الميه من الحاجات اللى مافهاش تهاون لانها مرتبطه بسير الكاتينه
من اعراض تلفها ان تلاقى تسريب ميه من ناحيتها او انك تلاقى صوت خشن طالع من ناحية السير
و الصوت دا شبه صوت خشونة بليه الدينامو و الميكانيكى بتاعى ليه طريقة لطيفة بيعرف منها مصدر الصوت
بالزبط من غير ما يفك حاجة ,, جايب سماعة (stethoscope) و شايل منها جزء ال diaphragm و ال
bell و حاطط مكانهم حديده طويله شبه مقياس الزيت و بالتالى يقدر يحدد مصدر الصوت بالزبط
الطرمبة المفروض تتغير احتياطى ف حدود 100 الف كيلو و يفضل انها تكون مع تغير سير الكتينة بالمره
و ارجع للكتالوج عشان تجيب المعلومة الاكيدة
-
انا لما بافتح قربة الميه بالاقى الخرطوم اللى راجع للقربة بينزل منه ميه بس بمعدل بطيئ كده يبقى ممكن تكون طلمبة الميه فيها مشكله ؟
-
اعراض تلف طرمبة المياه
1 - ارتفاع درجة حرارة المحرك في الاشارات ووسط البلد وعودتها للطبيعي في الطرق المفتوحة
2 - صوت خشونة من جانب سير الكاتينة
3 - تسريب مياه من بلف الضغط بالطرمبة
4 - عمر افتراضي 80000 كم
-
طب يا عم طارق هو الطبيعى ان راجع الميه للقربة يبقى شكله ازاى يعنى اللى بيجرى عندى ده هو الطبيعى و لا كده فيه مشكله ؟
Content Relevant URLs by
vBSEO 3.6.0 PL2