الموضوع: محتاج راءي

الاخوه الافاضل
محتاج المشوره
انا اشتريت بيت في الشروق
الحمدلله
صاحب البيت مسافر في الخارج
اتفقت مع اخوه علي السعر لكن مادفعتش عربون
اخوه دا والعياذ بالله شيء صعب انسان شحيح
وجعان لدرجه صعبه لدرجه انه قبض750 الف
وعملت ليه بيهم ايداع في البنك بتاع اخوه
واخد مني 100 جنيه فرده علشان يسافر بيها اسكندريه
كان ليه دفعه تانيه بعد اسبوعين
اخد مني 100 جنيه علشان الطريق لائنه منفض
قولت بسيطه مش مشكله
150 اخدهم غصب لموظف الجهاز علشان جواب الشهر العقاري
مش عليا المالك هو المسؤل يجيب الجواب
لكنه قال مش معايا ومش دافع
قولت مش مشكله
150 لموظف الشهر العقاري
مش تبعي برضو لكن دفعتهم

المهم بعد اسبوعين قدرت اكمل الفلوس
لقيت اخوه رفع السعر 20 الف بحجه اني مادفعتش العربون
طبعا كان شايف قد ايه انا كنت ملهوف علي البيت وعايز اخلص فيه باءي طريقه
ووافقت
كانا الاتفاق ان اخوه يعمل لي توكيل في السفاره
لما انااتاخرت عمل التوكيل باسم اخوه
علي اساس ان اخوه يبيع لاءي حد تاني مش شرط انا يعني
لما قدرت اجمع الفلوس اخوه عمل التوكيل واصبح البيت فيه توكيلين
توكيل من الاخ لاخوه ثم توكيل من الاخ ليا
فاهمين طبعا
انا مش حابب كده
واتفقت معاه اني هاكمل البيعه بتوكيلين
بس اخوه يبعت لي توكيل تاني مباشر منه ليا
واني هاتحمل تكلفه التوكيل البريد السريع يعني
200 او 300 جنيه
وبقيت 10 الاف جنيه من سعر البيت مقابل التوكيل
وكتبت شيك بنكي بيهم
فوجئت ان اخوه االنهارده بيكلمني
ان التوكيل وصل مع واحد قريبهم مش بالبريد
وانه عايز 1200 جنيه حق التوكيل
طبعا هو شاف ان متساهل معاه وبادفع له اللي هو عايزه
طبعا انفعلت عليه
قولت ليه مش عايزه
بس طبعا انا في احتياج ليه
والمفترض انه عايز ال10 مقابل الشيك باقي السعر
انا بافكر اقوله مالكش فلوس عندي الا لما تجيب التوكيل
لكن هو معاه الشيك
لكنه منفض ومش حمل نيابه وقضايا
اعمل معاه ايه