مش عارف حظي وحش ولا ده غباء من الآخرين -_- !!!

**Land_Cruiser** · 14-11-2014 03:53 AM

قدر الله و ما شاء فعل. ارشح ال 508

**hany63** · 14-11-2014 06:19 AM

اقول لك على المفيد
ال ٥٠٨ نسبة رضا ملاكها عن العربيه تقترب من النسبه النهائيه يعيبها توكيلها بالنسبه لمراكز الخدمه الرئيسيه كان ليا تجربه مش قوي و العيب اللي كنت رايح عشانه ما اتعملش و حسيت انهم بهدلوا العربيه
و لكن يحسب لها وجود مراكز خدمه معتمده في معظم المناطق و لها نفس صلاحيات التوكيل بالنسبه لتغيير قطع الغيار داخل الضمان و لسه مغير امبارح التيل الخلفي في الضمان و الموضوع كله اخد ربع ساعه و كنت ماشي
طبعا العربيه اداء و فخامه و ثبات و استهلاك بنزين مثاليه بعمل بيها ١٩٠ كيلو في الصفيحه زحمه و شد و تكييف
الانسجنيا للاسف نسبه كبيره من ملاكها بيشتكوا من رعشه و رجه في العربيه و حضرتك تقدر تخش على جروب الاوبل على الفيس و تتاءكد بنفسك و كمان فيه مواتير اتغيرت و ده مش عيب في العربيه انما عيب في البنزين عشان العربيه حساسه جدا للبنزين عايزه من الاخر ٩٥ و ميكونش مغشوش وانا شايف الصراحه التوكيل بتاعها بيعمل اللي عليه بس الموضوع محتاج شوية وقت على ما يشوف سوفت وير بحيث تقبل ال ٩٢ بدون مشاكل
بالتوفيق

**ENG.MaRk** · 14-11-2014 08:42 AM

المشاركة الأصلية كتبت بواسطة windofchange

مين قال ان التربو بيزود استهلاك البنزين ؟ هو موتور 2000 سي سي تربو اكيد استهلاكه اكتر من 1600 تربو

مش التربو ده بيزود كمية الهواء اللي بتدخل الEngine booth عشان تتحرق !!!
يبقي أكيد بيزود معدل حرق البنزين :)

**ENG.MaRk** · 14-11-2014 08:45 AM

المشاركة الأصلية كتبت بواسطة hany63

اقول لك على المفيد
ال ٥٠٨ نسبة رضا ملاكها عن العربيه تقترب من النسبه النهائيه يعيبها توكيلها بالنسبه لمراكز الخدمه الرئيسيه كان ليا تجربه مش قوي و العيب اللي كنت رايح عشانه ما اتعملش و حسيت انهم بهدلوا العربيه
و لكن يحسب لها وجود مراكز خدمه معتمده في معظم المناطق و لها نفس صلاحيات التوكيل بالنسبه لتغيير قطع الغيار داخل الضمان و لسه مغير امبارح التيل الخلفي في الضمان و الموضوع كله اخد ربع ساعه و كنت ماشي
طبعا العربيه اداء و فخامه و ثبات و استهلاك بنزين مثاليه بعمل بيها ١٩٠ كيلو في الصفيحه زحمه و شد و تكييف
الانسجنيا للاسف نسبه كبيره من ملاكها بيشتكوا من رعشه و رجه في العربيه و حضرتك تقدر تخش على جروب الاوبل على الفيس و تتاءكد بنفسك و كمان فيه مواتير اتغيرت و ده مش عيب في العربيه انما عيب في البنزين عشان العربيه حساسه جدا للبنزين عايزه من الاخر ٩٥ و ميكونش مغشوش وانا شايف الصراحه التوكيل بتاعها بيعمل اللي عليه بس الموضوع محتاج شوية وقت على ما يشوف سوفت وير بحيث تقبل ال ٩٢ بدون مشاكل
بالتوفيق

خلاص يبقي خليني في ال508 و أمري لله :)

**hany63** · 14-11-2014 06:02 PM

المشاركة الأصلية كتبت بواسطة eng.mark

خلاص يبقي خليني في ال508 و أمري لله :)

هههههه تعليق حضرتك كاءنك هتجيب ١٢٧
لعلمك انا في الاول كنت هجيب انسجنيا و كانت عاجباني جدا بس اتراجعت في اخر لحظه بسبب انها كانت لسه نازله جديد و انا متعقد الصراحه بعد مقلب الدي اس جي لما كنت اول واحد في مصر يركب باسات تي اس اي فقلت زيك خلينا في ال ٥٠٨ و امرنا لله
انا الصراحه لغاية دلوقت مستغرب جدا ان بيجو عرفت تعمل العربيه دي
العربيه عن تجربه احلى بكتير من الباسات حتى لو مفيهاش مشاكل الفتيس
بالتوفيق