السلام عليكم ورحمة الله
طبعا الربا المعروف انك بتقرض شخص قدرمعين من المال ولما بيرجعه بيكون زائد عن المبلغ الاصلى
و المقرض هنا بيتاجر بحاجات معنوية زى الفترة الزمنية .....يعنى بيعمل عملية تحويل للوقت وهوشىء معنوى إلى مال ......مفيش حاجةعنده ببلاش ويوم الحساب والحاجات دى مش فى باله
وأكيد برضه بيتاجر بإحتياج المقترض إلى المال ودى برضه من الخسة المعنوية المتحلى بها
طيب ايه قصدى بعنوان ربا من نوع جديد فى منتدى السيارات
كلامى و الله اعلم عن الصنايعية اللى ما عندهاش ضمير تجيلك و انت مزنوق على طريق او تعرضت لحادث و ينهش فيك مستغلا ظروفك و ظروف الوقت
ايده فى الشغلانة وعينه على صاحب الشغلانة وازمته و اهم حاجة جيبه فى الحدث اللقطة دا
الحاجة قيمتها الطبيعية 100 يقدرها ب 500 بلا اى مبالغة
فى مثل شعبى بيقول بيت النتاش ما يعلاش