ستروين ax & مازدا121 & مازدا 323 & ماروتى

السلام عليكم ورحمة الله وبركاتة

ف البداية احب اشكر اعضاء المنتدى على مساعدتهم للاعضاء الجدد
انا معايا مبلغ ف حدود 25 الف
لما تابعت المنتدى هنا مثلا فى قسم الستروين حبيت العربية دى من كلام اصحابها عنها بس لقيت مشكلة كبيرة وهيا ان مش اى ميكانيكى بيشتغل ف الستروين ax وان مفيش قطع غيار جديدة
مقابل انها موديل حديث 95 مثلا وبيكون فيها كماليات كويسة

اما بالنسبة للمازدا 323 يمكن هيا اكتر عربية مفيش عليا خلافات كتير
وبمتابعتى لقسم المازدا شوفت ردود الناس بتقول انها عربية كويسة قطع غيار متوفرة و معمرة
لاكن اقل ف الكماليات من الستروين والموديل بيكون 82

بالنسبة للمازدا 121 عربية مقدرتش اجمع عنها معلومات كتير بخلاف انها بتكون موديلات جديدة 95 مثلا لاكن قطع غيارها مش متواجدة جديدة وناس تانية قالت ان قطع غيار الكيا برايد تمشى معاها محتاج اتاكد منكم ف المعلومة دى

واخيرا الماروتى .. عربية صغنونة كدة وتمشى مع شوارعنا بس بدون اى كماليات وبصراحة حاسس انها قريبة من التوكتوك وقريبة من لارض


انا قولتلكم كل اللى قدرت اجمعة عن العربيات الاربعة ياريت بالله عليكم متبخلوش عليا بخبرتكم ولو فى عربية احسن من دول ف حدود ال 25 ياريت تقولولى ... شكرا مقدما واسف للاطالة

المازدا 323 كويسه
وممكن تشوف فيات 131 هاتبقى أحسن حاجه

بس لو عاوز عربيه اعطالها قليله عليك بالماروتى لو متقبل شكلها

اقتباس:

---

المشاركة الأصلية كتبت بواسطة j a g u a r

المازدا 323 كويسه
وممكن تشوف فيات 131 هاتبقى أحسن حاجه

بس لو عاوز عربيه اعطالها قليله عليك بالماروتى لو متقبل شكلها

---

طيب حضرتك ترشحلى الماروتى تكون جديدة ولا استعمال
وياريت تقولى أفضلية 131 عن المازدا 323 هتكون ف اية وشكرا ليك

محتاج رئيكم يا رجالة فينكم

اقتباس:

---

المشاركة الأصلية كتبت بواسطة mezosmsm

طيب حضرتك ترشحلى الماروتى تكون جديدة ولا استعمال
وياريت تقولى أفضلية 131 عن المازدا 323 هتكون ف اية وشكرا ليك

---

ماروتى يبقى استعمال

مفيش فرق كبير بينهم
بس انا ارشح 131 علشان الانتشار ومطلوبه اكثر
والاهم من ده كله الحاله

اقتباس:

---

المشاركة الأصلية كتبت بواسطة j a g u a r

ماروتى يبقى استعمال

مفيش فرق كبير بينهم
بس انا ارشح 131 علشان الانتشار ومطلوبه اكثر
والاهم من ده كله الحاله

---

المشكلة الرهيبة فى الفيات عموما هيا ان قطع الغيار معظمها مضروب وغير معمرة بالمرة وعلى مااعتقد مقارنة بال 323 هتكون المازدا ليها الافضلية ف الجزئية دى لو معلوماتى غلط ياريت حضرتك تصححلى المعلومة وشكرا لردودك

فينكم يا شباب منتظر رئيكم

اقتباس:

---

المشاركة الأصلية كتبت بواسطة mezosmsm

المشكلة الرهيبة فى الفيات عموما هيا ان قطع الغيار معظمها مضروب وغير معمرة بالمرة وعلى مااعتقد مقارنة بال 323 هتكون المازدا ليها الافضلية ف الجزئية دى لو معلوماتى غلط ياريت حضرتك تصححلى المعلومة وشكرا لردودك

---

هو فعلا الفيات القديم قطع غياره رخيصه ومنتشره بس مش معمره زى اليابانى والالمانى بس مش متأكد المازدا قطعها معمره ولا زى الفيات

اقتباس:

---

المشاركة الأصلية كتبت بواسطة j a g u a r

هو فعلا الفيات القديم قطع غياره رخيصه ومنتشره بس مش معمره زى اليابانى والالمانى بس مش متأكد المازدا قطعها معمره ولا زى الفيات

---

شكرا ياباشا جداا على اهتمامك وعلى ردك

فينكم يا شباب