انا والمكوة ده ينفع فيلم

بصوا يا جماعة انا في البدايه كده الموضوع ده عملي ازمة فعلا

انا كنت الاول بكوي هدومي بنفسي وكنت جايب مكوة كويسه بناسونيك بخار

طبعا موضوع الكوي ده مقرف جدا خصوصا ان الواحد بيلبس طقم مختلف كل يوم

المهم استغنيت عن ترابيزة المكوى وابتديت اتعامل مع المكوجيه "البهوات"

المكوجيه اللي اتعملت معاهم هنا في حدود 4 مختلفين كلهم اسف على اللفظ زباله

يعني اقعد اتحايل عليهم ياخدوا الهدوم ومرة ييجوا و عشره لا

اروح اوديلهم انا الهدوم يا اما يخلوها عندهم يومين تلاته او يبعتوها مكويه اي كلام

اروح اتكلم معاهم يقولولي اصل انتوا بتغسلوا الهدوم على السخن فمش بتتفرد حلو

اوووووووووووووووووووووووو ف زهقت من المكوه والمكوجيه ومن الهدوم ذات نفسها

المهم عاوز رايكم في حاجه انا بفكر اجيب المكوه اللي هي زي المكنسه الكهربا



حد جربها ؟ هل هي عمليه ؟ هل بتكوي كويس ؟ وخصوصا لو حاجه تقيله زي الجينز ؟؟ لو كويسه انصحوني بماركة انتوا جربتوها ؟

اهم حاجه متبقاش مرهقه زي المكوه البخار التقليديه

منتظركم ومنتظر رايكم علشان اهرب من القرف ده