الموضوع: ايه احسن سمك مشوي وفيليه ؟؟

البربوني في المقلي
السردين الكبير في المشوي ويسلام لو مشوي صاج
الباغة في المشوي
السيجان في المشوي
القطع مشوي ومقلي وسنجاري وصيادية حكااااااااااااااية
الثعابين مشوي مفيش وصف طبعا
اللوت وموسي بس مولعين نار مفيش وصف
الخنزيرة في المقلي بتتسلخ الاول
الغطيان والمكرونة في المشوي ملهمش حل
الشبار الجوابي الاخضر المبطرخ طبعا ملك الشعبي المشوي وعلي فكرة غالي
الشبار الابيض ميكونش مزاااااارع في الشوربة والمقلي والصيادية
الدنيس في المشوي وياريت ميتقرصش عليه في الفرن
القاروس في المشوي لا تعليق
الجمبري والسيبيا البلدي
تسلق الجمبري الجامبو والسيبيا تتبل بالبهارات والثوم وتتقطع شرايح وتتقلي ( هتشم الريحة من اول الشارع ) ومتنساش الطحينة
الموز والشخرم في المشوي واتفرج علي البطاريخ

الله الله مااروعك
السمك اكل سلاطيني تكانيني
البوري مملكه محمر ومشوي بالزيت ودسم ولذيذ ,البلطي او الصنابر لوز فيليه ومشوي ومقلي ,القراميط مسبك ,الصبيط حبيبي اللي تفطر بيه تعد عليه للمغرب,يشد الصلب ويقوي العزم

المهم الفلافور ,الطعم ,الفينيش والا يبا حشو بطن
انا طريقتي فصص وقطع صغير توم كتير خصوصا ابو قشره بنفسجي
بصل قطع صغيره ,فلفل اخضر حراق مقطع ,فلفل اسود فرش,حبة جنزبيل,حبه كاري,خل ابيض ,ملح صخري,كمون كتير ,صب ميه سخنه بتغلي ع الخلطه تغطي الوش ,دوب معلقة صلصه
حط البوله في الميكرويف حوالي ربع ساعه عالهاي لما تتهمك
صب بالمعلقه علي السمك مع رشة بقدونس وفصوص لمون

سمي وقول يادايم صلي وارقع وادعيلي

المشاركة الأصلية كتبت بواسطة طارق _عبد السلام

صاحب مزااااااااااااااااااااااا اااااج عاااااااااااااااااااالى


هو اصلا فيه حاجه تتاكل غير الاسماك

وملحوظه لمحبى المشوى لازم السمك يتنضف بطنه كويس قبل الشوى

معلوم ياباشا ,النضافه اساس الطهي