هوه كل عطيان اربه المياه مضروبه ولا ايه

**limo** · 24-07-2007 02:50 AM

يا جماعه انا كل ما جيب عطاء للاربه المياه يطلع مضروب مش عارف اعمل ايه ومش عايز اجيب استيراد لانى جبت حاجات كتير وطلعت بايظه
الميكانيكى قالى جيبه من نافع فى شارع دمشق
ولا اجيبه من التوكيل احسن
ولا فى حد عنده اقتراح تانى

**hazem_khidr** · 24-07-2007 03:47 AM

لو لقيته استيراد هاته حيبقي كويس لو تاجر قطع الغيار ما رضاش يبيعه من غير القربه و دا في الغالب اللي حيحصل يبقي هاتخ من التوكيل و امرك لله

**sokasoon** · 24-07-2007 05:47 AM

هاااااااااااااااتو من التوكيل وريح نفسك

كل شوية تشترى ويكون مضروب يبقا روح التوكيل على طوول

**Sherif Khalifa** · 24-07-2007 09:50 AM

لو المية بتغلى و تضرب من الغطة
روح سلك الردياتير

راجع الموضوع دة اخر رد فية

http://www.nilemotors.net/Forum/view...?p=40478#40478

**symasyma** · 28-07-2007 06:17 AM

السلام عليكم
بالفعل كل الغطيان مضروبه ، انا ركبت واحد فى توكيل العبور ب 15 جنيه بيتهيألى الافضل تجيبه من التوكيل أضمن لان نقص الميه فيه خطوره جامده مع الحر اللى احنا فيه دلوقتى

**limo** · 08-08-2007 09:23 PM

الحمد الله انا روحت لنافع فى شارع دمشق سألته عن العطاء قالى فى الاصلى ب15 جنيه وفيه الاحسن من الاصلى ب25 جنيه طبعا انا جبت الالمانى وشغال معايا زى الفل بقاله اسبوع

**Sherif Khalifa** · 08-08-2007 09:27 PM

بردة انا لسة بنصح حضرتك بالكشف على دورة المية فى الردياتير
انا السناريو دا حصل معايا بظبط و الغطاء اعد معايا شهرزى الفل و العملية ضربت تانى و بعد ما سلكت الردياتير استعملت كل الغطيان القديمة و اشتغلت كويس جدا
لائن مش من المفروض ان المية تغلى فى الاربة

**limo** · 08-08-2007 09:46 PM

المشاركة الأصلية كتبت بواسطة Sherif Khalifa

بردة انا لسة بنصح حضرتك بالكشف على دورة المية فى الردياتير
انا السناريو دا حصل معايا بظبط و الغطاء اعد معايا شهرزى الفل و العملية ضربت تانى و بعد ما سلكت الردياتير استعملت كل الغطيان القديمة و اشتغلت كويس جدا
لائن مش من المفروض ان المية تغلى فى الاربة

انا شاكر جدا يا شريف باشا على اهتمامك
انا من شهر تقريبا كان عندى تسريب فى طلمبه المياه وغيرتها وغيرت جنبها كوعه وثرموثتات كوعه وشويه حاجات حلوه كده
المهم الميكانيكى حط جاز فى الاربه علشان ينظف الدوره ودور العربيه ربع ساعه وبعد الربع ساعه عنيك ما تشوف الا النور كميه صدا نازله من دوره الميه طبعا حطيط بعديها ميه خضراء و مش هفكر احط ميه من الحنفيه تانى .
كمان الميكانيكى فك الردياتير ونظفه بالميه بس مش عارف هل يبقى كده سلكه؟
فانت ايه رايك هل اسلك ولا كده الميكانيكى قام بالواجب ؟

**Sherif Khalifa** · 08-08-2007 09:59 PM

الانا شفتة لما رحت عند واحد بتاع ردياتير انة فك الجنب كلة ببنسة ليها شكل معين علشان تشيل السنون بتاعت الجنب و بعد كدة جاب سيخ حديد رفيع جدا و فضل يدخلة فى مجارى المية فى الردياتير من الجنب و يسلكه بالسيخ دة و بعد معمل كل مجارى المية افل الجنب البلاستك بسليكون و افل السنون بتاعت الجنب تانى و جربة بانة سد كل الفتحات و دخل خرطوم مية من فتحت الردياتير و لاحظت ان ضغط المية و هيا خارجة من الناحية التانية بئة فوى جدا غير الوضع الاول بمعنى ان معتش فى حاجة افلة مجارى المية
ارجو انى اكون عرفت اوصلك الصورة وضحة
اصل بصراحة بعد الموضوع داة حسيت باختلاف جامد جدا فى الحرارةابل كدة العداد كان بيطلع عند النصل و يفضل سابت على كدة و المراوح شغالة باستمرار بعد الموضوع دة الحرارة على السريع بتنزل للربع و داخل البلد بتوصل للنص و المراوح تشتغل فترة بسيطة و العربية تبرد تانى