ايهما افضل كورولا 2013 او 2015

**omarcar** · 14-11-2014 08:08 PM

ايهما افضل كورولا 2013 او 2015 السادة عشاق الكورولا ارجوا الاجابة المستفيضة
وشكراً

**منعم** · 14-11-2014 10:12 PM

بصراحة ومن غير تحيز كورلا 2013 اجمل واحسن وليها هيبة عللى الطريق وهى معاى عمرها مزعلتينى صراحة

**ahmedaly1965** · 14-11-2014 10:32 PM

سؤال يحير .... كل اللي معاه عربيه هينحاز ليها...
انا معايا 2013 ومرتاح ليها تمام ....
ومعرفش 2015 غير بالتجربة.... لكن الشكل الخارجي والاستخدام 2013....

**mnashat77** · 14-11-2014 11:55 PM

انا مجربتش ٢٠١٣
بس في ناس كتير بتشكر فيها
انا سوقت ٢٠١٥ عربيه ثابته و فتيسها جميل وسحبها حلو جدا
وموفره ف البنزين

**وائل محمد نبيل** · 15-11-2014 12:15 AM

بص ياباشا وبدون اى تحيز انا كان معايا 2008 الخليجى ( هى هى 2013 مع اختلاف بسيط فى الموتور ) وكانت هاى لاين وفتحه سقف وقعدت معايا لغايه ما اشتريت ال 2014 و وبمنتهى الامانه 2014 اكثر ثباتا بطريقه ملحوظه جدا واكثر نعومه بسبب الفتييس وكمان بالرغم ان اللى معايا كانت هاى لاين وفيها عدادت تربتريون وفتحه سقف وابانوس داخلى الا ان كماليات ال2014 اكتر بكتيير وفى ميزا غير طبيعيه لصالح ال 2014 الصالون بمنتهى الصراحه اوسع واريح كتيير وخصوصا هتفرق كتيير للناس اللى طولهم زى حالاتى كدة 185 سم اما من ناحيه الشكل والفخامه دة عمليه نسبيه حسب اختلاف الاذواق عموما فى المجمل ال 2014 احسن بكتير وكمان ال 2008 احسن من 2007 بالرغم من اعجاب الناس بال 2007 وانا كان معايا برضه 2007المختصر المفيد عن تجربه للثلاث عربيات افضلهم 2014 وبعدها 2008 وبعدها 2007

**منعم** · 15-11-2014 09:24 PM

على اساس انها تركى والى نزل من 2014 و2015 نفس فتيس 2013 فى السعودية والخليج موضوع الثبات دة هى العربية ثبتة مفيش مشكلة بس هاتلى ميزة فى التقفيل التركى والتقفيل الجنوب افريقا وبسبب كدة والتابلوة الى عمال يزيق كانك راكب ......................واستهلاكها للبنزين الى ....... وفوانيسها الى 8الاف جنية

**منعم** · 15-11-2014 09:29 PM

والعربية 2014 و2015 الى عمالة تحك فى المطبات ..................فية ميزة جميلة قوووووووى

**Mohamed.Hany** · 17-11-2014 05:03 PM

المشاركة الأصلية كتبت بواسطة منعم

على اساس انها تركى والى نزل من 2014 و2015 نفس فتيس 2013 فى السعودية والخليج موضوع الثبات دة هى العربية ثبتة مفيش مشكلة بس هاتلى ميزة فى التقفيل التركى والتقفيل الجنوب افريقا وبسبب كدة والتابلوة الى عمال يزيق كانك راكب ......................واستهلاكها للبنزين الى ....... وفوانيسها الى 8الاف جنية

المشاركة الأصلية كتبت بواسطة منعم

والعربية 2014 و2015 الى عمالة تحك فى المطبات ..................فية ميزة جميلة قوووووووى

اعتقد ممكن حضرتك توصل وجهة نظرك بطريقة الطف من كدة و اكثر حيادية.

1. انا معايا موديل 2011 ياباني هاي لاين و 2014 تركي الفئة التانية و بصراحة حاسس بنقلة فظيعة في كل شئ من ثبات ووسع و استهلاك بنزين و تسارع و شياكة و اداء و هاندليتح ووسائل امان و اوبشنز لما بركب 2011 رغم انها هاي لاين بحس اني رجع سنين ورا.
2.ازاي موديل 2014 نازل بفتيس 2013 في السعودية اذا كانت بتنزل بفتيس cvt-is و الخليجي بفتيس 4 نقلات جار عليه الزمن !
3. بالمناسبة استهلاك البنزين في 2014 احسن من 2011 و انا معايا الاتنين و ده بفضل الفتيس ال cvt-is
4. فوانيس ايع اللي ب 8000 جنيه حضرتك بتجيب الكلام ده منين ! بالمناسبة انا من اوائل الناس في مصر اللي اشترو الياباني 2011 في شهر مارس و الفانوس اوا منزل كان ساعتهل ب 3800 جنيه و قعد ينزل لحد موصل 1200 جنيه
5.عربية ايه اللي بتحك في المطبات ؟ العربية اتعدل ارتفاعها من سنة و بقت اعلي من عربيتك 2013 و بالمناسبة برضو 2011 لما بيركب فيها 4 بتهبط و بتحك معايا .

**Mohamed.Hany** · 17-11-2014 05:19 PM

اما بقا لو عاوز تعرف مميزات 2014 عن 2013 اللي معاك :
الاوبشنز:
مثبت سرعة
بلوتوث
سخانات مرايات
تكييف تاتش ديوال زوون
حساسات نور
حساسات مطر
كاسيت تاتش
كاميرا خلفية
مرايا تعتيم
انوار ليد
فوج لايت خافي
فرش جلد
رشاشات فوانيس
تحكم اوتوماتيكي في الاضاءة الامامية
حساسات ركن امامية و جانبية و خلفية
نظام الركن التلقائي autopark
وسائل الامان :
7ايرباج
نظام الثبات الالكتروني vsc+
نظام المساعدة في الجر trc
نظام التنبيه ebl
نظام المرتفعات hac
اضواء نهارية led
فوج لايت خلفي
نظام فرامل cbc
نظام تثبيت للمقاعد isofix
كراسي امنه بنظام antiwhiplash
حزام امان بنظام pretension
نظم الفتيس :
فتيس متطور cvt-is بعدد لا نهائي من النقلات و نظام قيادة مانيوال 8 سرعات مبرمجة مريح للموتور و موفر في البنزين زو تسارع رهيب و نظام رياضي سبورت موود و بدون اخساس نهائي من النقلات مقابل فتيس 4 نقلات تكنولوجيا قديمة غير مستخدمة في 2015
الثبات :
فرق كبير جدا في الثبات ناتج عن اتساع قاعدة العجلات ل 2700 مم مقابل 2600 فقط قي 2013 مع زيادة وزن حوالي 50 كج ووحود دركسيون باور كهربا متغير حسب سرعة العربية مع طبعا اختلاف تام في العفشة الخلفية الرياضية
الوسع :
فرق كبير ناتج عن كبر طول العربية و قاعدة العجلات 10 سم كاملين

انا لن ادعي شئ غير اني املك العربيتين و بتكلم بما يرضي الله بدون فتي او افتراء و عن تجربة قيادة سنين للعربيتين دول فاعتقد اني هكون افضل واحد يقيمهم بحيادية