ايه احسن نوع انذار ؟

بمناسبة السرقة الفشيخة اللى الواحد بيسمعها كل يوم وعلى الرغم انى بحط العربية فى جراج بس لما بخرج بيها اكيد يعنى بركنها فى الشارع وطبعا ام الرعب اللى الواحد بيبقى فيه لغاية ما اخلص مشوارى وارجع اخد العربية , المهم
انا عايز انذار يكون فى امكانية انى افصل كهربة العربية كلها (ماعدا كهربة الانذار نفسه طبعا هههه) وكمان افصل بيه طرمبة البنزين بشكل منفصل (مع العلم انك لما حتفصل كهربه العربية حيتم فصل الكهربا عن الطرمبة البنزين بس انا عايز افصل بشكل منفصل عن كهربة العربية اصلا بحيث حتى لو الحرمى عرف يوصل كهربا العربية العامة ميوصلش للطرمبة بسهولة )
لو فى اقتراح لتعديل انذار معين عشان يقوم بامهمة دى مفيش مشاكل انا كنت حعمل زراير بنفسى على الطرمبة والموبينة بس لقيتها حتمون قطع ولزق فى الاسلاك بتاعت الضفيرة والطرمبة اصلا اسلاكها رخمة وفى حتة مزنوقة .

الاستاذ صاحب الموضوع
اشتري وولف ده علشان لما اي حد يلمس العربيه الانذار يشتغل من اي لمسه
بخصوص فصل كهربه العربيه علشان الحرامي لا يقدر يشغلها نصيحه من اخوك شوف كهربائي مخه نضيييييييييييييييييف
علشان يعمل لك احدي الطريقتين :-
1- ولاعه السجاير لما تبقي متوصله العربيه تشتغل وكمان لما تفصل الولاعه العربيه تمووووووووت
2- حزام الامان لو انت مركبه يعني موصل الحزام العربيه تشتغل ولو مش موصله العربيه تموووووت
انت قول للكهربائي انا عاوز اعمل كده وهو حيعرف يوصل لك توصيلات الكهرباء
ارجو قبول النصيحه وتحياتي لك

اولا شكرا على النصيحة
ثانيا المشكلة مش فى انى افصل عن طريق ايه المشكلة هى انى افصل ايه , يعنى مثلا عشان تفصل العربية كلها ممكن تفصل الموبينة وبس او ممكن افصل اسلاك الكمبيوتر

هو انذار ولف ليه توكيل فى اسكندرية ؟

في سباي 2 وبيبقي فيه فصل