شوية صيانات بسيطة للجيب تقدر تعملها بنفسك

فيه شوية صيانات بسيطة لبعض طرازات العربيات الجيب اللى ممكن تكون مشتركة مع بعضها فى الصيانات دى وحبيت أشاركها مع أعضاء المنتدى من عشاق الجيب وحابدأ بأول حاجه وهى المرايات الكهربا :
فى بعض طرازات الجيب المرايات الجانبية بتقلب لتحت أوتوماتيك عند الرجوع للخلف وفى احيان كتير مبيحصلش كده والمرايات تعلق على وضعها او تعلق فى النص وللتغلب على المشكلة دى :
قبل ركوب السيارة حرك المرايات بإيدك لفوق ولتحت ولليمين وللشمال بس خلى بالك علشان متكسرش المرايات وماتسيبهاش قالبه لتحت او لفوق وبعدين اركب العربية ودور وهات مارشدير حتلاقيها اتظبطت ان شاء الله

كمان حاجه بخصوص لو عندك تعليقه فى فتح الزجاج أو غلقه ، فيه طريقة تجربها قبل ماتروح للتوكيل أو الكهربائى :
١- اقفل الباب ودور الموتور
٢- افتح الزاجاج للأخر وخليك دايس على الزرار لمدة ٨ ثوانى
٣- اقفل الزجاج وخليك دايس على الزرار ٨ ثوانى

شغل عالي بصراحه ومعلومات بفلوس

العفو ياباشا المهم الكل يستفيد ولسه فيه شوية حاجات تانية بس رجالة الجيب تصحصح شوية معانا :)