ياريت الاداره تقولنا الموضوع اتحذف ليه !!!!!
السلام عليكم أعضاء المنتدي الكرام
السلام عليكم إدارة المنتدي والقائمين عليه
من كام يوم عملت موضوع عن صيانة عربيتي الاوبترا وكتبت تفاصيل كتير عن اسعار وتفاصيل الصيانه والمكان اللي عملت فيه الصيانه وشكرته في الحقيقه علي مجهوده الرائع فيها وهو لا يخفي علي أحد فهو مركز سبيد سرفيس والمهندس هاني الغني عن التعريف للكل سواء في المنتدي أو خارجه , المشكله بقا هنا ان الاداره بعدها بومين أو ثلاثة ايام حذفت الموضوه مش عارف ليه :shyy::shyy::shyy::shyy:؟؟؟!!!!!! هل كلامي عن الصيانه وتكاليفها وأماكن الشراء واسعارها يتعارض مع سياسه المنتدي المحترم ؟؟ ولا علشان انا بشكر المهندس هاني ومركزه علي الصيانه ومراعاته ضميره في زمن قل فيه الضمير ؟؟؟!!! - وإن كان الراجل بصراحه مش مستني شكري ولا بتاع وكمان في مواضيع كتير عنه هنا - ولا الاداره شايفه ان الموضوع ليس له قيمه وان مكرر وبلاش منه !!!!!!
انا كتبت الموضوع لتعم الفائده زي انا ما بستفيد من الاعضاء المحترمين ومن المنتدي لما بسأل عن سبب مشكله ما في العربيه أو تمن قطعة غيار ومكان شرائها بلاقي الكل بيحب يشارك بخبرته حتي لو كانت بسيطه .., فياريت الاداره توضح لنا هي ليه حذفت الموضوع وليه مافيش تنبيه أو حتي حذف الجمل اللي المشرف شايف انها ملهاش لازمه - أن كانت موجوده اصلا - .... ولا الموضوع سقط سهوا !!!!!!!!!!!!!!!
الموضوع ده للمشاركه كمان من الاعضاء للي عايز يقول حاجه
وبرضوا مستني رأي الاداره
شكرا