يا جماعة انا مش عارف اختار بين الاوكتافيا و عيوب العزل والعفشة الناشفة اللي فيها و لا استرا بعيوب نتشة الفتيس و الكركرة اللي في الموتور و التوكيل و قطع الغيار...ولا الموضوع مستاهل اجي علي نفسي و اجيب انسيجنيا (60000 جنيه زيادة)رغم مشكلة الكاوتش ال 18 اللي بيقوله عمره قصير اوي
هى الناس لحقت تجرب الكواتش مقاس 18 عشان تقول عليه عمره قصير !!!! لو عمره قصير مكنوش عملوه
اما الفرق بين الاسترا والاوكتافيا فالاوكتافيا متتجبش اول فئة عشان مفهاش اوبشن خالص عايز تشتري اوكتافيا اشتريها من تانى فئة وهتبقى اغلى من الاسترا
ومن وجهة نظري المتواضعة ان الاوكتافيا اخرها 200 الف ج لكن التوكيل بتاعها موصلها ل 260 الف ج معرفش ازاي وع ايه وايه الجديد ف فئتها عشان يخليها ب 260 الف ج
الاوكتافيا تقارن بالاسترا وليس الانسيجنيا وتقارن بالفولينس والفوكاس والكورولا
الاوكتافيا حضرتك لو هتدفع 190 الف ج ف هتبقى اول فئة خالص وهتبقى افقر عربية بالسعر ده واخر فئة ف الاسترا اللي فيها كل حاجة هتبقى بنفس السعر
فحضرتك لو هتجيب ب 190 الف عربية يبقى هات الاسترا فيها كل الاوبشن اللي مش موجود ف الاوكتافيا اول فئة
أسترا كوزمو أعلي فئة و لو مفيش مانع تجيب الانسيجنيا يبقي أحسن كتير