الموضوع: على اكسبريس عامل خصم للشاشات hd ب 2 دولار

زي ما قال استاذ أحمد كمال , الموضوع من الاول خالص مكنش فيه منطقيه خالص , ومفيش حد في الدنيا دي أهبل عشان يبيع بالسعر ده , فيه نصابين بس و كتير كمان :)

يا باشا حصل خير , ادينا بنستفيد برضه من تجارب الاعضاء , انا اصلي مدمن شرا من على النت بس كل مشترياتي من سوق دوت كوم مصر و الامارات و امازون , ماجبتش حاجه من علي اكسبريس قبل كده

المشاركة الأصلية كتبت بواسطة هيثم مجدي

Aliexpress بينزل عروض دايما في اوقات مختلفة دا مش غريب انا جبت نوت 2 ب 100 دولار من عليه

يا باشا ممكن اعرف سعر الجمرك على الملابس كام والشحنة وصلت لك مصر واستلمتها ازاي لاني ان شاء الله ناوي اشتري ملابس من Aliexpress

أنا كنت اشتريت 3 شاشات مع بعض من ام 2.17 دولار وشاشة سامسونج 27 بوصة ب 11ز5 دولار
جالي ايميل ان ال 3 شاشات اتشحنوا امبارح
والنهاردة جالي ايميل ان الشاشة السامسون اتلغى اوردها وهيرجعوا لي الفلوس

المشاركة الأصلية كتبت بواسطة terrible_darsh

يا باشا ممكن اعرف سعر الجمرك على الملابس كام والشحنة وصلت لك مصر واستلمتها ازاي لاني ان شاء الله ناوي اشتري ملابس من aliexpress

جمرك الملابس 30% من الثمن, + 10% ضريبة مبيعات
نفترض ان الملابس تمنها 100 جنيه
يبقى الجمرك 30 جنيه,
وضريبة المبيعات 10% من جمع التمن + الجمرك, يعني 10% *(100 + 30 ) = 13 جنيه
يعني هتدفع 43 جنيه.
دا طبعا بخلاف مصاريف الشحن والتخليص الجمركي لو هتخلي شركة الشحن هي اللي تعملك التخليص.

انت ممكن تفاصل مع البائع على علي اكسبريس كمان, غالبا ممكن تنزل 3 - 4 دولار من اي قطعه لو هتشتري كذا حاجة. و خلي بالك من المقاسات لان مرة جبت جاكيت اتنين اكس لارج و طلع يلبس مقاس ميديم عندنا في مصر. فلازم تأكد عليه الطول و العرض بتاع اي قطعه, و قوله انك هترجعهم لو طلع اي غلط في المقاس, عشان تجبره يقولك القياسات الفعلية بالسنتيمتر او البوصة.

وخلي بالك الجمرك اليومين دول مشدد اوي في الملابس. يعني حتى لو جبت فاتورة مضروبة بسعر قليل بيدخلوا على علي اكسبريس و بيعرفوا السعر كام و يحاسبوك على اساسه. و دا بيخليك تتعطل و تدفع أرضية كمان. انا مش بحبطك لكن بقولك اللي حاصل اليومين دول عشان تبقى فاهم الموضوع.

المشاركة الأصلية كتبت بواسطة هيثم مجدي

جمرك الملابس 30% من الثمن, + 10% ضريبة مبيعات
نفترض ان الملابس تمنها 100 جنيه
يبقى الجمرك 30 جنيه,
وضريبة المبيعات 10% من جمع التمن + الجمرك, يعني 10% *(100 + 30 ) = 13 جنيه
يعني هتدفع 43 جنيه.
دا طبعا بخلاف مصاريف الشحن والتخليص الجمركي لو هتخلي شركة الشحن هي اللي تعملك التخليص.

انت ممكن تفاصل مع البائع على علي اكسبريس كمان, غالبا ممكن تنزل 3 - 4 دولار من اي قطعه لو هتشتري كذا حاجة. و خلي بالك من المقاسات لان مرة جبت جاكيت اتنين اكس لارج و طلع يلبس مقاس ميديم عندنا في مصر. فلازم تأكد عليه الطول و العرض بتاع اي قطعه, و قوله انك هترجعهم لو طلع اي غلط في المقاس, عشان تجبره يقولك القياسات الفعلية بالسنتيمتر او البوصة.

وخلي بالك الجمرك اليومين دول مشدد اوي في الملابس. يعني حتى لو جبت فاتورة مضروبة بسعر قليل بيدخلوا على علي اكسبريس و بيعرفوا السعر كام و يحاسبوك على اساسه. و دا بيخليك تتعطل و تدفع أرضية كمان. انا مش بحبطك لكن بقولك اللي حاصل اليومين دول عشان تبقى فاهم الموضوع.

والله ولا بيدخلو ولا هما عارفين حاجة دي حاجة بالمزاج
أنا جبت فستان لبنتي ودفعت أكتر من تمنه جمارك ومصاريف بتوع البريد المصري
يعني 110% جمارك وتخليص