أزاااااي ده حصل .. و هل فيه تلفيات ؟
أولا : تحياتي لكم جميعا . السادة أعضاء المنتدى المحترم جدا (nilemotors ) .. الموضوع اللي حا أكلمكووو فيه النهارده خاص بسيارتي الدايهاتسو سيريون الأتوماتيك GLX)) موديل 2011 و اللي عامل بيها لحد دلوقتي 7000 كم فقط لاغير .. أمبارح وقفت في أشارة مرور على مطلع كبير نسبيا .. و حسيت أن الأشارة حتطول شوية فروحت ناقل الفتيس من ال D لل N و فضلت دايس عالفرامل لحد ما الأشارة تفتح.. المهم بعد ما الأشارة فتحت روحت مرجع الفتيس من ال N لل D و أنا لسه دايس عالفرامل .. و بدأت أرفع رجلي من عالفرامل ببطء و أنا واثق أن العربيات الأتوماتيك عمرها ما بترجع للخلف طالما كانت على ال D .. لكن في الواقع أن اللي حصل كان غير كده تماما .. أن العربية راحت متزحلقة للخلف و هي على ال D لدرجة أني كنت حا ألبس في تاكسي ورايا لولا ربنا ستر .. و روحت دايس عالفرامل تاني بأقصى سرعة .. المهم اللي حصل بعد كده عشان أخرج من المأزق اللي أنا فيه و العربيات اللي ورايا طبعا مش صابرة أني رفعت رجلي من على الفرامل بأقصى سرعة ممكنة و روحت هابدها عالبنزين بأقصى سرعة ممكنة برضه .. فراحت العربية قافزة للأمام و طالعة من المنحدر .. بس بيني و بينكووو أنا مش راضي عن القفزة اللي حصلت و قررت أرجعلكووو و أنا عندي 3 أسئلة ياريت ألاقي أجابتها عندكووو :-
السؤال الأول :- هل حدث أي تلفيات للجيربوكس نتيجة رجوع السيارة للخلف بينما الفتيس معشق على ال D ؟
السؤال الثاني :- أزاي العربية الأتوماتيك ما تحتفظشي بثباتها على المنحدر و ترجع للخلف لمجرد أني نقلت الفتيس من ال D لل N ثم رجعت لل D تاني بعد فتح الأشارة و تتزحلق للخلف بالطريقة الفظيعة دي .. و هل ده عيب خاص بماركة السيارة (الدايهاتسو) و لا ده شائع في كل الماركات الأتوماتيك ؟
السؤال الثالث :- أييييييه هو التصرف الأمثل في هذه الحالة أذا تكرر معي الموقف من تاني .. هل أفضل سايب العربية على ال D مهما طال زمن الأشارة عشان تفضل محتفظة بثباتها على المنحدر و ماتتزحلقشي عند بدء معاودة الحركة .. و هل في تركها على ال D لفترة طويلة ضرر على الجيربوكس أم لا في هذه الحالة ؟
السؤال الرابع :- في الواقع أنا جاهل جدا بتركيب الجيربوكس الأتوماتيك و مش عارف أييييه اللي ممكن ينفعه و أييييه اللي ممكن يؤذيه .. وهل ممكن أني أجيب الفتيس على وضع ال (1 ) و أنا واقف وبعدين أبقى أنقله من ال ( 1) الى ( 2) ألى ال (D ) و العربية ماشية بدون ما نأذي الجيربوكس ؟
**************
أرجو ألا أكون أطلت عليكم .. و في أنتظار ردكم الكريم .. أتمنى لكم كل سعادة و توفيق . و السلام عليكم و رحمة الله و بركاته ,,, :shyy: