وداعا فولكس...و أهلا جيب...
احترت أكتب الموضوع ده فين... قسم فولكس ولا قسم جيب... ولا المنتدى العام ... بس في الآخر استقريت على قسم فولكس... اكراما و تخليدا لذكرى عربيتي البوينتر....بعد رحلة دامت 43000 كيلو... :)
كل حاجة حصلت في ظرف اسبوع... و لحد دلوقتي مش حاسس ان ده حصل بجد !!!
بداية الموضوع اعلان شفته عن جيب موديل 2000...(4 سلندر) اتصلت بصاحبها و عرضت عليه فكرة البدل (مع دفع الفرق)... رحب بالفكرة
رحت عاينت العربية معاينة مبدئية... زي الفل مبدئيا...
بعدها بيومين رحنا مركز خدمة جيب (في صقر قريش) و لقينا أن العربية كويسة كأساسات....(شاسيه.. كوارين... فيتيس...)
تاني يوم الجمعة (يوم المطرة) رحنا توكيل فولكس (للكشف على عربيتي) و اخدنا report كامله بكل حاجة و الحمد لله كانت بحالة الزيرو و لسة فيها شهر ضمان...
يوم 27 أكتوبر نقلنا الملكية و دفعت الفرق و من هنا انتهت علاقتي بالألمانية (فولكس فاجن) ... و بدأت مع الأمريكية (جيب)
و لسة عامللها الصيانة الدورية (من تغيير زيت و فلاتر و طقم تيل و كشف على كل الزيوت)
قريبا هعملكو تقييم شامل عنها ان شاء الله