ماهو افضل سخان غاز 10 لتر ممكن اشتريه
يشتغل صيف وشتاء من غير مااطفيه ويكون له مركز صيانه محترم ولايستهلك غاز
عرض للطباعة
ماهو افضل سخان غاز 10 لتر ممكن اشتريه
يشتغل صيف وشتاء من غير مااطفيه ويكون له مركز صيانه محترم ولايستهلك غاز
السلام عليكم
الحيرة دي كنت فيها بقالي أسبوع لان الغاز بيركب النهارده إن شاء الله عندي ولازم يشوف السخان علشان يركب الوصله بتاعته وبعد تفحيص وتمحيص توصلت الي زانوسي وكان عليه عرض بهايبروان وجبت 2 واحد علشاني و1 علشان الحاج وبناء علي التالي:
1 صيانة أوليمبك جروب
2ضغط المياه2.5 مللي بار
وفي راي الشخصي هو أفضل شئ موجود السعر بجانب الامكانيات....
وفيه سخان أريستون ضغط المياه بتاعه2 مللي بار بس لاني معرفش ومجربتش وكيل الصيانه بتاعه ففضل عليه زانوسي لاني مجرب الصيانه بتاعتهم في الغساله ..وربنا يوفقق أنشاالله ويهديك للافضل....
أنا سألت مندوب شركة أوليمبيك وهو بيشيل سخان الكهربا علشان أجيب واحد غاز فقالي عندهم زانوسي وأولمبيك الاتنين نفس الشركة فقلتله تنصحني بإيه أحسن قالي أوليمبيك وجبته فعلا بناء على نصيحته
بس لصاحب الموضوع في ناس بتشكر أوي في بتاع المصانع الحربية وبيقولوا أفضل شيء
وأنا شايف إن الأوليمبيك مش وحش برده مع إني بعاني من مشاكل بس يمكن علشان ضغط المية عندي مش مظبوط لكن اللي تبعد عنه هو اليونيفرسال لأني قرأت ناس كتير بتقول عليه مش كويس
من اجماع الاراء المصانع رقم واحد
ومن تجربه شخصيه الاريستون
بص. انا جربت في المصري التالي:
تكنو جاز- معقول يعني 80%
يونيفرسال - زبالة اوعي تجيبه. ميزته فقط قطع غيار متوفرة.
كيريازي - ممتاز صيف وشتاء واجزائه نحاس لكن قطع غيار غالية نسبيا.
أما لو عايز حاجة 100% يبقى السوق الحرة ودور على الألماني. بس 3 أضعاف الثمن ومبيتصلحش.
الفايلنت ممتاز 6 لترألمانى و 11 لتراتحاد اوربى
6 لترممتاز عن تجربه وبيشتغل باى ضغط ميه ومش محتاج مدخنه
وسمعت ناس بردو بتشكر فى اريستون
بالنسبه لسختن المصانع فى ناس بتقولى بقاله 20 سنه شغال وزى الفل
ايه رايكم اشتريه ومن فين منفذ التوزيع
الالمانى فايلنت رقم واحد فى السوق وتمنه فيه
تانى واحد تكنوجاز عن تجربة وسيبك من كل الانواع التانية لانك هتندم وبيشتغل على ضغط قليل جدا عندى من 8 سنوات واول مرة اعمل له صيانة من شهر تقريبا ب 65 جنيه تم تغيير الجلدة والابرة وتنظيف مجموعة الاشعال
زانوسي أوأوليمبيك
بضمان أوليمبيك جروب
دا لو أحتجت الضمان وخدمة ما بعد البيع أصلاً
السخان عندي وعند ولدتي ما بيفكرش في الصيانة غير كل 7 سنوات
يعني يكون جاب سعره وزيادة
وفي الوقت الإستبدال أفضل من الصيانة :tumb:
معنى كده ان اقل سخان بيشتغل بضغط مياه هو اريستون وهى 2 مللى بار ؟؟؟