الموضوع: عملت حادثة و محتاج سمكرى شاطر

المشاركة الأصلية كتبت بواسطة fedozzz

عملت حادثة امبارح -الحمد لله على كل شىءو حصل الاتى:
1- الفانوس الامامى اتكسر و قررت اجيب الاصلى من موزع معتمد
2- خبطة قوية فى الاكصدام
3- الرفرف الامامى اتخبط و اتكسر (و دية اسوء حاجة حصلت ).

محتاج المساعدة فى حاجتين:

1-حد يقولى على سمكرى شاطر و امين يكون قريب منى.. انا ساكن فى شبرا .
2-انا اللى اعرفة انة هيردلى الرفرف على البارد و يلحمة و اعتقد انة هيبقى محتاج رش.. تتكلف كام هى و اصلاح الاكصدام؟؟


شكرا

قدر الله
و الحمد لله انك بخير

مبديا تجيب رفرف و اكصدام جديد او استيراد من الحرفيين و فانوس ديبو مش لازم الاصلي
و الحمد لله انها جت علي كده

و في سمكري كويس عند كليه الزاعه بس مش فاكر اسمه و احد صاحبي علي علطول بيروح عنده

المشاركة الأصلية كتبت بواسطة atef_5005

قدر الله
و الحمد لله انك بخير

مبديا تجيب رفرف و اكصدام جديد او استيراد من الحرفيين و فانوس ديبو مش لازم الاصلي
و الحمد لله انها جت علي كده

و في سمكري كويس عند كليه الزاعه بس مش فاكر اسمه و احد صاحبي علي علطول بيروح عنده

ربنا يخليك الحمد لله يا ريس.. بس لية مسمكرش و اغير الاكصدام و الرفرف؟؟

المشاركة الأصلية كتبت بواسطة fedozzz

ربنا يخليك الحمد لله يا ريس.. بس لية مسمكرش و اغير الاكصدام و الرفرف؟؟

الرفرف يستعدل لو مخبوط خبطه خيفيه لكن في قطع ما ينفعش عشان كده كده هترش
و الاكصدام ممكن علي حسب الخبطه

اسال برضو عن تمن الرفرف التياواني و الاكصدام الاصلي و شوف الافضل انك تصلح و ترش و لا تجيب جديد و ترش

حاجة الفيرنا الحمد لله رخيصة
شيل وهات استيراد افضل وانت الكسبان

المشاركة الأصلية كتبت بواسطة atef_5005

الرفرف يستعدل لو مخبوط خبطه خيفيه لكن في قطع ما ينفعش عشان كده كده هترش
و الاكصدام ممكن علي حسب الخبطه

اسال برضو عن تمن الرفرف التياواني و الاكصدام الاصلي و شوف الافضل انك تصلح و ترش و لا تجيب جديد و ترش

هنزل اسأل على الرفرف و الاكصدام قبل ما اروح للسمكرى و لو انى اتمنى اسمكر حتى لو هيلحم و تفضل حاجة الفابريكة. شكرا على اهتمامك يا استاذ احمد

الحمدلله قضيت يوم لطيف مع السمكرى و بتاع الفيبر. و اليكم تجربتى:

اولا :جبت فانوس ديبو امامى من عند سامح بشرى فى شارع شبرا ب 170 جنية
ثانيا: سالت على سعر الفانوس و الاكصدام و الرفرف فى التوكيل قالولى 720 جنية و 1150 جنية و 650 جنية بالترتيب. صباح الجنان الرسمى
ثالثا : سعر الاكصدام الاصلى 450 جنية عند سامح بشرى و التيوانى 150 و الرفرف الاصلى 325 و مش فاكر التيوانى بصراحة

بعد ما جبت الاسعار رحت للسمكرى عشان الرفرف و الكابوت و حصل الاتى:

الحاثة خلعت المسامير اللى رابطة الاكصدام و الرفرف و دخلت الرفرف لجوة فانا افتكرت انة اتقطع بس لحمدلله عرفت اسمكر الرفرف و الكابوت على البارد و ربطنا الكلام كلة و استعدلنا الشاسية على الزرجينة فى حتة محتاجة تتسخن فى الرفرف بس مش باينة اوى فسبتها


رحت لبتاع الفيبر عشان الاكصدام و حصل الانى:

استعدل الخبطة و لحمة و فعلا الاكصدام الاصلى بيفرق جدا و حلال فية الفلوسو .. المهم ظبط الدنيا و كان فى حتة مكسورة من السوكة تحت الفاتوس لقيتها واقعة فى كرتيرة من تحت و دية ناس قالولى ممكن تغير الاكصدام عشانها بس الحمدلله لقيتها.
فاضل بس بقلم دوكو (قطنة يعنى ) امشى على الحواف و المقشر عشان منصديش و هرش حتة فى اكصدام عشان عندى فحص (هعمل مرمة يعنى)



اللى اتعلمتة:

1- الاكصدام مهم جدا تجيبة اصلى و لو معاك الفابريكة متفرطش فية بسهولة لانة بيتلحم 100 مرة لكن اى حاجة تانى بتتكسر
2-لو لا قدر الله عملت حادثة امسك اعصابك و ركز فى الحاجات اللى اتكسرت و حاول تلمها من الارض او تشوفها واقعة فين عشان هتوفر عليك كتير حتى لو حاسس انها مش مهمة .


و دية صور للعربية قبل و بعد:







مستنى تعليقاتكوا

الحمد لله انك بخير و الشغل شكله نظيف ممكن اعرف مكان السمكري و الفيبر فين انا جارك من دوران شبرا