معلش موضوع غريب شويه
انت استخدمت ايه او بتستخدم ايه من البرندات ديه
كل واحد ياريت يعلم على اي براند منهم
عرض للطباعة
معلش موضوع غريب شويه
انت استخدمت ايه او بتستخدم ايه من البرندات ديه
كل واحد ياريت يعلم على اي براند منهم
wala ay 7aga mn dool
كان عندي برفان فيرساتشي وو لسه خلصان من اسبوعين....
غير كده معنديش حاجة
مين دوووووووووول :011::011:
:ack2::ack2::ack2:
اللى إختارتهم بيجولى هدايا فقط ! :)
دوول شويه براندات لذيذه بستخدمها
بس فوجئت بالناس صحابي بيتريقوا و منهم اللي بيحرم الحاجات ديه ال ايه عشان غاليه
و ليه اجيب مثلا موبيل Bertelli هو هو نوكيا قديم ب كذا الف و كده
و اللي يتريق و يقول روح اتجوز او هاتلك عربيه بدل الحاجات التافهه اللي بتصرفها
فقولت اعمل الموضوع ده و اشوف الناس هل في منهم بيستخدم الحاجات ديه ولا انا فعلا بستهبل
السؤال للاستاذ نادر نبيل
ايه اللي يمنع انك تستخدم الحاجات ديه؟؟؟
Versace
Yves Saint Laurent
بس طبعا الكلام ده مش في مصر
بره مصر علشان الناس دي لما بتعمل sale بيبقي رهيب
يعني مره جبت جزمه Yves Saint Laurent كانت نازله من 130 جنيه ل 40 جنيه " استرليني طبعا"
حضرت كذا sale في المانيا و دبي فعلا
بس برضك ايه اللي يمنع لو جبت من هنا
هو انا اما جاوبت كان في دماغي الأسعر اللي شوفتها...
يعني مثلا بنطلون فيرسايشي في اليونان كان بيتباع ب 1200 يورو
و شنطة جوتشي من 650 لحد فوق ال 2000(يورو طبعا)
و جيت هنا في مصر دخلت تومي مثلا.....أقل بلوفر ب 1200 جنيه....مع ان فيه أخوه بره مايزدش عن300 جنيه
غير لاكوست اللي التي شيرت الصيفي فيه ب 1100 جنيه!!
اللي انا عايز أقوله ان دي مصاريف ملهاش لازمة...طالما فيه بديل و ممكن أحسن منه كمان باختلاف الماركة...يبقي ليه أروح أشتري بالسعر ده؟؟؟عشان اتمنظر و أبين للناس اني معايا فلوس أجيب حتة قماشة ماتجيش متر في متر متفصلة ب 1200 جنيه؟
الل ممكن أدفع فيه و انا مش مدايق هي الساعات و البارفانات....هاتقوللي اشمعني؟ هاقوللك دي حاجة في الدماغ وارثها من والدي:)
بيجولي هدايا فقط مبشتريش بحس انها فلوس بتضيع عالفاضي
:rofl::rofl::rofl::rofl:برفاااان أأقصد كاولونيا خمس خمسات 55555
وخمسه في عين الحسود:rofl:
يا هدايا يا بشتريها في أضيق أضيق الحدود
لأن لو هخلي ده ال lifestyle بتاعي يبقي أعمل حسابي كل مرة أنزل أجيب لبس يبقي معايا 20 ألف جنيه كدة !
يعني اما اروح أشتري جينز ولا تي شيرت ب 2000 جنيه يبقي انا أكيد بستهبل .. و الماركات دي مش غالية لأنها خارقة مثلاَ ولا حاجة .. بس لأنه بيبيعلك إسم الشركة و البراند معاها و ده بيبقي أغلي حاجة فيها .. فا لو هدفع كل ده عشان علامة علي التي شيرت اللي انا لابسه ده يبقي انا إتهبلت رسمي .. خاصة إن حاصل غزو في مصر بالحاجات المضروبة .. يعني الصيف اللي فات بقدرة قادر كان الشعب كله لابس لاكوست .
عاشت الصين حرة مستقلةاقتباس:
يعني الصيف اللي فات بقدرة قادر كان الشعب كله لابس لاكوست .
بص يا باشا
الماركة هتكون في ساعة ؛ نظارة شمسية ؛ ميدالية
في بارفان طبعا
ممكن المحفظة برضه :)
لكن الملابس هيبقى خراب بيوت مستعجل هنا في مصر
الناس بتستهبل
لما يكون قميص جيفنشي ب 1200 جنيه
بولو شيرت تومي ب 800 جنيه
مع احترامي ليك بس شايف ده سفه وتبذير
Yves Saint Laurent
بستخدموا بقالى كتير اوى بس نفسى اعرف الكلمة دى نطقها الصحيح اية ؟:sifone:
ايف سان لوران
كل واحد حر طبعا يلبس ماشاء طالما من حلال....
بس هاذكر الحديث دا من باب التذكرة والترغيب في الاجر لاصحاب الهمم العالية..
أخرج الإمام أحمد والترمذي وحسنه والحاكم , وقال صحيح الإسناد عن معاذ بن أنس رضي الله عنه أن رسول الله صلى الله عليه وسلم قال : { من ترك اللباس تواضعا لله وهو يقدر عليه دعاه الله يوم القيامة على رءوس الخلائق حتى يخيره من أي حلل الإيمان شاء يلبسها } .
إيف سان لوران :)
أنا استخدمت Gucci, Armani and Dior
بس مش ملابس عشان أسعارهم فعلا مبالغ فيها إلا لو في sales واللبس فعلا مفيش زيه وجميل
لكن اكتر الحاجات اللي بيهون عليا أدفع فيها -ماركات- الساعات والبرفانات ونضارات الشمس وكدة.
عشان بالنسبالي سلع معمرة شوية
الساعة ولا النضارة اللي بجيبها مش برميها أبدا بتقعد معايا بالسنين
أنا برضه مش مع المظاهر الفارغة..يعني عندي أولويات..لو مخلصاهم ومحوشة فلوس كويسة مفيش مانع اني ادلع نفسي بحاجة منهم.
فى حاجه صغيره اتعلمتها من الاطفال انى لا اسفه من احاسيس او اهتمامات اى حد
الطفل لو اخدت لعبته يبكى بشده و يحزن حزن شدييييييييييد و لا كأنها نهاية العالم مع ان اى حد كبير هيشوف انها حاجه تافهه ايه يعنى لعبه ؟
يعنى كم الحزن اللى يحسه طفل صغير نايم فى الشارع لان زوجة ابوه طردته و مبقاش عارف هيعمل ايه و لا هيعيش ازاى او راجل عايش فى فلسطين تحت القصف و حياته مهدده كل يوم هو نفسه اللى بنت مترفه بتحسه لما لقيت hot chocolate المفضل بتاعها مش hot قوى او رجل ثرى لان الرولز رويز بتاعته اتخدشت او بقالها يومين ما تغسلتش
فالموضوع نسبى يعنى فى ناس الارمانى بتاعها تى شيرت صينى مش مقطوع يعنى حاجات الناس العاديه مترضاش تلبسها و يبقو فرحانين جدا نفس فرحة اللى بيجيب بدله ارمانى فعلا و يمكن اكتر ، يعنى ايه الفرق ؟ ولا اى حاجه
انا شايف اننا كلنا بندور على الرضا و انت اللى بتحدد ايه اللى يرضيك
فلو انت اخترت اللى يرضيك من اللى متوفر ليك مهما كان اللى عندك قليل هتبقى اسعد الناس
ولواخترت اللى يرضيك من اللى غير متاح ليك مهما كنت ثرى -مش غنى- هتبقى اشقى الناس حتى ولو راودتك الجبال الشم عن ذهبها
الف شكر يا رجاالة
فعلا الاسعار دى حرام بصراحه البس تى شيرت ب 2000 جنيه ونص الشعب مش لاقى ياكل وبايت فى الشارع(فعلا هى دى مصر) .. وانا شايف انه تبذير بصراحه لان 99% من اللى بيشتروا الماركات دى عشان يترسم بيها او بيبقى تمنها ما بفرقش معاه والمستوى دا نادر لما تلاقيه فى مصر
يمكن يكون رأى مختلف واختلاف الرأى لا يفسد للود قضيه وشكرا على الموضوع
كمثل غَيثٍ
http://icons.uae88.net/smiles/30/055.gif
كانت أختُ صاحب مصر أحمد بن طولون كثيرةَ السرف في إنفاق المال .. يروى أنها أنفقت مائة ألف دينار على وليمة عرس إحدى عرائسها ..
سنون قليلة .. ورؤيت مادّةً يدها .. تسأل الناس في سوق من أسواق بغداد !
http://icons.uae88.net/smiles/30/055.gif
دخل العيد على أم جعفر بن يحيى البرمكي وعلى رأسها أربعمائة وصيفة قائمة ..
ثم أتى عيدٌ تدور على الناس فيه .. تبحث عمن يتصدق عليها بجلد كبش من الأضاحي كي تلبسه !
http://icons.uae88.net/smiles/30/055.gif
حُمل إلى سليمان بن عبد الملك ستة أحمال مسك من خراسان ، فأدخلت على أيوب ابنه ..
ذهب الرسول إلى أيوب .. ولما ولج قصره رأى غلمانه حليتهم الذهب والفضة والزمرد .. ثم دخل على أيوب هو وجاريته على سرير .. وضع المسك بين يديه وانصرف ..
غاب الرسول بضعة عشر يومًا ثم رجع فمر بدار أيوب فوجدها خالية ..
سأل عنهم .. قيل : أصابهم الطاعون فماتوا !
http://icons.uae88.net/smiles/30/055.gif
آه يا دنيا ..
( كَمَثَلِ غَيْثٍ أَعْجَبَ الْكُفَّارَ نَبَاتُهُ ثُمَّ يَهِيجُ فَتَرَاهُ مُصْفَرًّا ثُمَّ يَكُونُ حُطَامًا )