الى متى سيستمر نزيف الاسفلت وتجاهل القتلة
امبارح الساعه 1 بليل في شارع التسعين عربية نيسان فضي فيها جده و ثلاثه من... بناتها و 2 من حفيداتها (7 سنين ، 4 شهور) ادام بنزينه شيل ..
سواق نقل دهس على العربية كانها مطب صناعى واللناس اللى جريوا وراة قالوا جريوا على 150و ملحقوش لا لون العربية و كمان مفيش عليها نمر !!
الشهود علي الحادثة اتصلوا بالاسعاف لا حياة لمن تنادي ، مكنش قدامهم الا المستشفى الجوى الي محركتش عربية الاسعاف اللى عندها غير لما اسعاف الحكومة جة ..
واهلهم سابوا المصابين وراحوا يشوفوا الجثث لان تم نقلهم لمستشفى البنك الاهلى عالدائرى لان الجثث مادخلتش مستشفى القوات الجوية
منظر الاب لما جه المستشفى مش عارف يهدى حفيدته ولا يعيط على بناته اللى ماتو ولا ايه الناس كلها فى حاله زهول مش عادى والله حتى الدكاتره نفسهم كانوا فى حاله ذعر.
ولو كان فى اى اجراء كان يجب ان يتم فور الحادث بالتفتيش على جميع مقاولى النقل بالتجمع للبحث عن النقل المتسببة والقبض على السواق الي اكيد كان متعاطي حاجة.
بعد ما الحكومة اصدرت قرار بعدم سير النقل بعد 6الصبح طبعا اتصور فالتلفزيون ان الشوارع فاضيه لكن القانون نسيوا يطبقوه في شارع التسعيين ، و بعد كده القرار اتلغي بحجة ان القرار هيضاعف اسعار السلع الاستراتيجية .
لحد امتى كل يوم بنشوف حوادث اكبر وأفظع وأبشع من اليوم القبله وكل بسبب النقل لحد أمتى محدش بيتحرك ....
حسبي الله ونعم الوكيل..
الاحداث منقوله من شهود للحادثة