الموضوع: تم بحمد الله :)

الحمد لله استلمت ال508 الفيس ليفت 2015 النهاردة (هاي لاين) من عند أباظة أوتو تريد و ده بعد ما اتهريت مقارنات بينها و بين الانسيجنيا ... طبعا شكرا لكل واحد ساعدني في المنتدي العظيم ده و اللي ماندمتش في يوم إني انضميت ليه ... هي هناك ب 299 بس أنا خدهتا علي 296 ... للأسف مش هقدر أكتب تقرير عنها لأني مش فاضي الكام شهر اللي جايين دول لظروف سفر و إن شاء الله لما أرجع (بعد ست شهور) يبقي يحلها حلال ... بس إنطباعي الأول عنها إنها عربية روعة و أنا بصراحة عمري ما كنت أتوقع إن بيجو مستواها هيوصل لكدة أبدا بس أذهلتني بصراحة ... السحب بالنسبة لمحبوبتي القديمة (الفلوانس) روعة لا أكتر من روعة و خصوصا بعد ما علوا الhp بتاعها و وصل ل 163 بعد السوفت الجديد ... فولتها 92 من بنزينة توتال عالدائري قبل دخلة التجمع و ماشية زي الفل و عملت بيها 141 كم و عارف إن ده مش كفاية إني أحكم عليها بس هي بصراحة نقلة و أنا أحب أوجه نصيحة لأي حد بيفكر في نفس الفئة إنه يختار ال508 بدون تردد ... بغض النظر عن إن أي عربية في الفئة ديه هتكون صفقة رابحة بس بجد ال508 أحسنهم ... شكرا لكل من ساعدني و تحياتي لكم جميعا