نيو اكسنت ٢٠١١ .. مساعدة عاجلة يا رجالة

السلام عليكم
انا اول مرة اشتري واسوق عربية وشفت النيو اكسنت ٢٠١١ عاملة ٣٥ الف كيلو وحالتها جديدة جدا واوتوماتيك
اخر سعرها ٨٨ ونصف ، فهل يا جماعة السعر مناسب؟ وهل لو هبيعها بعد فترة سعرها هيمسك نفسه؟
انا قلقان ومحتاج نصيحة :)

شكلها استعمال نضيف، بس غاليه حبتين، النيو اكسنت من العربيات اللي بتمسك نفسها في السعر وهتلاقي كذا واحد يشتريها منك

شكرا يا محمد على ردك :)
مشكلتي لسه هتعلم وعاوز كمان عربية اقضي بيها ع الاقل سنتين ومتتعبنيش والاكسنت ديه فيها رخصة ٣ سنين فشفتها مناسبة

انا شفت الرينج بتاعها من ٨٥ ل ٩٠ بس كل خوفي اجي ابيع الاقي نفسي خسران بعد سنة ١٠ الاف ولا حاجة

ناس بتقولي جيب جياي ايمجراند ب ٩٠ او لانسر ،، حيروني اكتر وانا بصراجة مفيش خبرة في الشراء والموضوع مش سهل بالنسبالي

النيو اكسنت من اجمل العربيات بالنسبة ليك متقلقش منها انا كان معايا 2008وبجد جميلة بس المنصورة قطع غيار فيها قليلة شوية

العربية واضح انها جميلة موديل عالي وكيلومترات قليلة

انا اتباع قدامي من يومين تلاتة واحدة لونها احمر راشة برة اوتوماتيك 2011
بسعر 82.5

بس واضح ان حالتك عربيتك فبريكا بالكامل

اظن والله اعلم السعر كويس بالنسبة للعربية الى انا شفتها بتتباع

ربنا يطمنك يا محارب وشكرا جدا لردك