ملاحظ عندي في الجين2 صوت غريب جداً بقاله كذا شهر. أول ما أدور العربية بأسمع صوت كأن في مية ورا التابلوه بتبقلل كده ثانيتين وتسكت بعد كده.؟!!!
تفتكروا ده من ايه؟؟؟؟
عرض للطباعة
ملاحظ عندي في الجين2 صوت غريب جداً بقاله كذا شهر. أول ما أدور العربية بأسمع صوت كأن في مية ورا التابلوه بتبقلل كده ثانيتين وتسكت بعد كده.؟!!!
تفتكروا ده من ايه؟؟؟؟
انا برضه باسمعه فى اول الدواره الصبح
بس ماكنتش عارف اوصفه
بس كان متهيالى من الشكمان
من ورا....
متابع معاك
امسك
احمد ربنا ان انا اخدت بالى من موضوعك
الصبح تتطلع على الميكانيكى وتخلية يكشفلك على ثرمومثتات الكوعة لان الموضوع دة حصل عندى قبل كدة
واللى اكتشفتة بعدين ان ثرموستات الكوعة قفشت وعلى حظى كنت على طريق اسكندرية والحمد للة العربية جابت جوان وش سلندر خلى بالك جدااا من موضوع الثرموستات لازم تكشف عليها
ممكن تيجى تزود مياة للريادتير وتلاقية مليان بس المكنة من تحت فاضية مافيهاش ولا نقطة مياة ودة بسبب ان الثرموستات علقت على وضع القفل فماتعديش مياة للموتور من تحت ودة اللى سببلى موضوع ان المكنة تجيب جوان
اللة اعلم ممكن مايكونش دة السبب لكن فعلا انا صوت المياة ورا التابلوة سمعتة عندى كتير خصوصا الصبح اول دوارة للعربية
واللة اعلم انا حاسس انى سمعتة تانى قريب مع العلم ان انا شيلت الثرموستات خالص
ياريت حد يوضحلنا الموضوع دة
استبعد موضوع الثرموستات ده لأني بسمعه من فترة طويلة وعملت بعدها مشاوير جامدة من غير مشاكل في الحرارة والحمد لله..!!
كده بقينا تلاتة بنسأل :)
حد يجاوب بقى :)
متابع
متابع
الصوت ده صوت الباور بتاع العربيه
سمعته عندي قبل كده هتلاقي الباور واخد هوا خفيف
وانا كمان متابع واضح ان الموضوع منتشر فى كل العربيات الجين والبيرسونا
حد ينفى او ياكد ؟
كل اللى بيعانى من الصوت دا
يقتح
غطا الرداتير .... دور العربية .... انتظر من 3 ل 5 دقائق ... زود مرتين تلاته
غطى الرداتير تانى بعد ما تزود شوية ميا بدل اللى وقعوا
متفتحش الغطا تانى ابدا وزود من القربة بس شرط ازالة الصدا منها الاول
فى الغالب
مش هتسمع الصوت دا تانى لو الرداتير مفهوش خرم او تنفيس او طدأ وكمان لو الغطا ممتاز
كان موجود نفس الصوت عندي في الاسبرانزا 516
صوت مياه قبل الدواره
وبعت العربيه بدون ماعرف السبب
جرب تغير البوجيهات
بص خلى حد يدور العربية وانتا فاتح الكبوت وحدد الصوت جاى من اى منطقة وشيك على الزيت والمية
وشوف مكان ما انتا راكن فيه حاجة واقعة على الارض
وهل الصوت عالى ولا لا يعنى بيقعد كتير ولا ساعة ما بدور الكونتاتك
شيك على الكهرباء ونضف الرشاشات
الموضوع طبيعى يعنى متقلئش من حاجة
الصوت دة جاى من مواسير التكييف السخن
متقلقش عند كل الناس اصلا ف الشتا تحديدا بيظهر
كل الحكايه مواسير التكييف السخن بتبقى واخده هوا او فيها فقاعات هوا وساعه التدوير بتسمع صوت بقلله الميه دى
جرب شغل التكييف سخن بس وانت حتلاقى الصوت راح