حد استلم بيكانتو 2009؟

أنا عضوة جديدة فى نايل موتورز و كنت عايزة أسأل عن البيكانتو 2009 حد استلمها و لا لسه ما نزلتش؟

شكراً

موديل 2009 لسه هينزل على 15/11 وتقريبا هو هو بس فى زيادة فى الكماليات
اخوكى يوسف

هى نزلت فعلا و أتباعت و أتوزعت و يمكن كمان زمانها بتتصلح
انا فعلا رحت التوكيل و فيه ضغط شرس للغاية من الموزعين على البيكانتو و خاصا المانيوال هاف اوبشن و فول اوبشن

و فيه أسطول من البيكانتو السيلفر نازل مصر (للأقبال) كما يقول الحارس الامين هناك فى التوكيل لاكنى أعتقد إعتقاد شخصى إن السبب (عدم الاقبال عليه) فهو دة اللى التوكل قرر يجيبه

الفرق زى ما شوفت فى ال 2009 هو إن الكنبة الخلفية لا يتم تقسيمها إلى تلت و تلتين للثنى و لاكن يتم ثنيها كلها

و الاكصدام فى المانيوال هاف اوبشن لونه رومادى غامق و ليس أسود

الفرش نازل لونين فقط من التوكيل رمادى فرانى فاتح و أسود

الالوان اللى قام التوكيل بحجزها هذا الشهر هى

أسود و أحمر غامق و رمادى و سيلفر

فعلا العربيات موجودة فى الجمارك بس هما هيطلعوها على أخر الشهر دة
و قرروا يأجلوا فترة أستلام الموزعين و يهتموا بالافراد لكثرة (الزن) عليهم
حتى إنهم قاموا بسحب عدد من العربيات من الموزعين المعتمدين لسد طلبات الافراد فى ابو رواش

بس كدة دة اللى شوفته و سمعته لما روحت هناك
و بصراحة فعلا سمعة الناس دية حتى الان حقيقية فى حسن المعاملة و الادب و الزوق
حقيقى

الكلام المذكور فوق نقلا عن المدير الاقليمى هناك
و ربنا يبارك لاى حد عايز يجيب عربية إن شاء الله
بس أنصحكم و بنصح نفسى بألاتزام فى الرخصة بما يرضى الله التعليم ثم الامتحان
و نية الواحد تبتغى رضا الله
مش نيته أدينى رحت و سقطت و هلجأ للوسطة
"والذين جاهدوا فينا لنهدينهم سبلنا "
شكرا لكم جميعا والله و بالتوفيق

Thanks everybody for ur quick response