عرض للطباعة
السلام عليكم
الحمد لله لسه مستلم c3 picasso 2015
بس ليا سؤال يا شباب بخصوص الفتيس ال easy tronic
انا لو حاطط الفتيس على M or A وشلت رجلى من على الفرامل العربيه مش بتتحرك
اللى اعرفه انها مفروض تتحرك طالما معشق ... الموضوع ده مش فارق على الطريق العادي بس فى الزحمه وحش قوى لازم تشعر بنزين كل شويه والعربيه تحسها تقيله كده
ممكن لو حد عنده خبره فى الموضوع ده يفهمنى
وشكرا
الفتيس اللي عندك automated-manual
يعني مانيوال بس الدبرياج بكنترول كهربة ودة نازل في fiat bravo , fiat evo , وعربيات تانية كمان
الفتيس ده بيحتاج معاملة مختلفة شوية عن الأوتو العادي
1. لازم بنزين عشان العربية تتحرك ودي أنا شايفها ميزة مش عيب بصراحة
2.لازم تنقل لل N في الإشارات
3.هتحس شوية بالنقلات في الأول والتاني زي المانيوال بالضبط
بس قدام ده هتاخد استهلاك بنزين أحسن بكتير و كمان أداء أعلى و أمتع من الأوتو العادي
شكرا على ردك يا باشااقتباس:
المشاركة الأصلية كتبت بواسطة a.adel
هو ممكن فعلا هكون هتعود عليها مع الوقت
بس هى حاليا انا شايف انها حاجه رخمه خصوصا فى الزحمه كل شويه لازم اشعر بنزين
بعد إذنك يا أستاذ هيثم أنا كنت مهتم بالعربية دي وعايز أعرف تجربة الناس اللي ركبتها فعلاً، فلو سمحت لو ممكن تقولنا انطباعك العام عن العربية (أدائها- الراحة في القيادة وراحة الركاب- نعومة العفشة - ارتفاع العربية - تقييمك لقيمة العربية مقابل اللي دفعته فيها)، طبعاً لو مش بتقّل عليك ومبروك على العربية
الموضوع ده هما عاملينه عن قصد لان أغلب الناس فى الاشارات بتفضل دايسه فرامل وده بيضر الفتيس على المدى
فهما خلو اول ما العربية تقف , الفتيس يفصل الحركة اوتوماتيك
الله يبارك فيك يا باشااقتباس:
المشاركة الأصلية كتبت بواسطة ahmad mehrez
بص هو انا لسه مركبتهاش غير 4 ايام وسافرت
بس عموما هى عربيه جميله جدا و عفشتها ناعمه و طبعا قيمه جدا من جوه ومن بره وتمنها معقول جدا
وانت راكب العربيه بتحس انك راكب عربيه عاليه بس هي نفسها مش عاليه عن الارض قوي يعني ارتفاع متوسط ولا هى سبورتاج ولا هى فيرنا مثلا :)
هو برضه زي مابقولك كده انا لسه مجربتهاش قوى ... بس هى عربيه تفرح من اول ماتركبها
الدريكسيون ناعم جدا وجميل ... فيها الشيفتر اللى فى الدريكسيون عشان تغير نقلة الفتيس ... دى حاجه جميله قوى ... بيساعدك لو انت على الاوتوماتيك وعايز تسقط نقله مثلا عشان تحرق وتاخد غرزه
العربيه تجمعها حلو قوى ... المشكله اللى مش عجبانى بس هو الفتيس فى موضوع الزحمه ده ... ممكن هتعود عليها بس دلوقتى انا حاسسها حاجه رخمه
وان شاء الله لما ارجع من السفر لو اكتشفت اى حاجه جديده هقولك على طول
تمام هو انا حاسس ان الموضوع ده معمول سيفتى واقتصادي ... بس انا كده فى الزحمه حاسس انى مفرقتش عن المانيوال العادى ... اكيد مفيش دبرياج ... بس لازم كل شويه تشعر بنزين ومع عربيه تعتبر تقيله فى الوزن شويه زى دى بتبقى حاجه مش حلوهاقتباس:
المشاركة الأصلية كتبت بواسطة demonarundo
فى ناس بتقولى بعد 1000 كيلو ولما الموتور يلين شويه هتبقى انعم ... بس انا معرفش المعلومه دى صح ولا لأ
وفى حاجه تانيه انا شايفها خطيره جدا ... مثلا لو واقف على مطلع ونزلت اشترى حاجه ورافع الهاند بريك والعربيه لسه دايره ... لو معاك اطفال وحد نزل الهاند بريك العربيه هتتحرك ... مفيش اى وضعيه للفتيس ممكن تحطها عليه العربيه ماتتحركش ... ود حاجه خطر جدا يعنى انا كل اعتمادى على فرامل اليد بس !!!!
ومعرفش لو العربيه مش دايره هيبقى نفس الوضع ولا لأ ... لسه مجربتش
متشكر جداً يا أستاذ هيثم وربنا يباركلك فيها إن شاء الله
بالنسبالي موضوع الفتيس ده ميزة بصراحة، وأظن لما تاخد عليه هيريّحك إن شاء الله
السلام عليكم أستاذ هيثم
أيه أخبار العربيه معاك عشان انا ناوي اشتريها ورحت شوفتها
هي اللى معاك فيها مسند يد امامي ولا لأ؟
موضوع الفتيس اخباره ايه معاك ؟
انا لما سالت قالولي سعرها 158 الف والكاش عرض ب 151
حضرتك كنت جايبها بكام ؟ ولكم جزيل الشكر
اقتباس:
المشاركة الأصلية كتبت بواسطة مهند السحتري
وعليكم السلام يا باشا
انا كنت جايب العربيه ب 158,800
ومفيهاش مسند يد امامى وماظنش ان فى منها بمسند
العربيه جميله الحمد لله ... الفتيس خلاص قربت اتعود عليه .. هو طبعا مفيهوش مشكله بس انا اللى مش متعود
العربيه على سعرها وامكانياتها و طبعا الجوده حلو جدا جدا
بص انا جديد فى موضوع المنتديات ده وانى اعرف اكتب تقرير عن العربيه ... ف انت لو عندك اى اسئله معينه يبقى احسن وانا ارد عليها نقطه نقطه عشان تعرف كل حاجه عن العربيه قبل ما تشتريها
شكرا على ردك السريع وربنا يبارك لك فيها ان شاء الله.اقتباس:
المشاركة الأصلية كتبت بواسطة haitham ghazal
الاسئله اللى عندي ولكم جزيل الشكر مقدما على الرد ان امكن:
1. موضوع العدادات اللى في النص عادي في السواقه معاك لاني متعود على اللى امامي على طول؟
2. الكرسي الامامي مكن يتحكم في ارتفاعه ؟
3. انا عارف ان احنا في الشتا لكن جربت التكيف او عرفت قوته مع صيفنا الجميل؟
4. عزل السياره من الداخل وصوت الموتور؟
5. المرايات تعتيم ولا لأ ؟
اسف على الاطاله وشكرا ليك مقدما
1. موضوع العدادات اللى في النص عادي في السواقه معاك لاني متعود على اللى امامي على طول؟
عن نفسي مش عاملى اي مشكله ... انا كمان متعود على العدادات العاديه بس محستش بمشكله من العربيه
2. الكرسي الامامي مكن يتحكم في ارتفاعه ؟
اه كرسى السواق واللى جمبه ممكن تتحكم فى ارتفاعه ... مانيوال مش كهربا
3. انا عارف ان احنا في الشتا لكن جربت التكيف او عرفت قوته مع صيفنا الجميل؟
هو انا جربته بس مكنش الجو حر قوى واشتغل كويس
4. عزل السياره من الداخل وصوت الموتور؟
االعزل جيد جدا و صوت الموتور انا شايف انه عالى شويه بس انت مش بتحس بيه فى العربيه ... بس وانت بره يعني حاسس انه عالى شويه ... بس ممكن برضه عشان لسه انا معملتش بيها غير 500 كيلو
5. المرايات تعتيم ولا لأ ؟
المرايا اللى فى النص تعتيم اوتوماتيك ... هي لوحدها مع الاضائه بتعمل تعتيم ... المرايات الجانبيه عاديه
حاجه بس تانيه العربيه استهلاكها للبنزين لحد دلوقتى (جوه المدينه) 9.5 لتر لكل 100 كيلو
ويا باشا اى وقت عايز تسال عن حاجه تانيه مفيش مشكله خالص
ولو انت من اسكندريه وعايز تجرب العربيه مفيش اى مشكله خالص ... ومش عزومة مراكبيه على فكره :)
متشكر جدا لردك
أظن موضوع الاستهلاك حيقل ان شاء الله مع الوقت حضرتك بتقول لسه 500 كيلو
كنت عايز اعرف العربية فيها ESP stability control
وفيها كام ايرباج
و اخبارها معاك ايه
شكرا