يا ريت يا اهل المعرفة تدلونى,, اشغل الاوفر دريف فى عربيتى الاتوماتيك ولا لآ
ناس تقول اة وناس تقول لآ افيدونى!!!!
عرض للطباعة
يا ريت يا اهل المعرفة تدلونى,, اشغل الاوفر دريف فى عربيتى الاتوماتيك ولا لآ
ناس تقول اة وناس تقول لآ افيدونى!!!!
في اعتقاد خاطئ ان انت لما تدوس علي الزرار اللي في الفتيس يبقي كده انت شغلت الاوفر درايف........الكلام دا مش صحيح انت لما بتدوس علي الزرار انت كده بتطفيه!!!
ازاي؟؟؟
الفتيس مثلا في اربع نقلات هو بياخد نقلاته عادي لحد ما يوصل للرابع و حتوكن علي سرعه 80 مثلا .لما انت بتدوس علي الزرار و بكده معناه انك بتقفل الاوفر درايف بيقوم الفتيس ناقل للسرعه التالته لوحده و بيفضل ثابت عليها ما بينقلش للرابع الا لما تلغي عمل الزرار دا .
الحركه دي بتفيد في ايه؟
بتفيدك لما بتكون عاوز تعدي عربيه مثلا و بسرعه و علي الطريق و لنفترض انك ماشي علي 80 و بدات تضغط علي البنزين علشان تعدي في الوقت دا استجابه العربيه بتكون بطيئه علشان بتبقي علي الرابع بعكس لما تكون علي التالت استجابه العربيه بتبقي اسرع بشويه .
و الحركه دي مش مضره ولا حاجه بس ما تنساش انك بعد ما تاخد سرعتك تقفل الزرار تاني علشان العربيه تعرف تاخد الرابع.و علي فكره الحركه دي بتزود من استهلاك البنزين
شرح كامل هتلاقيه فى اللينك ده
http://www.nilemotors.net/Forum/viewtopic.php?t=1046
اى خدمة :lol:
فعلا زى ما قال الأخ حازم و كمان لما الأوفر درايف حيبقى مقفول حتلاقى مكتوب على التابلوة O/D off
مع احترامي لرأي الاستاذ حازم بس اعتقد ان الاوفر درايف وظيفته غير كده
انا جربته في عربية hyundai trajet لو انا مش دايس على الزرار العربية بتنقل نقلاتها عادي لغاية لما توصل للرابع ومثلا ماشية على 80 على rpm 3000 ( مثلا )
وبعدين لما تدوس على زرار الاوفر درايف اللمبة في التابلوه تنور .. والعربية تحس كإنها نقلت نقلة زيادة .. ال rpm يقل على 2500 ... وبالتالي اكيد لما تشغله السرعة القصوى هتزيد
السؤال هنا ... هل اخليه على طول شغال ؟ ولا لما اوصل لسرعة 80 او 90 مثلا اشغله ؟
لاني لما بكون مشغله من البداية بحس العربية اتقل .
مافيش اختلاف ولا حاجه .انا ما سوقتش التارجت قبل كده بس بكلامك دا يبقي مفعول الزرار عكسي بخلاف العربيات اللي جربتها و منها الكورولا الجديده مثلا.بمعني ان الزرار اللي عندك بيشغل الاوفر درايف مش بيفصله بمعني انك لما تشغله بيسمح للعربيه انها تاخد الاربع نقلات انما لو بطلته off يعني تبقي العربيه تاخد تلات نقلات بس.
يعنى اخلية شغال على طول ولا لآ
خلية شغال على طول
كده الامور اتلخبطت عندى خالص .. نبتدى من الاول تانى.. انا كنت فاكر ان الاوفر درايف ده وحسب ما قرات انه بيقوم بالنقل من السرعة الرابعة للخامسة على الترس الصغير اتوماتيكيا زى السرعة الخامسة فىالعربيات المانيوال ويقوم بتقليل استهلاك البنزين فى السفريات الطويلة .. اللى فهمته من الاستاذ حازم ان الاوفر درايف يقوم بارجاع السرعات الى السرعة الثالثة ويثبت عليها يعنى معنى الكلام ده انى لو نسيت وسبت الزرار شغال فانا ماشى على السرعة التالتة الى ان اقوم باغلاق الزرار يعنى ممكن الموتور يفوت منى لو مسافر مثلا سفرية طويلة كلها على التالت مش معايا برضه .. الاستاذ حازم قال و الحركه دي مش مضره ولا حاجه بس ما تنساش انك بعد ما تاخد سرعتك تقفل الزرار تاني علشان العربيه تعرف تاخد الرابع.و علي فكره الحركه دي بتزود من استهلاك البنزين
.. معنى الكلام ده انك لازم تقفل الاوفر درايف لما تعدى العربية .. الاستاذ عماد قال خليه شغال على طول .. ارجو الافادة بشكل اوضح وياريت علميا او ميكانيكيا يعنى عشان نفهم صح
يا باشمهندس العملية سهلة و مش صاعبة ولا حاجة.
لو الزرار اللى عندك بيخلى الأوفر درايف أون لما تدوس عليه كده العربية بتاخد غياراتها عادى لحد الغيار الأخير و ده بيوفر فى البنزين و معظم العربيات الأتوماتيك بتكون العادى بتاعها إن لما تضغط الزرار يبقى أون و بتخليه أون على طول.
و لما تخليه أوف بيعمل كيك داون بنقلة واحدة لتزويد العزم و التسارع و ده فقط عند الحاجة.
زى الطلوع من عربية مثلا.
و طبعا ده بيبقى على حساب زيادة إستهلاك الوقود و طبعا لا ينصح بالمشى فترة طويلة و الأوفر درايف أوف.
:lol: 8) :lol:
كده الامور اتضحت شوية مع انها عكس ما قيل سابقا لكن اشكرك جدا ياباشمهندس