الموضوع: جربت تحب عربيتك؟؟

المشاركة الأصلية كتبت بواسطة ٍٍSara Khattab

لأ لأ اللامبو دي مش طبيعيه دي قلة أدب بجد و ازاي الحاجات دي تنزل مصر اصلا هو مفيش مراعاه لمشاعر الآخرين!!!
هبقى اصورلك مره العربيه اللي تحت العماره اللي قصادنا.. عربيه عاديه جدا راكنه كده قدام العماره وشكلها يعععععع وحش اووي.. دودج تشارجر.. بس كده
ومن كام يوم انبهرت في أكتوبر بدودج تشالنجر بقى مقولكش.. ده غير كمية الرام اللي بشوفها بقت كتير مش عارفه ازاي و مره شوفت بورشا 911 سبايدر لو عارفها.. ساعتها انا كنت في مخرج اكتوبر و الدنيا زحمه و انا ريحت ع العربيه اللي قدامي وانا مش واخده بالي.. الراجل نزل يتخانق معايا شافني باصه الناحيه التانيه بيبص راح بلم هو كمان و قالي عاذرك يا بنتي وراح ماشي

::

عندق حق
يعنى لما الفيات واللادا مع احترامى ليهم يشوفو اللامبورجينى وهيا ماشيه بتدلع كده ع السكه مش عيب !! معذورين يا حبايبى :) .. ولا لما يسند بمشط رجله على دواسه البنزين تقوم العربيه مطلعه نار من الشكمان وطايره من ع الاسفلت .. يا عينى يا عينى

الدودج تشارجر بشوفها كتير وبشوف بورش كاريرا وكايين بس 911 مشوفتهاش .. وكامارو ورام على طول بشوفهم و جاجوار xf و مرسيدس cls 500 و bmw m3 .. عربيات هجص كلها يعنى متاخديش ف بالك

ودايما لما اشوفهم برضه بلاقى نفسى متنح وافضل باصص عليهم ومش انا لواحدى اللى بتنح كله بيتنح
.. ده حتى البنت اللى فى الصوره بتاعه اللامبو اللى واقفه جنب اللانسر شوفى متنحه للعربيه وهيا بتبصلها ازاى !!

المشاركة الأصلية كتبت بواسطة ٍٍsara khattab

أولا السلام عليكم ورحمة الله وبركاته..
ثانيا أنا مش عارفه الموضوع ده المفروض يتكتب فين بس أظن ان هنا أنسب حاجه
ثالثا أنا ممكن أرغي من غير ما آخد بالي فمن غير تهزيق لو سمحتوا
رابعا ندخل بقى في الموضوع؟؟
السبب اللي خلاني أكتب الموضوع ده هو ان انا شفت قدامي ناس كتيييير بتتعامل مع عربياتهم بطريقه غريبه جدا!!
أنا معايا دايو نوبيرا أوتوماتيك.. حاجه كده بتجيب من 0-100 في 25 ثانيه مثلا.. إن مكنش أكتر
بس بجد حب حياتي و أول عربيه أركبها وهيفضل ليها مكان في قلبي محدش أبدا هيقدر ياخده
مش بأفور والله بس انا مش فاهمه ليه الناس بتتعامل مع عربياتها مثلا انها جماد مبيحسش ولا بيفهم ساعات يحملوها فوق طاقتها وساعات يقللوا من قدراتها ومحدش فيهم جرب يفهم عربيته
في ناس أكيد فاهمه انا بتكلم في إيه وناس تانيه بتبص للي قاعد جنبها "دي عبيطه ياسطى.. قال احس بالعربيه قال"
كل واحد في الدنيا ليه معتقداته انا عن نفسي أؤمن إيمان تام ان الجماد بيحس و بيفهم وبيرد كمان بس بطريقته
بدليل ان ربنا قال ان الصخر بيسبح بإسمه صح؟؟
طب حاجه تانيه.. عمرك ما دخلت مكان استريحتله متعرفش ليه؟ او مكان عمرك ما رحته أبدا بس مقفول منه كده من غير سبب؟؟ طب مفكرتش ليه؟؟ مش يمكن عشان الحاجات اللي فيه او حتى الأرض والحيطان هيا اللي محسساك بكده؟؟
أنا من الناس اللي فعلا مجانين عربيات وسواقه بعشق كل حاجه عن العربيات بمعنى كل حاجه
كل يوم بمشي 140 كيلو بقالي 3 سنين دلوقتي ودي الحاجه الوحيده اللي مصبراني على الجامعه المستفزه اللي انا فيها دي اصلا
هيا فعلا عربيتي ممكن متكونش احسن عربيه في الدنيا "احم.. اكيد مش أحسن عربيه في الدنيا" بس عمرها ما خذلتني في موقف انا محتاجاها فيه.. عمري ما طلبت منها تشد ع الطريق عشان تنقذني من موقف إلا و ادتني فوق طاقتها.. وعمري ما دوست على الفرامل وانا الأدرينالين انفجر في كل عروقي الا وانقذتني وفرملت قبل ما تحصل كارثه
مع ان مش طبيعي منها انها تفرمل كده أو تشد كده أو ال acceleration بتاعها يبقى كده بس هو بقى كده يوم ما فعلا احتاجته
في مواقف حصلت معايا على الدائري عمري ما كنت هعدي منها و اقعد اكتب الموضوع ده إلا بفضل ربنا أكيد و عربيتي اللي فاهماني و عارفه انا امتى بحتاجلها تديني كل اللي عندها وفعلا بتنفذ
انا بس كنت عايزه اوصلكوا حاجتين..
اولا: حب عربيتك بجد و شجعها و هتديك فوق ما تتخيل.. حاول تحس بيها اسمع صوت ماتورها كإنه بيكلمك اعرف هو عايزك تريحه ولا تدوس عليه و لا محتاج منك إيه.. متهنش عربيتك أبدا كفايه انها مستحمله طرق البلد يا أخي!!
و ثانيا: لو شفت واحده بتبوس دريكسيون العربيه بعد ما تاخد غرزه الله أعلم خدتها ازاي أو بتطبطب علىها كده بمعنى " u go girl" متتريقش عليها عشان غالبا هتبقى أنا

فكرتينى بالمرحومة مراتى التانية ...وكانت نوبيرا بردوا وكنت بحبها جدااا والى الان حتى بعد ما بيعتها واتجوزت واحدة تالتة ليها معزة خاصة فى قلبى

فعلا الواحد لو حب عربيته عمرها ماحتزعلو دا حتى انا بدلعها واحياننا باكلمها كانها صديقه اه والله كتير حيضحك كتير حيقول عبيط بس دى الحقيقه***