الموضوع: مقبل على شراء 307

شكرا ليك ممكن اعرف وجهة نظرك 2004 اوتو رشة جنبين تعمل سعر كام وشكرا

بص يا باشا والله العظيم العربية دي هتجننك انا عايش في الخليج ومعايا 307 موديل 2003 والجير بتاعها بايظ والجير مش بيتصلح ولازم تغير الجير بالكامل ده غير ان قطع غيارها مولعه طبعا هي ركوبه حلوه وثبات عالطريق وتكييف فوق الممتاز بس والله خلتني اشد لان مش كل الميكانيكيه بيشتغلو فيها ولو حد مش فاهم فيها هيبيعك اللي وراك واللي قدامك عشان تتصلح وف الاخر تطلع مشكله لا تتعدى تصليحها 20 جنيه

بص يا باشا سيبك من الهرى اللى بتسمعه من الاخر انا معايا بيجو 307 موديل 2007 عربيه فوق الممتازه المهم الحاله العربيه لو حالتها نظيفه اتكل على الله واللى يقولك مشاكل ومش مشاكل ده حد مش معاه العربيه وبيسمع زيه زى ما كنت بسمع قبل ما اشترى عربيتى وكنت عمال برضه بسمع ان فيها مشاكل فى الفتيس ومش عارف ايه من الاخر موضوع نتشه الفتيس ده موجود ومشهوره فى البيجو والرينو بس من الاخر النتشه دى مش بتحصل غير فى الاول بس يعنى يمعنى اصح لما العربيه تكون ماسخنتش علشان لزوجه زيت الفتيس انما بعد كده مش بتحس بيها خالص وعموما البيجو بتحس بنقالت الفتيس وهى ماشيه والباور بتاعها مش كهرباء فهتحس انه تقيل شويه علشان باور زيت ولو على الميكانيكيه فا فى مليون واحد بقى خلاص حافظها وانت لو نويت فى ميكانيكى ممتاز انا بتعامل معاه اسمه محسن وده تخصص بيجو بس وقطع الغيار معقوله مش مولعه زى ما بيتقال بس طبعا اغلى من الكورى بكتير يعنى ما تقرنهاش بالدايو مثلا من الاخر كده العربيه حاله غير كده ما تقربش سعرها كام معرفش فى فرق كبير فى السعر بين الموديلات يعنى الفرق مثلا مابين شكل 2006 لشكل 2007 ممكن يخش فى 10 الالف جنيه انما 2004 معرفش اسال برضه قبل ما تشترى وربنا يوفقك وتلاقى حاجة كويسه