تقرير: بعض أسعار قطع غيار نيو سيراتو k3 في الحرفيين
مساء الخير علي حبايبنا ملاك K3 مصر.
عندي موضوع فيه أسعار بعض قطع غيار عربياتنا بالإضافة لبعض التفاصيل الاخري المفيدة ان شاء الله.
من حوالي فترة واحد قابلته و كان عامل حادثة كبيرة بعربيته و كانت فئة متوسطة من K3.
لما عمل الحادثة كان عامل تأمين عربيته مع بنك QNB مباشرة و البنك دا اللي كان اسمه NSGB.
اتصل بالبنك علشان موضوع التأمين والناس بكل احترافية طلبوا منه تقييم الإصلاح في التوكيل بعد عمل محضر في الشرطة طبعاً.
التكلفة المبدئية كانت 63 ألف جنيه وقابلة للزيادة.
البنك وافق مقابل ان العميل يدفع التكاليف أولا ثم يستردها من شركة التأمين عن طريق البنك.
المهم الراجل هوا اللي رفض انه يصلح في التوكيل مش عارف ليه.!!
المهم راح الحرفيين و اشتري كل قطع الغيار من هناك و كما عمل Upgrade لشوية حاجات مش كانت عنده.
و التكلفة طلعت بمصاريف صاحب السيارة والانتقالات والصنايعية 32 الف جنيه.
و طبعااااا عرفت منه بعض اسعار القطع اللي غيرها علشان نفيد اخواتنا في نادي K3.
2 باب بنفس لون العربية بدون الحشو (موكا) 5500 جنيه
رفرف ابيض 1000 جنيه
اكصدام امامي (قشرة فقط) 700 جنيه
شبكة 400 جنيه
2 مرايا كهرباء بتاغ للفئة Top Line ب2000جنيه
طقم ايرباج كامل بالتكويد عند عسكر أشهر كهربائي في الحرفيين 5000جنيه
سرابانتينة تكييف 1200 جنيه
2 فانوس امامي ليدات بدون لمبات 1500 جنيه
2 فانوس خلفي ليدات بدون لمبات 1500 جنيه
2 فوج امامي باللمبات 1000 جنيه
جهاز زينون اصلي مقطوع من العربية امامه من غير لمبات 2200 جنيه
للعلم:
الاسعار دي من حوالي 6 شهور.
برجاء للإستفادة:
لو اي حد اشتري اي قطعة غيار اخري للK3 يقولنا سعرها.
و لو اشتري اي بند من البنود اللي فوق بسعر اقل يا ريت يقولنا اشتراها بكام و منين علشان الكل يستفيد.
اتمنى ان اكون افدتكم.
دمتم للنضال يا اغلي الرجال