السلام عليكم ورحمة الله وبركاته
وعليكم السلام ورحمة الله وبركاته
انا هشترى عربية جيلى سباركى 2005 إن شاء الله وعاوز رأيكم وياريت أسمع نصايحكم
لسه مغيره 2 كوبلن وأنا سمعت أن الكبالين بتاعت العربية دى بتبوظ بسرعه الكلام دا صحيح ؟
انا كان عندى فروته و غيرت الكوبلن مرتين تقريبا فـ 6 سنين
الزجاج مش كهربا وهل لو عملته كهربا هيكلف كام ؟
1000 لـ 1500 تقريبا
زجاج المريات كهريا فى موديل 2005 ولا التحكم فيه من بره علشان ملقتش زرار التحكم جوه ونسيت أسألها
مش عارف هى فيها مرايات كهرباء ولا لأ بس انا كان عندى فالفروته مرايات كهرباء علشان كانت كامله 4 زجاج كهرباء و مرايات كهرباء و ... بس العربيه دى بدون زجاج كهرباء فا ممكن تكون المرايات عاديه (مش متأكد)
عاوز أعرف رأيكم فى العربية بالمواصفات دى؟ وسعرها كام ىتقريبا ؟ وعاوز أعرف أسعار قطع الغيار تقريبا وأمكانهم خصوصا فى الهرم وفيصل والمعادى والجيزة ؟
العربيه تعتبر معقوله
انا مش عارف السعر العادل, هى طالبه كام ؟؟
اسعار قطع الغيار مش عارف لكن اماكن بيع قطع الغيار
فالتوفقيه - فأول فيصل - اشهر واحد امام معهد السكر فالقصر العينى و ده اللى كنت بتعامل معاه
مع العلم أنى معايا حاليا 128 فيات فهل كدا هيبقى فى تقدم ولا الاتين اوحش من بعض ؟
نصيحه لو عايز تشترى عربيه و تحس بفرق عن 128 اشترى الكامله يبقى عندك تكييف - 4 زجاج كهرباء - مرايات كهرباء - سنترال لوك - جنوط - فوج لايت
وكنت عاوز أكشف على العربية كشف كامل علشان أشتريها وأنا مطمن يكون برضو فى المعادى او قريب من المعادى وعاوز أعرف أسعار الكشف كام فى البنزينة والمراكز وانهى افضل وهل اكشف عليها فى مراكز خاصة بالجيلى ولا فى اى مركز؟
اسعار الكشف فالبنزينه 90 جنيه او 100 تقريبا
انا اعرف ميكانيكى كان شغال فالتوكيل بتاع جيلى لو عايز ممكن ابعتلك رقمه و تكشف على العربيه عنده فالورشه (فأول فيصل) و اعتقد انه هيكون افضل على الأقل هتعرف هى محتاجه ايه بالظبط و هتصرف كام و هينفعك ان شاء الله فالمستقبل
معلش يا جماعه طولت عليكم وياريت اللى يعرف حاجه يساعدنى بيها
المفضلات