ارجو الافاده سريعا بخصوص c280 2008 عشان ارد على البائع

**ashmawe** · 19-11-2014 03:08 AM

امامي سياره c280 2008 فضي فرش اسود فابريكه من الداخل والخارج عداد ٨٠ الف كيلو بحاله جيده وكشف الشركه اوضح انها تحتاج الي ٢ مساعد امامي وطنابير اماميه وانا اعتقد انها تحتاج الي كاوتش ايضا والمطلوب فيها بعد الفصال ٢٦٠ الف هل هذا السعر مناسب ولا لا والبائع يحتاج الي رد مني سريعا ارجو لمن له خبره ان يفيدني

**ENG.MaRk** · 19-11-2014 07:35 AM

زود شوية (مش كتير) و هاتلك 508 هاي لاين و هتبقي راكب عربية زيرو من الأول و بامكانيات جبارة ... أنا مش بقارنها بالمرسيدس لأن مفيش وجه مقارنة و لكن طعم الزيرو يفرق و هتاخد منها كل ما تتمناه ... قوة و سحب و ثبات و وسع و راحة و كماليات لا تحصي و حاجات كتير لو قعدت أحكي مش هخلص :)
260 مناسبة للمرسيدس بس نصيحة ماتشتريش حاجة انت عارف إن فيها حاجة عايزة تتصلح ... الواحد بيجيب العربية عشان تريحه مش تخنقه :)

**mhmd_farouq** · 19-11-2014 08:18 AM

طبعا بغض النظر انها مرسيدس (جباره) وبغض النظر ان قطع غيار الالماني ممكن تعمر اكتر من مبنى سكني عندنا .. بس االزيرو ليه فرحته كده ومعاك ضمانك . يا عالم فيها خازوق كبير .. استخير كده بس انا رأيي زيرووووو .. موفق في الشراء انشاء الله

**Batman372** · 19-11-2014 04:56 PM

المشاركة الأصلية كتبت بواسطة ashmawe

امامي سياره c280 2008 فضي فرش اسود فابريكه من الداخل والخارج عداد ٨٠ الف كيلو بحاله جيده وكشف الشركه اوضح انها تحتاج الي ٢ مساعد امامي وطنابير اماميه وانا اعتقد انها تحتاج الي كاوتش ايضا والمطلوب فيها بعد الفصال ٢٦٠ الف هل هذا السعر مناسب ولا لا والبائع يحتاج الي رد مني سريعا ارجو لمن له خبره ان يفيدني

السعر معقول لكن اخصم منه ثمن الحاجات دى ...
او تخلص على ٢٥٠ و اعمل انت الحاجات دى لو متأكد ان باقى الحاله ممتازه ...
و ال ٢٨٠ موتور شديد ٢٣٠ حصان و عزم ٢٧٠ نيوتن و بنزين ٩٢ و زى الفل :)
تحياتى ...

**ENG.MaRk** · 19-11-2014 06:22 PM

المشاركة الأصلية كتبت بواسطة batman372

السعر معقول لكن اخصم منه ثمن الحاجات دى ...
او تخلص على ٢٥٠ و اعمل انت الحاجات دى لو متأكد ان باقى الحاله ممتازه ...
و ال ٢٨٠ موتور شديد ٢٣٠ حصان و عزم ٢٧٠ نيوتن و بنزين ٩٢ و زى الفل :)
تحياتى ...

ال508 163 حصان و عزم 240 نيوتن.متر و بنزين 92 زي الفل برضه :)

**Batman372** · 19-11-2014 07:55 PM

المشاركة الأصلية كتبت بواسطة ENG.MaRk

ال508 163 حصان و عزم 240 نيوتن.متر و بنزين 92 زي الفل برضه :)

على عينى و راسى بشمهندس مارك .. لكن لا وجه للمقارنه :)
احنا بنأكد ان ال ٥٠٨ هى البديل الاوفر للمرسيدس و البى ام و لكن ليس المنافس ... حتى لو استعمال نظيف ...

السى ٢٨٠ مو ٢٠٠٨ عزمها للتصحيح ٣٠٠ نيوتن و قوه ٢٣١ حصان و تسارع فى ٦.٩ ثانيه ...
و كانت زيرو فى ٢٠٠٨ ب ٤٦٠ الف .. يعنى اليوم اما تلاقيها بحاله ممتازه و تقريبا بنصف السعر يبقى قمه الاغراء و best good money value و حيخسر مستقبلا اقل من اى عربيه زيرو رنجها ٣٠٠ الف ... لانه كاسر مبلغ محترم بالفعل ... غير طبعا انها مرسيدس تتباع هوا ...

و لو كان فيه سى ٢٨٠ الشكل الجديد مو ٢٠١٥ كامت حتعدى ال ٦٠٠ الف ...

فقط يجب التأكد ان الحاله ممتازه ... غير كده مفيش اى مشاكل و حيستمتع جدا بالعربيه غير طبعا فخامه المرسيدس ...
انا فى التوكيل بشوف عربيات مو ٢٠٠٣/٢٠٠٤ و عامله بال ٢٥٠ الف كم و حالات زى الساعه السويسرى ...

تقبل تحياتى ...

**ENG.MaRk** · 19-11-2014 10:04 PM

المشاركة الأصلية كتبت بواسطة batman372

على عينى و راسى بشمهندس مارك .. لكن لا وجه للمقارنه :)
احنا بنأكد ان ال ٥٠٨ هى البديل الاوفر للمرسيدس و البى ام و لكن ليس المنافس ... حتى لو استعمال نظيف ...

السى ٢٨٠ مو ٢٠٠٨ عزمها للتصحيح ٣٠٠ نيوتن و قوه ٢٣١ حصان و تسارع فى ٦.٩ ثانيه ...
و كانت زيرو فى ٢٠٠٨ ب ٤٦٠ الف .. يعنى اليوم اما تلاقيها بحاله ممتازه و تقريبا بنصف السعر يبقى قمه الاغراء و best good money value و حيخسر مستقبلا اقل من اى عربيه زيرو رنجها ٣٠٠ الف ... لانه كاسر مبلغ محترم بالفعل ... غير طبعا انها مرسيدس تتباع هوا ...

و لو كان فيه سى ٢٨٠ الشكل الجديد مو ٢٠١٥ كامت حتعدى ال ٦٠٠ الف ...

فقط يجب التأكد ان الحاله ممتازه ... غير كده مفيش اى مشاكل و حيستمتع جدا بالعربيه غير طبعا فخامه المرسيدس ...
انا فى التوكيل بشوف عربيات مو ٢٠٠٣/٢٠٠٤ و عامله بال ٢٥٠ الف كم و حالات زى الساعه السويسرى ...

تقبل تحياتى ...

يا باشا لو حضرتك قريت أول مشاركة ليّ هتلاقيني قلت إن البيجو مش بديل للمرسيدس و لا ينفع حتي تتقارن بيها :) ... بس لما تدفع مبلغ محترم (ربع مليون) في عربية من سبع سنين و عاملة 80000 كم في حين إنك ممكن تبقي راكب حاجة زيرو و مش قليلة برضه يبقي انت حسبتها صح ... عموما علشان أجيبلك المفيد يا باشا أنا لما اقترحت عليه ال508 ما ألزمتوش بيها و قولتله لازم تجيبها ... أنا رأيي كان مجرد نصيحة و صاحب الموضوع هو الوحيد الحكم في الموضوع :)

**ashmawe** · 19-11-2014 10:08 PM

اولا شكرا على الرد يا بهوات بس انا اصلا راكب c 180 2004 بقالي اربع سنوات وعارف يعني ايه مرسيدس مع احترامي لكل ما ذكره سيادتكم بس المرسيدس لا تقارن باي حد والي ركب مرسيدس عارف الكلام ده مش حتعرف تركب عربيه تانيه للاسف يعني حتدمنها وصعب تنزل منها لانك من الاخر حتحس انك فعلا نزلت مهما ركبت زيرو مع احترامي للكل المهم ربنا يسهل بس انا خايف بصراحه من استلهلاك البنزين يكون كثير

**ENG.MaRk** · 19-11-2014 11:01 PM

المشاركة الأصلية كتبت بواسطة ashmawe

اولا شكرا على الرد يا بهوات بس انا اصلا راكب c 180 2004 بقالي اربع سنوات وعارف يعني ايه مرسيدس مع احترامي لكل ما ذكره سيادتكم بس المرسيدس لا تقارن باي حد والي ركب مرسيدس عارف الكلام ده مش حتعرف تركب عربيه تانيه للاسف يعني حتدمنها وصعب تنزل منها لانك من الاخر حتحس انك فعلا نزلت مهما ركبت زيرو مع احترامي للكل المهم ربنا يسهل بس انا خايف بصراحه من استلهلاك البنزين يكون كثير

حضرتك طلبت النصيحة و أنا قولت اللي عندي :)
يا باشا أنا معايا في ألمانيا e63 amg يعني أحسن مرسيدس ممكن تركبها و برضه معايا ال508 و راضي عن أدائها ... أنا باتكلم عن فئة سعرية بوجه عام مش بقارن بين شركة و شركة لأن بشهادة أي حد في العالم مرسيدس ماتتقارنش !!!

**Batman372** · 20-11-2014 01:49 AM

المشاركة الأصلية كتبت بواسطة ENG.MaRk

حضرتك طلبت النصيحة و أنا قولت اللي عندي :)
يا باشا أنا معايا في ألمانيا e63 amg يعني أحسن مرسيدس ممكن تركبها و برضه معايا ال508 و راضي عن أدائها ... أنا باتكلم عن فئة سعرية بوجه عام مش بقارن بين شركة و شركة لأن بشهادة أي حد في العالم مرسيدس ماتتقارنش !!!

E63 amg يعنى راجل ميرك/بنزاوى صرف :) و سايبنى اوضح يعنى ايه مرسيدس :)
و كمان فى المانيا ... يعنى تعرف تطلع براحتك الوحش beast الى فالموتور على الاوتو بان :)
تحياتى ...