رجة في اوبل فيكترا 95 عالبطيء..!!

**أبو الفداء** · 19-11-2014 03:41 PM

Opel vectra 95
2000 cc
اتوماتيك
العربية فيه هزة كدة ...بتزيد لما العربية تاخد الغيار وانا ماسك فرامل..
وكمان وانا ماشي عالبطيء
لكن عالسريع عادي .. لما العربية تاخد سرعتها الهزة تروح
وبتخف على وضع النورمالN
.
.
الميكانيكي جرب حاجات كتير قدامي ..
غيرت كل قواعد الموتور وقاعدة شداد الدينامو.. الهزة زادت بعدها...
وغيرت البوجيهات..
ورحت لسعد الله اللي ف جسر السويس وقال انه هيضبط ا"لايرماس" ووصل كمبيوتر بالعربية و وفتح الايرماس وقعد يضبط.. مفيش حاجة اتغيرت!!
غيرت طرمبة البنزين.. مفيش
اخر حاجة واحد عفشجي قال الموضوع ده ممكن يكون من الشكمان لما نزل وبص عالعربية من تحت.. وقال انه فيه افيز بيربط الشكمان بقاعدة الموتور مش موجود..
وهو اللي عامل كده...

هل اي حد عنده المشكلة دي؟؟

**احمد فهمى** · 19-11-2014 07:15 PM

كلها عوامل تسبب المشكله وبما انك غيرت كل حاجه ركب الافيز ده وظبط شكمانك ﻷنو بيسبب نفس الأعراض

**mrafie** · 17-12-2014 02:13 PM

جرب فلتر الهواء كانت عندي الميكانيكي قالي بص وشال الكابل بتاع الكهرباء اللي داخل لفلتر الهواء العربيه ظبطت على طول الوضع ده بسموه العربيه بترتل
والحل انك تنضفه او تشتريه من 80 ل 120 جنيه تقريبا