شكرا يا أستاذ أوسكار للرد
شكرا يا أستاذ أوسكار للرد
والله يا جماعه الموضوع ده مهم جدا بسبب ان المصر مش بلد الامن والمان بقت كلها خناق وبلطجه واللى يعرف يعمل حاجه يعملها ده القانون الجديد من وجهة نظرى لكن البلد جميله مش وحشه الناس هما اللى اتغيرم انا عن نفسى سايب فى العربيه مضرب هوكى زان وده غالبا بيكونعلى الكرسى اللى جنبى بس ممكن طلب
مضرب البيسبول بيتباع فين وسعره كام لانى هتجنن عليه
الالكتريك شوك صوتة كفاية انة يردع اى حد بيحاول ياذيك من غير ما تحتاج انك تستخدمة
بس حجمه كبير للأسف
أنا شايل لغم بحرى فى العربية
بهزر طبعا :)
ربنا يسترها معانا جميعاً ، خطورة الموضوع ده إنه باب يدخلك منه الشيطان ، وكمان ممكن تستخدمه للتهويش بس وتكون النتيجة إستفزاز اللى قدامك ويأذيك فعلاً بجهل وهيسترية لأنه هيكون خايف منك
والله يا استاذ سامح الموضوع مابقاش استفزاز قد ما بقى قلة ادب وسفالة
بص انا معايا اكتر من سلاح في العربية لكثرة تعرضي لسواقين الميكروباص
لكن النهاردة الجديدة جت من سواق نقل عام
راجع من شغلي في النزهة الجديدة لبيتي في اخر جسر السويس
باخد الطريق الخلفي وعند التقاطع الخلفي لبنزين كالتكس جسر السويس سواق اتوبي مصمم يعدي بالعرض بعد وقفت مستني 10 دقايق كاملين طابور عربيات يعدي وانا قولت مش فارقة معايا يمكن يكون حد مستعجل
بس المسافة ماينفعش تعدي اتوبيس وفر عربييات واقفة ورايا
وده مصمم يدخل كلاكسات على نور وده داخل وهو سمعت طاخ
توقعت ربع العربية الامامي اتشال نزلت مش شايف قدامي وسحب الاليكتريك بس عشان ماتهورش وسحبت المفتاح عشان اقفل العربية والموبيلات والنوتبوك ما يتسرقوش
وكان اوتبيس نقل عام من بتاع اصلاح وقطر الاوتبيسات العطلانة ومهكه وخربان روحت السواق قولتلة ايه اللي انت عملتة ده وانا مابصيتش على العربية عشان مايتحرقش دمي واتعصب واضربه
قام شتم فيا وفي الزبالة عينتي اللي مستعجلين هو مش عارف ليه
محستش غير وانا ناطط جوة الاتوبيس من الباب الامامي الخربان ومصمم الدعة بالصاعق والناس ماسكاني وبتحلفني بالله انه راجل اهبل
اقولهم اهبل يدمر ممتلكات الناس
طبعا لولا تدخل الناس واعتراض عربية نص نقل مسارة كان زمانة جري وماكنتش هاعرف اجيبة عشان السكة ومش هاعرف اغير اتجاهي
على فكرة
كان جنبة عتلة حاططها جنب ايده للحاجات دي ومصمم يضربني بيها
والله صعب عليا اكهربة بس تقول ايه على الغباء
اللي كمان هداني واحد جه يقوللي يا بيه عربيتك ماحلهاش حاجة ده الصاج حك في صاج النمرة بتاعتك وحصل خير
الحمد لله على كل شيء بس احب اقول لصاحب الموضوع ان اكاد اجزم ان 3 من كل 5 لازم تلاقي معاهم سلاح ما بين سلاح ابيض لصاعق لطبنجة صوت للارهاب او رش او سلاح حي او شومة او سيلف دفنس بتاع البنات لامريكان استيك وغيرة وغيرة
بجد بقت بلد في منتهى الفوضى وخطر جدا ان حد يتعرضلك ويكون مسلح وانت بطولك في بلدنا لان الشرطة بتتبع مبدأ سيبهم يخلصو على بعض واحنا نيجي نكتب المحضر :2:
انا معايا اليكتريك شوك
و لما باسافر في مشاوير طويلة باخد معايا سلا ح حي
للدفاع ضد قطاع الطرق ( فقط )
الأسلحة يا جماعة عيب (تظهر) الا ضد الاعتداء بسلاح او تهديد فعلى للحياة او العرض
غير كده تبقى بلطجة و قلة أدب
المشكله ما بقتش فى العربيات و بس
دى ظاهره
يعنى مثلا انا عمرى ما شلت سلاح و لا استعملته
لكن ملاحظ ان الناس بتتباهى بالحاجات دى
يعنى دلوقتى تلاقى الاصحاب بيهزروا بالسلاح
ههههههههههههههههههههههههه هههههههههههههه...عسل يا نور. والله والدك دة راجل عسل
انا لما قرأت الكلام اللي انت كاتبة، لاقيت نفسي ميت من الضحك بس هو عندة حق لان مبقاش فية امان في مصر. كنت عاوز اقولك حاجة كمان، فية ناس يقولك وانا اشيل شومة ولا صاعق لية، طب ما هو (اللافية والكوريك والصليبة) بتوع العربية موجودين يقضوا الغرض.