انا حاليا بره مصر وعاوز اشتري عربيه مستعمله ماتكونش غاليه وتكون سهله في البيع بعد كده عشان لما ارجع تكون تحت ايدي لفتره مش كبيره اوي لحد مااقرر اشتري عربيه زيرو
وكان الاختيار اني اشوف فيرنا على اعتبار سهولة بيعها وسعرها
بس في واحد صاحبي بيبيع عربيته التيجو 2009 ال 1600
وهي عامله 120000 كيلو وفبريقه بالكامل ومعاه من الزيرو
كنت عاوز اخد رأيكم فيها انا ركبتها كتير وسقتها وطبعا هي مختلفه عن الفيرنا خالص بس زي ماقلتلكم الاختيار لعربيه سهلة البيع ومؤقته بغض النظر عن امكاناتها ووسائل امانها
فعاوز رأيكم في النقط ده
1- اجيبها وللا اخليني في الفيرنا يعني هتكون سهله في البيع بعد كده وهتمسك سعر وللا لا؟
2-اكشف عليها فين ؟ توكيل وللا في مراكز خدمه كويسه ؟
3- اخد بالي من ايه وانا بشتريها عشان انا خبرتي في الاسبرانزا زيرو؟
4- سعر العربيه كام باعتبارها فبريقه وحالة الموتور كويسه ومحتاجه تظبيط في العفشه لانها ماتلمستش من الزيرو
اسف على الاطاله بس ياريت تقولولي رأيكم بصراحه والسعر اللي يكون عادل للعربيه