عايز واحد اسمه محمد محمد زكي محمد

**amr011111** · 21-11-2014 10:31 PM

هوه بالتأكيد انت عملت كل حاجه علشان توصل للشخص اللى باعلك الارض وملقتوش

بس اسهل الطرق عليك انك تجيب نفس الشخص وتسجلوا الارض
حاول تروح لموظف سجل مدنى وتطلع على شهاده ميلاد الشخص ده يمكن تعرف منها عنوانه وتروح تسأل فى المنطقه حتى لو عزل ممكن توصله

لو هوه وظيفتها تعرفها يعنى مهندس او محماى ممكن تروحم نقابة المهندسين او نقابة المحامين وتسأل عليه

وربنا يوفقك

**sha2e** · 21-11-2014 10:50 PM

ارجع لاخوه اللي باعلك وخليه يعطيك عنوان اخوه أو يوصلك بيه
اساسا ازاي تشتري حاجه وانت متعرفش حتى عنوان اللي باعلك

لو عايز توصل لصاحب الاسم قدامك أكتر من طريق
الطرق العاديه ( بدون دفع فلوس )
1- عن طريق التوكيل اللى معاك تدور بيه على صورة بطاقة اللى عملك التوكيل ومنها عنوانه
2- عن طريق النت على الفيس مثلا وان كانت صعبه شويه لان الاسم مفيش فيه حاجه مميزه
3- 140 دليل اتصل وجرب قولهم الاسم وخليها تبحث عن رقم تليفون أرضي

الاتجاه الثاني في حالة ان المحاولات اللى قبل كده مجبتش نتيجة
لو ليك معرفه فى الشرطه كلمه وهو هيجبلك عنوانه من السجل المدني من الكمبيوتر فى عشر دقايق
يا اما تحاول تشوف اي حد فى المباحث فى اي قسم وهو هيعرف يجبلك عنوانه فى اقل من اسبوع هما ليهم طرقهم
سواء من السجل المدني دي هياخد منك فيها الفين جنيه أو تلاته وممكن يجبلك رقم موبيله بس فى الحاله دي هيطلب أكتر
بس حاول تخترع ليه اي حوار بعيد عن موضوع الارض ده لانك لو قلتله عليه هيطلب منك أكتر من 10 الاف

ونصيحه حاول تبعد عن موضوع التزوير لانه جناية ولو انكشفت انت اللى هتشيلها وممكن صاحب الارض نفسه يكون مستنيك تتصل بيه عشان ياخد قرشين ويتنازلك تاني ولو لقاك متصلتش ممكن هو الي يبلغ عن التزوير

**carrier** · 22-11-2014 12:52 AM

يا جماعة
التوكيل لازم يكون خاص اساسا فى البيع
التوكيل العام فى الاداريات فقط

الاجراء اعتقد من اساسه خطأ قانوتى يا أ/هوجان
لان
لو انا معايا توكيل عام اشترى بيه زى ما انا عاوز
لكن
ابيع بيه لا يمكن
الا لو موظف الشهر العقارى واكل كويس حضرتك

**semi** · 22-11-2014 09:33 AM

نصيحة كلم محامي هما بيبقوا عارفين الطبخه وهيقولك على الزيتونة علطول

**mhmhmh75** · 24-11-2014 07:47 AM

لسلام عليكم

حضرتك تاعب نفسك اوي محام كويس بتكلفه قليله وصبر طويل يحللك المشكله انتا عارف ان الفوانين لا تطبق بأثر رجعي يبقا المحامي بتاعك هيبعث انذار على يد محضر للموظف المسئول ان كان الجهاز او الشهر العقاري بأنه من تمنع عن تنفيذ المعامله المذكور وتذكر ماذا تريد يكون قد طبق قانون غير ذي صله فلا يجوز تطبيق قوانين بأثر رجعي ا علما واضرارا وعليه تحمل مواجه القضاء ولو عايز تبيع وتسجل ارفع قضيه بعد اعلانهم ولو موصل كهرباء ومياه يبقا الأمور هتكون اسرع واصبر ولا خمسون الف ولا حاجه ولا تتعب دماغك هتصرف ربع المبلغ على اقصى تقدير وممكن تطالبهم بلتعويض لما تكسب القضيه عن الضرر الأدبي والمادي الي حدث لك بسبب تعنتهم هوا هيكون رمزي وممكن يبقا اتنين سحتوت بس الموظف هيتعاقب بسبب انه بيستعبط وفاهم وراجل حرامي وطمع فيك

**mhmhmh75** · 24-11-2014 07:55 AM

التوكيل الشامل شامل لو لم يتشطب على اجزاء تمنع سريان المكشوط او المشار الى عدم سريانه غير ذالك يسري والأجراء صحيح كما ان التنازل كان في جهاز المدينه يعني فاهمين اللعبه بس عايزين الرشوة والله يغفر لمن تاب

**mohamedzaki74** · 24-11-2014 06:01 PM

ههههههههه انا اسمي محمد زكي يعني لو خلفت ولد هسميه محمد علشان ينفع
هم يبكي و هم يضحك

**طارق _عبد السلام** · 24-11-2014 06:37 PM

اكيد رقم التوكيل الخاص به مكتوب عندك فى العقد وتشوف تبع اى شهر عقارى وتروح تجيب بياناته برقم التوكيل

الموضوع متعب فعلا ربنا معاك

**hugan** · 24-11-2014 07:43 PM

شكرا لحضراتكم
بعد معاناه 3 شهور ومحايله
الراجل بعت التوكيل من بره
الحمد لله
للتوضيح انا مش هاقيم في البيت اناه ابيع وبالتالي المشتري مالوش علاقه بالشغلانه دي عايز ورقه يكون سليم
سكه القضايا والمحامين هاتخلي اي حد يخاف
علشان كده كنت عايز اختصر الطريق بتوكيل مباشر مخصص من المالك