الموضوع: حساسات الفيكترا

- IAC >> Idle Air Control Valve
دة المسئول عن عملية ال idling او السلانسية ودة بيشتغل عن طريق اشارة من كمبيوتر العربية

- TPS >> Throttle Position Sensor
مسئول عن الاحساس بمكان البوابة ويبعت اشارة للكمبيوتر علشان ( مش باين بس هو فى المنطقة دى تحت العمة هتلاقى فيشة فى الجنب )

- TS >> Temperature Sensor
مسئول عن الاحساس بدرجة حرارة مياة التبريد ( هو مش باين فى الصورة بس لو مشيت ورا السلك دة هتوصلة )

- Air Flow
المفروض على حسب كلام مهندس التوكيل واللى مش مقتنع بية اوى وللأسف مش لاقى اى كتاب عن صيانة العربية انة بيحس بتيار الهوا اللى داخل علشان تحديد نسبة الخليط ( لو مشيت ورا الخرطومين الحمر دول هتلاقى واحد طالع من المانيفولد من قدام ولافف على العمة من ورا وداخل على حاجة زى شريحة معدنية من جوة وطالع من نفس الحتة دى خرطوم تانى داخل فى علبة الفلتر من تحت " لو بصيت على المكان دة من جوة العلبة هتلاقى حاجة زى guide vanes جوة " )
هو بيظبط حاجة فى تيار الهوا اللى داخل بس اية بالظبط مش عارف ومش لاقى حد يجاوبنى

- cam & cranck shaft sensor
دة حساس للكامة وحساس للكرنك علشان يحس لو فى فرق بين الاتنين " سير كاتينة اتقطع او عمود كامة اتكسر " علشان يفصل كهربة عن البوجيهات

كلام هايل جداً يا أحمد باشا
لو تسمحلي عندي إضافة بسيطة ..
حساس الكرنك دة بيحل محل الإسبرتير في العربيات القديمة ، يعني الكمبيوتر بيعرف من خلاله مكان كل بستم بالضبط عشان يحدد توقيت الشرارة
حساس الكامة بتعرف منه أي سيلندر عليه الدور في الحقن ، و بيستخدم مع حساس الكرنك في بداية تدوير الموتور عشان تحديد بداية الحقن و أول شرارة
حساس الهوا فعلاً مهم عشان تحديد نسبة الخليط بين البنزين و الهوا ، يعني لو الهوا سخن مثلاً يبقى كثافته عالية يبقى محتاج كمية أكبر لكل إسطوانة عشان تتخالط مع نفس كمية البنزين المعتادة ، أو بمعنى أصح الكمبيوتر يقلل كمية البنزين المحقونة للإسطوانة عشان يحصل على نفس نسبة الخليط (Air/fuel mix ratio )، و هكذا

اتمنى تكون اضافتي مفيدة ، و أي إستفسار أنا موجود
تحياتي