عربيتى سيراتو 2015 اتحكت من الجنب ساعدووووووووووونى !!!!!!!!

**ahmed hasanin** · 20-11-2014 09:41 AM

يا جماعة محتاج اسشارتكم انا عندى سيراتو 2015 فى السعودية وجبتها من 4 شهور تقريبا ومن اسبوع كنت رنها تحت البيت وبعدين نزلت لقيتها محكوكة من الباب الشمال بتاع السواق كانها حكه مسمار او طفل بيلعب بعجلة حكها . وفى جزء 5 سم كده محفور جامد وباقى الخدش مبين البوية البيضة اللى تحت . عربيتى لونه فضى ميتالك وانا متضايق جدا عشان العربية لسه جديدة تنصحونى بايه لان محتار اصلحها ولا لأ وناس كتير خوفونى من القلم السحرى والبوليش وانا كل لما اشوفها كده اتضايق واريف .

انصحونى اعمل ايه بالله عليكم

**yasser100** · 20-11-2014 09:57 AM

احسن حاجه روح اعملها و ادهن الباب كله ما فيش مشكله . البويه لسه جديده و فرصه انه مش هايكون فيه فرق لون احسن لما تكون قديمه و مش هايكون فيه معجون و ﻻ حاجه . و اخلص من الموضوع ده تماما و ﻻ بوليش و ﻻ قلم .

**ahmed hasanin** · 20-11-2014 11:12 AM

شكرا ليك yasser100 وجزاك الله خير

**john55** · 20-11-2014 11:48 AM

انا كانت عندي نفس الحكه بس في نصف الباب اشتريت استيكر شكله حلو ولزقته علي جانبي العربيه واتحلت المشكله لكن لو عند حضرتك مينفعش يتعمل الافضل ترش الباب في التوكيل علشان اللون وشكرا

**ahmed hasanin** · 20-11-2014 01:18 PM

الف شكر john55 بس ممكن تقولى لون عريبتك ايه والستيكر ده اجيبه منين وشكرا مقدما

**john55** · 22-11-2014 12:12 PM

انا اولا عربيتي اكسنت ار بي لونها نبيتي دم غزال جبتلها استيكر لونه اسود من اي محل اكسسوارات واشكاله زي ا للي بتبقي في العربيات الفورميلا بتاعت السبق هتلاقي اشكال كتير شوف اللي ينسبك ويمشي مع مكان الخدش والزقه شمال ويمين علي جانبي العربيه شكله حلو وبيدي شكل اسبور للعربيه و شكرا

**ahmed hasanin** · 23-11-2014 01:10 PM

الف شكرا يا غالى بس ممكن معلش لو هتقل عليك تبعتلى صورة الستيكر ده ؟

**ahmed hasanin** · 23-11-2014 01:39 PM

الف شكرا يا غالى بس ممكن معلش لو هتقل عليك تبعتلى صورة الستيكر ده ؟

**saif2010** · 24-11-2014 07:16 PM

لا ترش العربية سعرها هينزل اكثر من 15 الف بعد الرش ولو عاوز ترش روح الحرفيين التوكيل هيبان الرش ومش هيطلعلك اللون

**ahmed hasanin** · 25-11-2014 01:26 PM

شكرا ليك اخ saif 2010 بس انا مقيم فى الدمام فى السعودية . انا ممكن احاول بالقلم السحرى ده وخلاص وامشى بيه على الخدش عشان يدارى اللون وقدام بقا كمان كام سنة باذن الله ابقا ارشها كله رشة نضافة لما اللون يبهت ايه رأيك ؟