السيد المشرف والسادة أعضاء قسم vw الكرام
السيارة جيتا موديل 2008 1.6 mpi - تم شرائها قريبا و لاحظت أنها فى حالة محاولة تشغيلها وهى على مطلع أو منزل لاتدور نهائيا ولا حتى أسمع صوت مارش!
فقط عند تحريكها لسطح مستوى تدور بكفاءة بعد دقائق!
برجاء المساعدة وتشخيص العطل - كشفت على الكهرباء (دينامو وبطارية) وحالتهم جيدة جدا
وشكرا
اكشف على طلمبة البنزين بنسبه كبيره العيب منها
مستوي الزيت والميه والبنزينم مظبوطين؟؟
دى طرمبة بنزين بنسبه كبيره جدا اما الطرمبه ضعيفه واما الطرمبه كانت متغيره بقلب طرمبه صينى ب250 جنيه ودامشكلته انه مفيهوش بلف عدم رجوع وبالتالى فى بداية الدواره لما تفتح كونتاكت المفروض تسمع صوت الطرمبه بتحضر وبعدين تقف وعلى العموم لوحضرتك منالمحله ممكنتشرفنى نقيس ضغط الطرمبه هو من 5.5 الى 6 بار
لو العربية ديه اوتوماتيك اتاكد ان الدراع علي n هو p لان مستوي العربية ملوش اي تاثير علي المارش
اما لو المارش اساسا بيشتغل والمكنة مبدورش يبقا فعلا ديه مشكلة طرمبة ذي ما السادة الاعضاء شخصو
وانا متابع معاك
شكرا جزيلا للسادة الأعضاء
العطل أصبح يتكرر حتى لو السيارة فى وضع مستوى - أيضا لاحظت أن عمل وصلة للبطارية يجعل السيارة تعمل بشكل عادى مع العلم بأن البطارية والدينامو تم الكشف عليهم فى مكانين مختلفين و النتيجة أنهم كلاهما يعمل بكفاءة
الملاحظة المتكررة والتى أعتقد أنها السبب - هو وجود طبقة أملاح على القطاش وأقطاب البطارية و سوف أقوم بالتنظيف بإستعمال البيكربونات أو علبة كولا و المتابعة.
العيب و الله اعلم مارش لانه كان بيحصل معايا
آجى أدخل على مدخل البيت و هو مطلع فأبطل العربية و انزل علشان افتح البوابة ...آجى أدور تانى ما تدورش
و فيه طريقة علشان تتأكد من الموضوع دا ...
خليها على نفس الوضع المائل و هات قطعة صلبة قوية زى شاكوش او مفتاح محمل و اخبط على اوتوماتيك المارش كام مرة كدة و ارجع دور تانى هتلاقى العربية تدور....كدة يبقى الموضوع مارش بنسبة 100 %
و سبب الموضوع دا ان فيه جزء داخلى فى المارش ....بوبينة صغيرة اسمها كوليكتور بتتآكل و التلامس مع الشربون بيكون ضغيف .....او ان الشربون نفسه تآكل و مش ملمس كويس مع الكوليكتور... و بيبان الموضوع دا مع الوضع المائل
غيرت البوبينة علشان الكوليكتور فقط ...و الموضوع اتظبط و فضل معايا البوبنة القديمة و كنت عايز كوليكتور جديد و تشتغل تانى عادى
فيه ناس بتفك الكوليكتور القديم و تلحمه بواحد مستعمل تكون حالته نظيفه
موضع بطارية جديدة او تنظيف القواطيش بيلاشى نسبة من عدم جودة التلامس و بتظل المشكلة هى هى
انا كنت عارض الموضوع فى المشاركة دى http://www.nilemotors.net/Nile/45017...post3875829714
اختصار الموضوع اتاكد من المارش و لو طلع هو ....يبقى شربون ب10 جنيه او كوليكتور جديد او مارش جديد بالكامل
عزيزى م أحمد شكرا جزيلا على هذة المعلومات القيمة وعلى المشاركة بتجربتك و لإضافة حل المشكلة وجزاك الله كل خير - سوف أقوم بالكشف على المارش للتأكد من حالتة.