بعد قرار شراء ثرموستات الكوع .. استفسارات مهمة .. ابيزا 94
السلام عليكم ورحمة الله وبركاته
ازيكم يا ابيزاوية
كنت عملت موضوع قبل كده بخصوص مشورتكم فى مسألة الثرموستات بتاعة الكوعه لإبيزا 94
http://www.nilemotors.net/Nile/395703-a.html
وكمان ادينا فى دخلة الشتا والعربيات بتحتاج لتسخين كتير ومع الجرى العربية بتلح والموتور بيبقى رخم
الحمد لله انا قررت اركب الثرموستات
وتواصلت مع المهندس محمد سيد على الموبايل وسألته عدة اسئلة مهمة هقولهالكم وهسألكم أسئلة أخرى عشان نوصل للمفيد ..
وكان مفاد الحوار ما بينا ..
إن ممكن اجيبها استيراد تفاديا لخطورة الصينى المضروب .. وإن بتاعة الريدياتير تتجاب جديدة
وإن لازم أغير ثرموستات الريدياتير لأنه بتشتغل عند 60 تقريبا يعنى لو جبت ثرموستات الكوعة يبقى المروحة هتفضل شغالة على طول فلازم اجيب واحدة للردياتير تشتغل عند 87
وإن الثرموستات بتاعة الكوعة مهمة جدا للموتور وإن خطر خلعها جدا ..
وإن التكييف السخن بتاع العربية بيعتمد على دورة المياة السخنة وليس تسخين الكباس ..
كلمت عصام وقلتله انا ان شاء الله عازم على تركيبها وشوفهالى استيراد ومتعارضنيش عشان ان شاء الله اركبها .. فالحمد لله سلم كتاف وقالى هشوفهالك استيراد ..
الأسئلة المتبقية ومهمة جدا لان ممكن تفيدنا كلنا ..
هل الثرموستات الكوعة بتاعة 98 تركب على موديل 94 ؟
لو مش استيراد إيه أفضل وأنضف نوع ممكن نجيبه فى الثرموستات بصفة عامة ؟
هل نكلم التوكيل زى الشركةا لهندسية نسألهم على حاجه نضيفه ؟
هل ممكن نستورد من بره عن طريق موقع ebay وتبقى حاجه نضيفه ومضمونه حتى ولو جديدة ؟
- ممكن لو استخدمنا موقع ebay التكلفة الإجمالية يكون قد ايه ؟ ومين يقدر يخدمنا فى المسألة دى بحيث لو يعرف الإجراءات وانا ادفع له تمن الحاجه وكل اللى هيتكلفه .. بحيث انا معنديش بطاقة ائتمان ولا جربت اشتريها منها هناك