شكرا نايل موتورز .. وخصوصا كريم منير

السلام عليكم ورحمة الله وبركاته

من باب شكر اهل الفضل علينا .. فانا فعلا مدين بالشكر لنايل موتورز وخصوصا كريم منير

بفضل الله اولا .. ثم ما قرأته وتعلمته فى المنتدى .. تفاديت حادث مميت الحمد لله ان ربنا سترها

كنت ماشي على طريق سريع وكان فيه لجنة موقفة الطريق .. وكنت على اليمين وكان على شمالي نقل بمقطورة

و كان المفروض ادخل قدامه علشان اعدي الكمين

اديته اشارة وكلاكس لكن لقيته داخل برضه وكنا على مسافة قريبة جدا من انه يدوسني تماما


ساعتها افتكرت الحاجات الجميلة اللى اتعلمتها منكم هنا عن تجاوز النقل من على اليمين .. وانه غلط وان سواق النقل مش بيشوف المنطقة دي وتعتبر منطقة عمياء بالنسباله

والصراحة كان اول حد كتب عن الموضوع ده كان كريم منير وكنت قريت الكلام اللى كتبه ده عنده على الفيس بوك

ولذلك .. شكرا ليكم جميعا .. وشكرا كريم منير

ونصيحة .. لا تبخلوا باي نصيحة او معلومة لانها ممكن تنقذ حياة انسان (لو ربنا اراد)

حمد الله على السلامة وربنا يحفظك ويحفظ طريقنا كلنا

عايز اتضامن معاك في الشكر ده

انا مدين بأغلب اللي اتعلمته في عالم السيارات لنايل موتورز :)

احنا استفدنا من نايل موتورز كتير جدا حتى في الأمور الغير متعلقة بالسيارات
فجزى الله كل خير القائمين عليه وعلى رأسهم الأخ الفاضل الكريم كريم منير وباقي الإخوة المشرفين والأعضاء

جزى الله خيرا" كل القائمين على هذا المنتدى و الأعضاء الفعالين المحبين للخير

فعلا معلومة زي دي مهمة جدا وكمان العربيات الى بتكون شايلة زلط ومش متغطي كويس ربنا بيسترها على عبيده ومش شطارة مننا كتير مواقف بتقابلنا وطبعا بنتصرف حسب ما اتعلمنا وكله ستر ورحمة من الله عز وجل .

شكر وتقدير لنايل موتورز وكل القائمين على إنجاح هذا المنتدى الرائع وكذلك الاعضاء الذين لم يبخلوا بتبادل خبراتهم واراءهم وتجاربهم فلهم جزيل الشكر والتقدير .
تحياتي : )