هربت من كمين الردار بتاع المحور ..... عايز اعرف لو خدو النمره هايعملو بيها ايه ؟؟

**kimo-nubira** · 30-10-2008 02:17 PM

الموضوع باختصار اني النهارده كنت مستأذن من الشغل علشان اعمل شويه

حاجات فى جهاز مدينه 6 اكتوبر وكنت مستعجل جدا علشان ارجع الشغل بدري

المهم انا بكل حال من الاحوال انا منزلتش عن 120 بس كنت بهدي جمب

العربيات الكيا ال 4*4 اللي بيبقي فيها الردار المهم لقيت الناس اللي جايه فى

الاتجاه المعاكس بتقلبلي نور فهمت ان فيه لجنه وهديت قبلها بشويه كتير بس

بارضو انا قولت اني خلاص كده ولا كده اتقفشت المهم مشيت لغايه اللجنه وكانت

المفجأه انهم عملنها قبل فتحه الطريق البطيئ اللي في اليمين رحت لاعب لعبه

الهروب الكبيــــر وعديت من الفتحه ديه ومشيت فى الطريق البطيئ ودخلت اول

فتحه شمال بعد اللجنه ورجعت تاني على الطريق

و لاقيت ناس كتير قبلي علمت كده وناس بعدي بارضو

السؤال هنا بقي لو فعلا كنت واخد مخالفه رداد ها لقيها في الرخصه وانا بجدد ؟؟ ولا كده بخ ومحدش هايعمل حاجه ؟؟

السؤال التاني لو حد اخد نمره العربيه هل ممكن يعملي مخالفه هروب من كمين ؟؟

اصلي بصراحه قلقان جدا من الموضوع ده وعايز اعرف رايكم ومستني ردودكم

واسف للاطاله وتقبلو جميعا تحياتي

**tamohsen** · 30-10-2008 02:24 PM

غالبا هتلاقيها مبعوتالك او وانت بتجدد الرخصه

**AHMEDCAR** · 30-10-2008 02:34 PM

المفجأه انهم عملنها قبل فتحه الطريق البطيئ اللي في اليمين رحت لاعب لعبه

الهروب الكبيــــر وعديت من الفتحه ديه ومشيت فى الطريق البطيئ

و الله اللى ماسك المرور فى البلد دى بنى ادم تعبان ازاى يعمل الكمين بعد فتحه زى دى المفروض قبليها المهم انت هاتلاقى المخالفه لو فى مخالفه لقدر الله وانت بتجدد

**kimo-nubira** · 30-10-2008 05:19 PM

متشكر اووى يا شباب على الردود وربنا يستر وميكنش فيها مخالفه اصلا

**MoToRiZeR** · 30-10-2008 05:44 PM

يااااااااه دنتا ربنا يستر عليك ماللي هيحصل .. هههههههه

متخافش ولاااا أي حاجة حصلت .. مبدئياَ انا عملت كدة كتير مع إني مبجريش و مش هتمسك رادار بس عشان عارف الكمين اللي عند زايد 2000 ده بيقف الطريق قبله فا بخش الطريق البطئ .. و بيبقوا موقفين عسكري و لو عايزين يوقفوك هيوقفوك .. أسهل حاجة كلمة في اللاسلكي توقفك الدورية اللي عند ميدان جهينة :)

إنت كدة لا إتاخدت رادار ولا هروب من الكمين ولا أي حاجة .. طالما محدش كلمك في زايد ولا جهينة يبقي راضيين عنك .. أصلهم ما بيصدقوا .. مش هيعدوك بالساهل كدة يعني .

**zakiali** · 30-10-2008 08:41 PM

ابقي اكشف علي المخالفات في النت بعد شهر .

.

**eng_elnaggar** · 30-10-2008 09:08 PM

اسف للتكرار

**eng_elnaggar** · 30-10-2008 09:11 PM

ولا حصلك اى حاجه ما تقلقش انت لو كنت اتصورت رادار كانوا هيوقفوك في الفتحة بتاعة البطئ وبعدين هم مش عبط للدرجة دي ودي شغلتهم ومفيش وراهم حاجه غيرها وغير انهم يوقفوا حال الناس المستعجلة اللي زيك.. وغالبا ده مش كمين رادار ده كمين عادي عشان مستحيل يكون رادار وقبله فتحة... واعتقد انك لو كنت دخلت عليهم ما كانوش هيوقفوك والله اعلم ...
وامشي بالراحة يا عم هى الدنيا هتطير لو حسبتها في الآخر هتلاقيها فرقت في وقت بسيط جدا ..
اعتبر نفسك وقفت في زحمة ولا حاجه ...
في التأني السلامة وفي العجلة الندامة

**Abo_Lina** · 30-10-2008 09:29 PM

ماتقلقش فيها تأبيدة بس
يا راجل انا مرة شفت شباب في لانسر بطة الامين حاول يوقفهم و تقريبا كان متعلق في شباك السواق و العربية مهدية و قامو حارقين و سابوه منظره كان فانلة..
هو ده الهروب

**kimo-nubira** · 31-10-2008 04:38 AM

المشاركة الأصلية كتبت بواسطة MoToRiZeR

يااااااااه دنتا ربنا يستر عليك ماللي هيحصل .. هههههههه

متخافش ولاااا أي حاجة حصلت .. مبدئياَ انا عملت كدة كتير مع إني مبجريش و مش هتمسك رادار بس عشان عارف الكمين اللي عند زايد 2000 ده بيقف الطريق قبله فا بخش الطريق البطئ .. و بيبقوا موقفين عسكري و لو عايزين يوقفوك هيوقفوك .. أسهل حاجة كلمة في اللاسلكي توقفك الدورية اللي عند ميدان جهينة :)

إنت كدة لا إتاخدت رادار ولا هروب من الكمين ولا أي حاجة .. طالما محدش كلمك في زايد ولا جهينة يبقي راضيين عنك .. أصلهم ما بيصدقوا .. مش هيعدوك بالساهل كدة يعني .

ياعم خضتني الله يسامحك انا قولت خلاص مش هاعرف ادخل اكتوبر تاني لحد ما نتاوى الجثه

بس ربنا يخليك يا MoToRiZeR والله كلامك طمني انا فعلا كنت

قلقان اوووى علشان اول مره اعملها بس انت كلامك صح هما ما

هيصدقو و سهل فعلا يوقفوني عند ميدان جهينه شكرا يباشا على
مشاركتك الجميله ديه

المشاركة الأصلية كتبت بواسطة zakiali

ابقي اكشف علي المخالفات في النت بعد شهر .
.

ان شاء الله انا بارضو جالي نفس الفكره ومتشكر يباشا لردك

المشاركة الأصلية كتبت بواسطة Mohamed_ElNaggar

ولا حصلك اى حاجه ما تقلقش انت لو كنت اتصورت رادار كانوا هيوقفوك في الفتحة بتاعة البطئ وبعدين هم مش عبط للدرجة دي ودي شغلتهم ومفيش وراهم حاجه غيرها وغير انهم يوقفوا حال الناس المستعجلة اللي زيك.. وغالبا ده مش كمين رادار ده كمين عادي عشان مستحيل يكون رادار وقبله فتحة... واعتقد انك لو كنت دخلت عليهم ما كانوش هيوقفوك والله اعلم ...
وامشي بالراحة يا عم هى الدنيا هتطير لو حسبتها في الآخر هتلاقيها فرقت في وقت بسيط جدا ..
اعتبر نفسك وقفت في زحمة ولا حاجه ...
في التأني السلامة وفي العجلة الندامة

والله يا محمد انا مش بجري غير في الطرق السريعه والمفتوحه بس

بس النهارده كنت مستعجل علشان عندي شغل كتير وكنت رايح

اخلص شويه ورق فى جهاز المدينه وكنت مستاذن من الشغل

ساعه فاكنت عايز اكسب وقت مش اكتر

والله يباشا كلامك طمني ربنا يكرمك ومتشكر اووووى على المشاركه الجميله ديه

المشاركة الأصلية كتبت بواسطة Tyler_Durden

ماتقلقش فيها تأبيدة بس
يا راجل انا مرة شفت شباب في لانسر بطة الامين حاول يوقفهم و تقريبا كان متعلق في شباك السواق و العربية مهدية و قامو حارقين و سابوه منظره كان فانلة..

هو ده الهروب

بصارحه مشاركتك ديه هلكتني على نفسي من الضحك

بس اكيد دول لبسو مخالفات للصبح او العربيه متأجره ومش بتاعتهم فا مش هامهم

الموضوع: هربت من كمين الردار بتاع المحور ..... عايز اعرف لو خدو النمره هايعملو بيها ايه ؟؟

LinkBack

أدوات الموضوع

عرض

هربت من كمين الردار بتاع المحور ..... عايز اعرف لو خدو النمره هايعملو بيها ايه ؟؟ - انشر الموضوع فى :

-

-

-

-

-

-

-

-

المواضيع المتشابهه

عايز اعرف الاسطوانة والديسك بتاع فيكترا ايه 1600

المخالفات ؟!!! الردار بتاع الصحراوي و المحور و انا ماشي 200

عايز اعرف الوان الميجان 2 الى نزلت بيها وموجوده فعليا فى السوق

عايز اعرف العداد ده بتاع ايه

عايز اعرف السعر بتاع الكوبلين للفيرنا

الكلمات الدلالية لهذا الموضوع

المفضلات

المفضلات

ضوابط المشاركة