محتاج خبرتكم وميكانيكي ضروري بخصوص w123

**elprofessor_m** · 21-11-2014 02:22 AM

السلام عليكم

دي اول مشاركة بعد التسجيل فالمنتدى بعد عناء البحث ولعلى اجد ضالتى هنا

الموضوع باختصار انى معايا مرسيدس w123 1983 راكب عليها مكنة2.3 m102 (السودا) انجكشن وعايز ميكانيكي بيفهم لانى بجد زهقت من الميكانيكية العربية زى الزفت الرشاشات بتتغير كل 6 شهور والعربية بتقطع وحاجه سيئة فلو في ميكانيكي بيفهم يا ريت لو حد يدينى رقمه وعنوانه لو امكن

وبعد أذن خبراء التعديل لو شلت المكنة دي وركبت المكنة M110 2.8L 6C افضل من المكنة 102 ولا لا وخصوصا ان الضريبة واحده ويا ريت لو حد يعرف سعر المكنه اكون شاكر جدا

اخر استفسار مكنة الزلموكة M104 2.8 6 c تركب في نفس الحوض وهي احسن ولا 110 وايه اللي لازم يتغير

وشكرااااااااااااااااااااا اا جزيلااااااااااااااااااااا ااااااااااا

**elprofessor_m** · 05-01-2015 12:44 AM

معقوله محدش يعرف ميكانيكي عدل !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!

**ahmedamin84** · 06-01-2015 10:40 PM

هو انت منين ؟؟
انا من المنصوره و كان فيه معايا العربيه ده قبل كده و كان فيه ميكانيكى شاطر كنت بتعامل معاه اسمه فتحى فى طلخا جوار مدرسه الاعداديه بنين

**elprofessor_m** · 07-01-2015 12:38 PM

المشاركة الأصلية كتبت بواسطة ahmedamin84

هو انت منين ؟؟
انا من المنصوره و كان فيه معايا العربيه ده قبل كده و كان فيه ميكانيكى شاطر كنت بتعامل معاه اسمه فتحى فى طلخا جوار مدرسه الاعداديه بنين

متشكررررررررررررررررر جداً يااستاذ احمد كون انك رديت عليا دي حاجه انا مقدرها
بس للأسف انا عايز ميكانيكي فالقاهرة وعالعموم أفكر فالمنصورة
بس سؤال يا باشا المكنة كانت عندك ايه وانجكشن ولا كربراتير ولو عندك فكرة عن المكن اللي يركب يا ريت تقولي

**ahmedamin84** · 07-01-2015 02:07 PM

كان الموتور الاسود 2000 سى سى كاربراتير بس اللى اعرفه ان لو انت بتستخدم بنزين 80 ده هيبوظ الانجكشن بتاع العربيه

**elprofessor_m** · 07-01-2015 04:58 PM

المشاركة الأصلية كتبت بواسطة ahmedamin84

كان الموتور الاسود 2000 سى سى كاربراتير بس اللى اعرفه ان لو انت بتستخدم بنزين 80 ده هيبوظ الانجكشن بتاع العربيه

انا المكنة اللي عندى 2300 سوداء انجكشن وماشية ب 92 وحالتها كرب عالعموم انا شكلى هاغير المكنة واجيب واحدة 2000 زي بتاعتك مع انى بحب صوت المكنة بتاعتى اوي لو كانت مضبوطة وشكرا عالمتابعة

**ahmedamin84** · 08-01-2015 07:15 PM

حضرتك ممكن تعدلها كاربراتير ... و ده هيكون اوفر من تغيير الموتور كله
01061622617 ده رقم فتحى الميكانيكى كلمه و اساله

**elprofessor_m** · 09-01-2015 02:03 AM

المشاركة الأصلية كتبت بواسطة ahmedamin84

حضرتك ممكن تعدلها كاربراتير ... و ده هيكون اوفر من تغيير الموتور كله
01061622617 ده رقم فتحى الميكانيكى كلمه و اساله

متشكر جدا يا باشا وجزاك الله خير
عالعموم هاكلمه كده واشوف ايه النظام

**م/أحمد عبد الفتاح** · 19-01-2015 04:24 PM

بالنسبة للرشاشات إللى بتتغير كل ٦ شهور - حاجه من اتنين : هل بتغير معاها الكاوتشات بتاعتها اللى لونها اسود ؟ لو مش بتغيرها لازم تغيرها وتنضف الرشاشات والحاجة التانية وساخة البنزين بسبب التنك - حاول تفك تنك البنزين وتنضفه كويس وخصوصاً بيبقى فيه شبكة علشان تمنع الشوائب تخش على مواسير البنزين تتنضف هى و كمان تنفض خط البنزين من التانك لغاية الموتور بالهوا علشان ينضف لو فيه اى وساخة وبعدين تركب الرشاشات بالكاوتشات الجديدة وتغير فلتر البنزين بالمرة بس بنوعية كويسه لانه ساعات بيتفرول منه اجزاء وتمشى مع البنزين وتسد الرشاشات . بالنسبة للميكانيكى بصراحة معرفش حد كويس - بعد ماتخلص الكلام ده ياريت تطمنا علشان نتابع مع حضرتك لو فيه حاجة تانية او المشكلة متحلتش - فيه ناس كتير بتخلص المشكلة وبالسلامة ولا حد بيقول اى فيدباك :)
المواتير دى ياباشا تعيش العمر كله وبالتوفيق ان شاء الله