شوف يا سيدى
تقيمى العام ( العام ) زى ما طلبت لموديل 2009 اتوماتيك ( تجميع مصرى )
1- التسارع مقبول بوجه عام الا فى حاله تشغبل لتكيف - يقل عزم التسارع
2- التيل الامامى اخرة 18000 كم و عند تغيرة يجب تغير الطنابير الاماميه ( عن تجارب عديدة و صرف ما يقرب من 2500 جنيه )
3- الريداتير مصرى ( ماركه الطارق العظيمه ) اتخرم بعد 40000 كم و اتغير فى الضمان
4- العفشه ناشفه حبيتين بس المشكله فى تزييق العفشه خصوصا فى الشتاء بس ممكن تتعايش معها
5- لازم تغير الكاوتش لبريدجيستون منعا لزحف العربيه عند الفرامل المفاجئه
6- التكييف كويس طول ما انت ماشى بالعربيه - عند الوقوف تقل كفائته بحوالى 25%
7- بويه العربيه رديئه - اتحرقت بعد سنتين من شراء العربيه ( لانها ببساطه بويه مصرى عظيمه ) و دا ممكن تشوفه بعينك من عربيات كتير افيو ماشية فى الشارع مش انا بس
8- بعد 130 كم العربيه يقل سباتها عى الطريق فلازم تكون حزر بعد 130كم
9- الصالون شيك من جوه و واسع الى حد ما
10- مفيش اى وسائل امان ( اير باجز او abs )
11- فى ناس اشتكت من المساعدين بس انا ماشين معايا كويس
12- حاجات تم تغيرها لتلفها ( ماستر فرامل عمومى - ساعه الصالون - قربه مياه الريداتير )
التقييم العام
لو انت حتشتريها كمرحله ماشى - مش عربيه العمر
لو معاك عربيه قديمه و عايز تركب اعلى كمرحله ماشى حتمشى
اتمنى اكون افادتك
المفضلات