الموضوع: انهي احسن للجين تو - الحمرا و لا الزرقا

انصحك
تكلم أ/Ahmed Amin منسـق قسـم بيجو
يحسم لك اللون والنوع
نظرا لخبرته الكبيرة

المشاركة الأصلية كتبت بواسطة ahmed amin

بالنسبة لعربيتك لو البروتون جين 2 موديل 2011 ممكن تستخدم الزرقاء أو الحمراء عادي لأنهم الأتنين بيستخدمو نفس التكنولوجيا oat والبرتقاني كمان زيهم.
وأعتقد أنك صعب تلاقي مية زرقاء أصلية في السوق, الغالب هتلاقيه ماركات مش معروفة في الأغلب مضروبة
فخليك في الحمراء أفضلك بدل ما تجيب مادية عادية مضروبة وعليها صبغة بس,
أحنا مش يهمنا اللون علي قد ما تكون المية مناسبة للعربية,

المية الحمراء ممكن تجيب أي حاجة مكتوب عليها أنها متوافقة مع الأستاندرد g30 أو g40
كان فيه موضوع هنا كنت موضوع الفروقات ما بينهم هبقي أشوفه فين وأبعت لك اللنك.

بس فيه حاجة مش واضحة ليا, أزاي عربيتك 2011 وطلعت بلاوي وصداء ؟؟!
مبدئياً قبل ما تفكر تحط جديدة لأزم تنفضف رادياتير عربيتك والدورة كلها,
ولو هتجيب المية مركزة, هتخفها بمعدل 50% أو 40% علي حسب ماهو مكتوب في الكتالوج عندك, والتخفيف هيكون بخلطها بمية مقطرة زي اللي بتطلع من التكييف أو هتلاقيها عند البنزينات.
لأن المية دي مفهاش أملاح ولا معادن, أوعي مرة تانية تحط مية حنفية في رادياتير أو قربة المية في عربيتك.

الأفضل لو مش هتعرف تخفها أنك تجيب المية متخففة مسبقاً, زي جركن المية البرتقالي بتاع توتال بيكون 4 لتر بحوالي 90 أو 120 جنيه مش متذكر أووي.
وهتروح تنضف دورة التبريد كويس, بعدين تحط المية دي ولما تيجي تزود بعد كدا يكون بمية مقطرة مش مية حنفية أبداً.

يا فندم
انت نورتنا هنا فى بروتون
وشرف لينا اننا نتعلم من خبراتكم وقبلها من ادبكم الجم

واسمحلنا نتقل على سيادتك من الحين للاخر شاكرين حسن تعاونكم الدائم معنا

المشاركة الأصلية كتبت بواسطة samehshokry

اولا شكرا علي تنويرك لينا و ردك علي سؤالي ، شرف للبروتونيه
بالنسبه للمياه ، افهم من كلام حضرتك ان احسن مياه هي الحمرا ، بس هل هي فيها كذاىتركيز ، ٣٠ و ٥٠٪ و لا كله بينزل تركيز واحد ؟ و بالنسبه لموضوع الكتالوج للاسف مش معايا و انا جايبها من واحد كان مهمل جدا و الدليل موضوع الردياتير اللي كان زي النيله و البلاوي اللي طلعت منه ..... يبقي ممكن اخفف ب ٥٠٪ ... بصراحه مش فاهم .
لو المياه تركيزها ٥٠ ٪ هحتاج اخفف برده ولا لو تركيزها ١٠٠٪ بس اخفف ؟
هل ميه الفلتر بديله للمياه المقطره و لا ماتنفعش ؟
اشكرك علي سعه صدرك

يا ريس
هات بتاعت توتال المتخففة جاهزة ممتازة لونها برتقالى

واللى يفيض ابقى زود بيه القربة بعد كده

ولما تخلص خالص اشترى ميا مقطرة زود بيها القربة

المشاركة الأصلية كتبت بواسطة samehshokry

شكرا يا كبير ، انت جبتلي من الاخر
بس برده عايز افهم ، انهارده مثلا انا شوفت المياه الزرقا بتاع موبيل مكتوب عليها ٣٣٪ ومكتوب عليها برده مخففه جاهزه.
تفرق ايه التوتال مثلا عن موبيل ... و ايه اللي يخليني اختار مثلا توتال مش موبيل او العكس..

توتال منتج مش مغشوش وكفائته ممتازة

موبيل كفائتها وحشة بيسموها المية الملونة او عليها لون

المهم تسأل هتغير التوتال البرتقالى كل اد ايه لأن ليها فترة صلاحية

وانا راى لو انت تخطف رجلك لأى توكيل تويوتا او هوندا وتجيب عبوتهم افضل ( بس اغلى شوية وبتعيش اكتر بكتير ) وبتتخفف بضعفها ميا منزوعة الاملاح

زى مية الفلتر ال 5 مراحل بس اللى جو الخزان ( مش من حنفية الفلتر ) بتفتح حنفيته وتملى ازازة منه لأنه منزوع الاملاح وتزود الريداتير منه

وروح شوف الراجل ده كده
ابو الحسن - 30 شارع احمد الزيات المتفرع من شارع احمد زويل امام كلية التجارة جامعة القاهرة - بين السرايات
01003328992
33377040 - 33355239

ودا
عزيز سليمان

العنوان 12 شارع البورصه - وسط البلد - القاهره
ت / 25745068

في قلب سوق التوفيقية