بعنا العربيه الاسكودا

**prof2013** · 21-11-2014 02:35 PM

بعنا العربيه الاسكودا منذ يومين بـ 48 الف جنيه وكانت سكودا فابيا 2002
دالوقتي بنفكر في استثمار هذا المبلغ في شيء كويس يا اما مشروع او غيره
ووالدي بيفكر يعمل سوبر ماركت في الحي العاشر في زهراء مدينه نصر
ايه رأيكم ؟
وهل حد عنده اقتراحات افضل ؟؟؟

**ACC.Eslam Arif** · 21-11-2014 03:53 PM

فكرة كويسة السوبر ماركت توكل على الله اهم حاجة انك تعرف السوق ده واحتياجاته كويس وموقع متميز

**Bassem Youssef** · 21-11-2014 05:31 PM

لو العربيه بتاعتك ... خد فلوسها و طير من هنا

من كام شهر برضه بعت عربيتنا (سكودا برضه :d )

و اخدت نصيبي من الفلوس و ربنا يساهل :))

**Ahmed_selmy** · 21-11-2014 09:33 PM

فعلا فكرة السوبر ماركت حلوه ومربحه .....اهم حاجه الموقع ودا تقريبا عليه 60% من نجاح المشروع والباقى بعد كدا سهل

**prof2013** · 21-11-2014 09:36 PM

المشاركة الأصلية كتبت بواسطة باسم يوسف

لو العربيه بتاعتك ... خد فلوسها و طير من هنا

من كام شهر برضه بعت عربيتنا (سكودا برضه :d )

و اخدت نصيبي من الفلوس و ربنا يساهل :))

اروح فين بس ياكبير لما ربنا يأذن نبقى نخلع

انا بحب المغامرة وفي نفس الوقت بخاف منها وف نفس نفس الوقت لازما تخطيط كويس قبل القدوم على اي خطوة علشان منندمش بعد كده وبعدين هي الحمد لله مستورة مش محتاج اتهور اصلا واغامر اذا ما كانتش الحاجه تجيلي متأشرة يبقى فوكني وخليني في المضمون
وكمان الفلوس بتاع الوالد ومليش اي حقوق فيها اذا كان بيقولي جوز نفسك هيديني فلوس !!

**Bassem Youssef** · 21-11-2014 10:30 PM

المشاركة الأصلية كتبت بواسطة prof2013

اروح فين بس ياكبير لما ربنا يأذن نبقى نخلع

انا بحب المغامرة وفي نفس الوقت بخاف منها وف نفس نفس الوقت لازما تخطيط كويس قبل القدوم على اي خطوة علشان منندمش بعد كده وبعدين هي الحمد لله مستورة مش محتاج اتهور اصلا واغامر اذا ما كانتش الحاجه تجيلي متأشرة يبقى فوكني وخليني في المضمون
وكمان الفلوس بتاع الوالد ومليش اي حقوق فيها اذا كان بيقولي جوز نفسك هيديني فلوس !!

جزء اساسي من المغامره هو المخاطره ... يبقي ازاي بتحب المغامره و بتخاف من المخاطره ؟

مفيش حاجه في الدنيا بتيجي متأشره لأي حد في اي مكان و في اي زمان

طالما تفكيرك كده يبقي مش هتحرز اي تقدم في اي مجال

**dedi** · 21-11-2014 10:36 PM

المشاركة الأصلية كتبت بواسطة prof2013

اروح فين بس ياكبير لما ربنا يأذن نبقى نخلع

انا بحب المغامرة وفي نفس الوقت بخاف منها وف نفس نفس الوقت لازما تخطيط كويس قبل القدوم على اي خطوة علشان منندمش بعد كده وبعدين هي الحمد لله مستورة مش محتاج اتهور اصلا واغامر اذا ما كانتش الحاجه تجيلي متأشرة يبقى فوكني وخليني في المضمون
وكمان الفلوس بتاع الوالد ومليش اي حقوق فيها اذا كان بيقولي جوز نفسك هيديني فلوس !!

كلام مضبوط ولا داعى للتهور

**prof2013** · 21-11-2014 11:22 PM

المشاركة الأصلية كتبت بواسطة باسم يوسف

جزء اساسي من المغامره هو المخاطره ... يبقي ازاي بتحب المغامره و بتخاف من المخاطره ؟

مفيش حاجه في الدنيا بتيجي متأشره لأي حد في اي مكان و في اي زمان

طالما تفكيرك كده يبقي مش هتحرز اي تقدم في اي مجال

ياعم انا صحتي على قدي مش حمل بهدله ورغم اني بجتهد في اي عمل الا ان الخطوة دي لازما تيجي بتخطيط كويس جدا وتدبير والسعي في هذا الامر بدوووووون تهور وتسرع مع الدعاء والاستخارة ثم انتظر رزق الله جات جات مجاتشي عنها مجات مهما كان
احنا احسن من غيرنا الحمد لله وربنا يديمها نعمه
والله من كتر التجارب اللي قريتها وسمعتها لو كانت صحيحه يبقى اللي بنسمعه عن امريكا واوروبا مجرد فيلم من افلام الفانتازيا لا اساس لها في الواقع يمكن مصر احسن منهم رغم كل بلاويها
ويمكن بردو ناس بتفتي علشان حاقدين على غيرهم يعيشوا هذه الحياه الكريمه المزعومه والله اعلم

**بحار** · 22-11-2014 09:55 PM

السوبر ماركت مشروع كويس ولكنه مجهد جدا .. المكان مهم فيه قوى .. محتاج تفرغ تام .. يعنى الواحد ماينفعش يشغل نفسه بحاجه جنبه ..
ده للى عاوز ينجح فيه ويكسب كويس مش مشروع وخلاص .. وانا بشوف فى موضوع المشروعات ده الواحد يتأنى ويفكر كتير .. بالتوفيق

**طارق _عبد السلام** · 23-11-2014 01:24 AM

المشاركة الأصلية كتبت بواسطة prof2013

ياعم انا صحتي على قدي مش حمل بهدله ورغم اني بجتهد في اي عمل الا ان الخطوة دي لازما تيجي بتخطيط كويس جدا وتدبير والسعي في هذا الامر بدوووووون تهور وتسرع مع الدعاء والاستخارة ثم انتظر رزق الله جات جات مجاتشي عنها مجات مهما كان
احنا احسن من غيرنا الحمد لله وربنا يديمها نعمه
والله من كتر التجارب اللي قريتها وسمعتها لو كانت صحيحه يبقى اللي بنسمعه عن امريكا واوروبا مجرد فيلم من افلام الفانتازيا لا اساس لها في الواقع يمكن مصر احسن منهم رغم كل بلاويها
ويمكن بردو ناس بتفتي علشان حاقدين على غيرهم يعيشوا هذه الحياه الكريمه المزعومه والله اعلم

ربنا يتم شفاك ويتم عليك نعمه الصحه

حاول تعمل اى مشروع بس المهم والاهم انك تكون فاهم فيه وملم على الاقل بمبادئه

التجاره ممتازه جدا .. ممكن السوبر ماركت لكنه مجهد وحركه دائمه... وممكن بيع ادوات صحيه ومكسبها جيد جدا... وممكن مستلزمات كهرباء لكن اللادوات الصحيه افضل

الصناعه ايضا جيده لكن التجاره افضل منها بكثير ومخاطرها اقل

ولاتستصغر المبلغ لان لو حاولت تبدأ اى مشروع ستسمع ده مبلغ صغير وحاجات تجيب اليأس

المبلغ جيد لكن توظيفه اهم شىء

قول لنا بقى ميلوك التجاريه ايه او ميولك الصناعيه