تجربتى مع معرض الطارق فرع مول العرب

تجربتى مع معرض الطارق فرع مول العرب كانت ممتازة استلمت من هناك رينو فلوانس 2015 e3sr وطبعا التسليم تم فى الميعاد المتفق عليه تمام والعربية الحمد لله تمام و كل حاجتها معاها ومش ناقصة اى حاجة من الحاجات اللى بتيجى معاها والمعاملة كانت ممتازة وناس محترمة جدا و بترد على اى سؤال او استفسار بكل اهتمام و السبب الرئيسى لكتابتى الموضوع دة انى قريت تقارير سلبية كتير فى المنتدى عن الطارق فى مول العرب وقلت لازم انقل للناس تجربتى عشان يعرفو ان الطريقة او الاسلوب اللى مكنش عاجبهم الاول اتغير والناس اصبحت فى قمة الاحترام حسب تجربتى الشخصية انا راضى جدا

الف مبروك يا فندم العربية : )

ألف مبروك بس مفيش أحسن من B auto أو Abaza مع احترامي للكل :)

الف مبروك وربنا يكفيك شرها ... في معارض كويسه كتير انا جبتها من الليثي اللي في اسماعيل القباني في مدينة نصر والتعامل كان ممتاز سواء في الاستلام او المرور وعندهم كول سنتر بيتابع معاك كل خظوه علشان لو في مشكله

مبروك يا ريس :)

الف مبروك على العربية . انا عن نفسى كان ليا تجربة سيئة معاهم . بس كويس انهم بيعدلوا من نفسهم

1000 مبروك :)
تحياتى ...

اقتباس:

---

المشاركة الأصلية كتبت بواسطة محمود عمر

تجربتى مع معرض الطارق فرع مول العرب كانت ممتازة استلمت من هناك رينو فلوانس 2015 e3sr وطبعا التسليم تم فى الميعاد المتفق عليه تمام والعربية الحمد لله تمام و كل حاجتها معاها ومش ناقصة اى حاجة من الحاجات اللى بتيجى معاها والمعاملة كانت ممتازة وناس محترمة جدا و بترد على اى سؤال او استفسار بكل اهتمام و السبب الرئيسى لكتابتى الموضوع دة انى قريت تقارير سلبية كتير فى المنتدى عن الطارق فى مول العرب وقلت لازم انقل للناس تجربتى عشان يعرفو ان الطريقة او الاسلوب اللى مكنش عاجبهم الاول اتغير والناس اصبحت فى قمة الاحترام حسب تجربتى الشخصية انا راضى جدا

---

مبرووووووك على العربيه ربنا يديك خيرها يكفيك شرهايارب. كنت عوز اعرف الحاجات اللى بتيجى مع العربيه عشان انا حاجز فلوانس 2015 نفس الفئه برضه واستلم قريباً إن شاء الله تحياتى لك ومبروك تانى على العربيه

ألف مبروك

تراجع حاجة العربية زي الولاعة والاستبن و اتنين مفتاح والاريال بتاع العربية والكريك وبتبص على كومبيوتر العربية عشان تشوف الكيلومترات والزيت و أي رسالة ممكن تكون موجودة عشان لو في أي عطل في كهربة العربية بتظهر فيه و لو افتكرت أي حاجة تانية حقولك ومبروك مقدما وربنا يديك خيرها ويكفيك شرها... وربنا يبارك في الجميع ويحفظكم ويرزق الكل ما يتمناة